Eksoda 39:37 - Xitsonga (Bibele)

³⁷ ni kandelari ya nsuku lowo tenga, ni mavoningo ya yona, ni timboningo leti lunghisiweke, ni swibya swa yona hinkwaswo, ni mafurha ya rivoni;

BIBELE Mahungu Lamanene

³⁷ xitlhoma-timboni xa nsuku lowo tenga ni timboni ta xona leti xaxametiweke, ni swingolongondzwana hinkwaswo swa xitlhoma-timboni, ni mafurha yo voninga;

Eksoda 39:37 Referans Kwoze

Vafilipiya 2:15

leswaku mi pfumala xisandzu ni xivati, mi va vana va Xikwembu lava nga solekiki exikarhi ka rixaka leri onhakeke, lero homboloka, rolero mi nga va ni ku vangama exikarhi ka rona, kukotisa mavoningo emisaveni, mi ri karhi mi tamela rito ra vutomi;

Eksoda 27:21

Aroni ni vana va yena va ta ti lunghisa eTabernakeleni, ehandle ka nguvu leyi nga emahlweni ka vumbhoni, leswaku ti voninga emahlweni ka Yehovha, ku sungula nimadyambu, ku fika nimixo. I ku lerisa loku nga heriki etinxakeni ta vana va Israele.”

Eksoda 25:31

“U ta endla kandelari ya nsuku lowo saseka; kandelari yi ta endliwa hi nsuku lowu furiweke, ni nenge wa yona, ni nsinya wa yona; mikhava ni mabundzu swi ta endliwa eka yona hi vumba byin'we.

Eksoda 39:36

ni tafula, ni swibya swa rona hinkwaswo, ni vuswa bya xikombiso;

Eksoda 39:38

ni alitari ya nsuku, ni mafurha ya ku tota, ni mirhi ya risuna, ni nguvu ya nyangwa ya tabernakela;

Eksoda 27:20

“Kutani, u ta lerisa vana va Israele leswaku va ku nyika mafurha layo saseka ya mihandzu ya mitlhwari leyi kamiweke, ma ta va ya ku voninga ma cheriwa etimboningweni leswaku ti nga timeki.

Tinhlayo 8:2

“Byela Aroni, u ku eka yena: ‘Kutakuloko u tlhoma mavoningo, mavoningo ya 7, ma ta voningela emahlweni ka kandelari.’ ”

Tinhlayo 8:3

Kutani Aroni a endlisa sweswo, a tlhoma mavoningo ehenhla ka kandelari, emahlweni hilaha Yehovha a leriseke Muxe hakona.