Eksoda 38:21 - Xitsonga (Bibele)

²¹ Hi kona ku hlaya ka leswi humeseriweke tabernakela, yi nga yindlu ya vumbhoni; ku hlaya loku ku endliwile hilaha ku nga lerisiwa hi Muxe, hi Valevhi ehansi ka Itamara, n'wana Aroni, muprista.

BIBELE Mahungu Lamanene

²¹ Lowu i nongonoko wa xuma lexi tirhisiweke ku aka Ntsonga, laha maribye ya Ntwanano a ma hlayisiwa kona; xuma lexi xi hlayiwile hi Valevhi hi ku lerisiwa hi Muxe, va fambisiwa hi Itamara n'wana muprista Aroni.

Eksoda 38:21 Referans Kwoze

Timhaka 7:44

“Vatata wa hina a va ri ni tabernakela ya vumbhoni emananga, hilaha loyi a nga vulavula na Muxe ngi a n'wi lerisile ku yi endla hi xifaniso lexi a xi voneke.

2 TIKRONIKA 24:6

Kavaloko hosi yi vitana Yehoyada, muprista lonkulu, yi ku eka yena: “A ku lerisanga ha yini Valevhi leswaku va tisa ndzuvo lowu lerisiweke ehenhla ka nhlengeletano ya Israele hi Muxe, nandza wa Yehovha, wu huma etikweni ra Yuda ni le Yerusalema, wu va wa Tabernakela ya vumbhoni?”

Tinhlayo 10:11

Kute hi lembe ra vumbirhi, hi n'hweti ya vumbirhi, hi siku ra 20 papa ri suka ehenhla ka Yindlu ya vumbhoni.

Tinhlayo 9:15

Siku va yimiseke Yindlu, papa ri ungamela Yindlu, yi nga tabernakela ya vumbhoni; nimadyambu kambe ku va ni leswi fanaka ni ndzilo ehenhla ka Yindlu ku fika nimixo.

Tinhlayo 1:53

Kambe Valevhi va ta gova ekusuhi ni yindlu ya vumbhoni, va yi rhendzela, leswaku vukari bya mina byi nga tshuki byi pfurhela nhlengeletano ya vana va Israele; kutani Valevhi va ta langutela yindlu ya vumbhoni.”

Tinhlayo 1:50

U ta veka emavokweni ya vana va Levhi yindlu ya vumbhoni ni swibya hinkwaswo swa yona, ni hinkwaswo swa yona. Va ta rhwala yindlu ni swingolongondzwana hinkwaswo swa yona; va ta tirha ntirho wa yona, kambe va ta gova ekusuhi ni yindlu hi ku yi rhendzela.

Tinhlayo 18:2

U ta tshineta eka wena ni ka vamakwenu va nyimba ya Levhi, nyimba ya tata wa wena, va ta tshama na wena, va ku tirhela loko wena ni vana va wena mi yima emahlweni ka tabernakela ya vumbhoni.

Eksoda 6:23

Aroni a teka Elixeba, n'wana wa Aminadaba, makwavo wa Nahaxoni, a n'wi velekela Nadabu na Abihu, na Eliyazara na Itamara.

Nhlavutelo 21:3

Kutani ndzi twa rito lerikulu ri huma exiluvelweni, ri ku: “Vonani tabernakela ya Xikwembu exikarhi ka vanhu; xi ta aka na vona, ri ta va tiko ra xona, kutani Xikwembu xi ta va na vona hi xiviri xa xona, xi va Xikwembu xa vona.

Nhlavutelo 11:19

Kavaloko tempele ya Xikwembu yi pfuriwa etilweni, kutani areka ya ntwanano wa xona yi voniwa etempeleni ya xona; kutani ku humelela ku hatima, ni marito, ni ku pfuma, ni ku tsekatseka ka misava, ni xihangu lexikulu.

2 Petro 1:13

Kutani ndzi ringanisa leswaku swa ndzi lulamela loko ndza ha ri entsongeni lowo, ku mi pfuxa hi ku mi tsundzuxa.

Vaheveru 9:11

Kambe Kriste loko a humelele, a ri muprista lonkulu wa swilo swo saseka leswi nga ta ta, u tsemakanyile tabernakela leyi tlurisaka hi vukulu ni ku hetiseka, leyi nga endliwangiki hi mavoko, hileswaku leyi nga riki ya misava leyi,

Vaheveru 8:2

a nga mutirheri wa vukwetsimelo ni wa tabernakela ya xiviri, leyi yimisiweke hi Hosi ku nga ri hi munhu.

2 Vakorinto 5:1

Kambe ha swi tiva leswaku siku yindlu leyi ya hina ya misava, lexi nga xintsonganyana, yi onhakaka, hi ni vuako ematilweni eka Xikwembu, yi nga yindlu leyi nga endliwangiki hi mavoko, kambe yi ri leyi nga heriki.

Matewu 17:4

Hikwalaho Petro a angula, a ku eka Yesu: “Hosi, swi sasekile loko hi tshama la; loko u swi rhandza, hi nga aka mitsonga minharhu kwala, wun'wana wu va wa wena, wun'wana wa Muxe, wun'wana wa Eliya.”

Pisalema 15:1

Oho Yehovha! N'eni wa wena u ta va mani entsongeni wa wena? U ta va mani la nga ta aka entshaveni ya wena leyo kwetsima xana?

Ntirho 26:1

Kutani Yobo a hlamula, a ku:

Ntirho 22:23

Loko u tlhelela eka Lowa matimba u ta tlhela u pfuxiwa, Ntsena u hlongola ku homboloka entsongeni wa wena;

Ntirho 11:4

U ri: ‘Mikhuva ya mina yi lulamile, Ndzi basile emahlweni ka wena.’

1 TIKRONIKA 6:3

Vana va Amirama: Aroni, Muxe, Mariya (Meriyamu). Vana va xinuna va Aroni, Nadabu, Abihu, Eliyazara, Itamara.

Tinhlayo 24:5

Oho Yakobo! Ku saseka ka mixaxa ya wena!

Eksoda 40:3

u nghenisa kona areka ya vumbhoni, u sirhela areka hi nguvu,

Eksoda 26:33

U ta tiyisa nguvu hi swikhweketana, kutani u ta nghenisa kona endzeni ka nguvu, areka ya vumbhoni, nguvu leyi yi ta tsemakanyisa vukwetsimelo ni xikwetsimisiso.

Eksoda 25:16

U ta veka earekeni Vumbhoni lebyi ndzi nga ta ku nyika byona.

Nhlavutelo 15:5

Endzhaku ka sweswo ndzi languta, kutani ndzi vona tempele ya Tabernakela ya vumbhoni yi pfuriwa etilweni.

Eksoda 38:20

Timhingu hinkwato ta tabernakela, ni ta xivava lexi yi rhendzelekeke, a ti ri ta koporo.

Eksoda 38:22

Besalele, n'wana Uri, n'wana Huru, wa nyimba ya Yuda, a endla hinkwaswo leswi Yehovha a nga swi lerisa Muxe.