Eksoda 4:13 - Xitsonga (Bibele)

¹³ Muxe a ku: “Aa! Hosi, rhuma loyi u rhandzaka ku n'wi rhuma.”

BIBELE Mahungu Lamanene

¹³ Kambe Muxe a ku: “We N'wini wanga, rhuma loyi u tsakelaka ku n'wi rhuma!”

Eksoda 4:13 Referans Kwoze

Yonasi 1:3

Kambe Yonasi a suka, a balekela eTarxixi, kule ni mombo wa Yehovha; kutani a ngirimela eYopa, a kuma kona byatso lebyi yaka eTarxixi, a humesa mali ya riendzo, kutani a nghena ebyatsweni leswaku a ta va eTarxixi kun'we ni vini va byona, kule ni mombo wa Yehovha.

Eksoda 4:1

Kutani Muxe a hlamula a ku: “Kambe va nga ka va nga pfumeri, va nga ka va nga yingisi rito ra mina, hikuva va ta ku: ‘Yehovha a nga tikombisangi eka wena.’ ”

Yohane 6:29

Yesu a va hlamula, a ku: “Hi wona ntirho wa Xikwembu, hileswaku mi pfumela eka loyi xi n'wi rhumeke.”

Matewu 13:41

N'wana wa Munhu u ta rhuma tintsumi ta yena, ti ta humesa ehandle ka ku fuma ka yena vakhunguvanyisi hinkwavo, ni lava endlaka leswo biha.

Yonasi 1:6

Kutani n'wini wa byatso a n'wi tshinelela, a ku eka yena: “U etlelela yini? Pfuka u khongela Xikwembu xa wena; kumbexana xi ta hi anakanya, hi nga ti lova.”

Yeremiya 20:9

Kambe loko ndzi nga ku: “A ndzi nga ha tshami ndzi n'wi vula, ni loko ku ri ku vulavula hi vito ra yena,” eka mina swi fana ni ndzilo lowu hisaka embilwini ya mina, lowu nghenisiweke emarhambyini ya mina; kutani ndzi endla hi matimba ku wu hlayisa, kambe ndza tsandzeka.

Yeremiya 1:6

Ku va laha ndzi nge: “Oho! Hosi Yehovha! Vona, a ndzi tivi ku vulavula, hikuva ndza ha ri xihlangi.”

Vaavanyisi 2:1

Kutani ntsumi ya Yehovha yi suka eGiligala yi tlhandlukela eBokimi, yi ku: “Ndzi te ndzi ta mi humesa eEgipta, ndzi mi tisa etikweni leri ndzi hlambanyeke leswaku ndzi ta ri nyika vatata wa n'wina; a ndzi te, ndzi nga ka ndzi nga onhi ni siku ni rin'we ntwanano wa mina lowu ndzi wu endleke na n'wina.

Eksoda 23:20

“Waswivo, ndzi rhuma ntsumi emahlweni ka wena, yi ta ku hlayisa endleleni yi ku nghenisa etikweni leri ndzi ri lunghiseke.

Genesa 48:16

ni ntsumi leyi nga ndzi lamula eku biheni hinkwako, a xi katekise varisanyana lavo; a va thyiwe vito ra mina, ni mavito ya vakokwana Abrahama na Isaka, va andza ngopfungopfu laha emisaveni.”

1 TIHOSI 19:4

loko a ri yena, a famba mananga siku hinkwaro, kutani a ya tshamisa ehansi ka ximudyana, a kombela ku fa, a ku: “Swi ringene! Sweswi Yehovha, teka moya wa mina, hikuva a ndzi tluri vatatana hi vunene!”

Genesa 24:7

Yehovha Xikwembu xa tilo, la ndzi humeseke endlwini ya tatana, ni le tikweni ra matswalo ya mina, a va a ndzi byela hi ku hlambanya, a ku: ‘Ndzi ta nyika vatukulu va wena tiko leri’, yeloyi u ta rhumela ntsumi ya yena emahlweni ka wena, u ta tekela n'wananga nsati kona.

Eksoda 4:12

Famba sweswi, ndzi ta va ni nomu wa wena, ndzi ku dyondzisa leswi u nga ta swi vulavula.”

Eksoda 4:14

Kutani Yehovha a karihela Muxe, a ku: “A u na makwenu Aroni, wa Mulevhi xana? Ndzi tiva leswaku yena u vulavula swinene; ni sweswi hi loyi a taka ku hlangana na wena, kutani loko a ku vona u ta tsaka embilwini ya yena.

Genesa 41:35

Kutani a va hlengelete swakudya hinkwaswo hi malembe walawo lamanene va hlengeleta koro emavokweni ya Faro, va hlayisa swakudya emitini.