Eksoda 38:20 - Xitsonga (Bibele)

²⁰ Timhingu hinkwato ta tabernakela, ni ta xivava lexi yi rhendzelekeke, a ti ri ta koporo.

BIBELE Mahungu Lamanene

²⁰ Swikhomiso hinkwaswo swa Ntsonga ni swa xivava ematlhelweni hinkwawo, a swi ri swa koporo.

Eksoda 38:20 Referans Kwoze

Vakolosa 2:19

a nga tikhomeleri hi nhloko leyi, miri hinkwawo wa yona, loko wu hlanganisiwa swinene hi ku hlangana ka swirho swa wona, wu kuma eka yona leswi wu hanyaka ha swona, kutani wu kula hi ku kula loku humaka eka Xikwembu.

Esaya 33:20

Languta Siyoni, muti wa mikhuvo ya hina! Mahlo ya wena ma ta vona Yerusalema, byi ri vuako byo tsaka, ni tende leri nga susiwiki, leri timhingu ta rona ti nga hlomuriwiki, leri mapindza ya rona ma nga tshunxiwiki.

Esaya 22:23

Ndzi ta n'wi tlhoma kukotisa mhingu laha ku tiyeke; u ta va xitshamo lexi kwetsimaka endlwini ya tata wa yena.

Eklesiasta 12:11

Marito ya lavo tlhariha, ma fana ni tinsungunhu, loko ma hlengeletiwa ma fana ni timhingu leti gongondzeriweke. Va nyikiwile hi Murisi a ri un'we.

Ezra 9:8

Kutani sweswi, Yehovha, Xikwembu xa hina, xi hi tsetselela hi nkarhinyana, leswaku xi hi siyela masalela ma nga ri mangani, ni ku hi nyika mhandze exivandleni xa xona lexi hlawuriweke, leswaku Xikwembu xa hina xi tlhela xi rhendzeleta mahlo ya hina, ni ku pfuxa vutomi bya hina switsanana eku bohiweni ka hina.

2 TIKRONIKA 3:9

ku tika ka swipikiri a ti ri tixikele ta 50 ta nsuku. Kutani a nameka hi nsuku makamara lawa tlakukeke.

Eksoda 27:19

Loko swi ri swibya hinkwaswo swa Tabernakela swa mitirho hinkwayo ya yona, ni timhingu ta yona, ni timhingu hinkwato ta xivava, swi ta va swa koporo.

Eksoda 38:19

Timhandze ta mune ta yona, ni switshamo swa tona swa mune a swi ri swa koporo; timhingu ta tona a ti ri ta silivhere, ni swifunengeto swa tinhloko ta tona a swi ri swa silivhere.

Eksoda 38:21

Hi kona ku hlaya ka leswi humeseriweke tabernakela, yi nga yindlu ya vumbhoni; ku hlaya loku ku endliwile hilaha ku nga lerisiwa hi Muxe, hi Valevhi ehansi ka Itamara, n'wana Aroni, muprista.