Eksoda 4:1 - Xitsonga (Bibele)

¹ Kutani Muxe a hlamula a ku: “Kambe va nga ka va nga pfumeri, va nga ka va nga yingisi rito ra mina, hikuva va ta ku: ‘Yehovha a nga tikombisangi eka wena.’ ”

BIBELE Mahungu Lamanene

¹ Kutani Muxe a hlamula Xikwembu, a ku: “Ndzi vona wonge Vaisraele a va nga ndzi kholwi, kumbe ku yingisa leswi ndzi nga ta va byela swona, hikuva va ta ku: ‘HOSI Xikwembu a xi tikombanga eka wena.’ ”

Eksoda 4:1 Referans Kwoze

Eksoda 3:18

“Va ta yingisa rito ra wena; kutani u ta famba ni vakulukumba va Israele eka hosi ya Egipta, mi ku eka yona: ‘Yehovha, Xikwembu xa Vaheveru, u humelele eka hina; sweswi wanga hi pfumelela ku famba riendzo ra masiku manharhu emananga, hi ta gandzela Yehovha, Xikwembu xa hina hi magandzelo.’

Timhaka 7:25

A anakanya leswaku vamakwavo va ta twisisa ha swona leswaku Xikwembu xi ta va ponisa hi voko ra yena; kambe a va twisisanga.

Ezekiele 3:14

Moya wu ndzi tlakula, wu ndzi susa, kutani ndzi tifambela hi ku vaviseka ni ku kariha; kambe voko ra Yehovha a ri tirha ehenhla ka mina hi matimba.

Yeremiya 1:6

Ku va laha ndzi nge: “Oho! Hosi Yehovha! Vona, a ndzi tivi ku vulavula, hikuva ndza ha ri xihlangi.”

Eksoda 6:30

Kutani Muxe a ku eka Yehovha: “Ndzi munhu wa xirimi; Faro u ta ndzi yingisisa hi ku yini xana?”

Eksoda 4:31

Kutani tiko ri pfumela; va twa leswaku Yehovha u endzele vana va Israele, ni leswaku u langutile ku xaniseka ka vona; kavaloko va khinsama, va korhame hansi.

Eksoda 2:14

Yena a ku: “I mani la ku vekeke hosi ni muavanyisi wa hina xana? Xana u rhandza ku ndzi dlaya tani hi leswi u nga dlaya Muegipta?” Muxe a tshuka, a ku: “Kunene mhaka leyi yi twakarile.”

Eksoda 3:15

Xikwembu xi engeta xi ku eka Muxe: “U ta va byela, u ku: ‘Yehovha, Xikwembu xa vatata wa n'wina, Xikwembu xa Abrahama, Xikwembu xa Isaka, Xikwembu xa Yakobo, xi ndzi rhumile eka n'wina.’ Hi rona vito ra mina hilaha ku nga heriki; hi xona xitsundzuxo xa mina etinxakeni ta tinxaka.

Eksoda 3:16

Famba, u ya hlengeleta vakulukumba va Israele, u ku eka vona: ‘Yehovha, Xikwembu xa vatata wa n'wina, Xikwembu xa Abrahama, ni xa Isaka, ni xa Yakobo, xi tikombisile eka mina,’ xi ku: ‘Ndzi mi kambile kunene; ndzi vonile leswi mi endliwaka swona eEgipta,’

Eksoda 4:10

Kutani Muxe a ku eka Yehovha: “Yo! Wena Hosi, a ndzi munhu la tivaka ku vulavula swinene, hambi ku ri tolo, ni le tolweni, hambi ku ri loko u sungurile ku vulavula ni nandza wa wena; hikuva ndzi munhu wa nomu wo tika, ni ririmi ro nonon'hwa.”

Eksoda 4:30

Aroni a va byela marito hinkwawo lawa Yehovha a ma byeleke Muxe, a endla ni swikombiso emahlweni ka tiko.

Eksoda 6:12

Kutani Muxe a vulavula emahlweni ka Yehovha, a ku: “Waswivo, vana va Israele a va ndzi yingisanga; na yena Faro a nga ndzi yingisisa ku yini, leswi ndzi nga ni xirimi?”

1 TIHOSI 13:3

Kutani hi siku rolero a endla masingita, a ku: “Hi xona xikombiso leswaku Yehovha u vulavurile: ‘Waswivo, alitari yi ta handzuka ni nkuma lowu nga ehenhla ka yona wu ta hangalasiwa.’ ”

Vaavanyisi 6:17

Gidiyoni a ku eka yena: “Loko kunene ndzi kumile tintswalo emahlweni ka wena; wanga ndzi nyika xikombiso xa leswaku hi wena la vulavulaka na mina.