Eksoda 37:22 - Xitsonga (Bibele)

²² Tinungu ni marhavi a swi huma eka yona; byi ri vumba byin'we bya nsuku lowu kwetsimaka, lowu furiweke.

BIBELE Mahungu Lamanene

²² Swihluke leswi ni marhavi lawa a swi khomanile ni nsinya wa xitlhoma-timboni; xitlhoma-timboni a xi endliwile hi nsuku lowo tenga lowu furiweke.

Eksoda 37:22 Referans Kwoze

Vakolosa 3:5

Dlayani hakona swirho swa n'wina swa la emisaveni, hileswaku vuoswi, ni vumbhisa, ni ku tiyingisa ka tingana, ni ku navela leswo biha, ni ku navela rifuwo loku ku nga ku tirhela swikwembu swahava;

1 Vakorinto 9:27

kambe ndzi laya miri wa mina, ndzi wu endla khumbi, ndzi nga ti tshuka mina ndzi dyondziseke van'wana ndzi kumiwa ndzi nga lulamelanga ku amukeriwa.

Esaya 5:10

Hikuva khume ra tindzima ta vhinya ti ta veka khuwana ri ri rin'we; saka rin'we ra mbewu ri ta veka xirhundzu xin'we ntsena.”

Pisalema 51:17

Magandzelo ya Xikwembu i moya lowu tshovekeke; Oho Xikwembu! A ku soli mbilu leyi tshovekeke, leyi nga enhlomulweni.

Eksoda 25:31

“U ta endla kandelari ya nsuku lowo saseka; kandelari yi ta endliwa hi nsuku lowu furiweke, ni nenge wa yona, ni nsinya wa yona; mikhava ni mabundzu swi ta endliwa eka yona hi vumba byin'we.

Eksoda 25:36

Mabundzu ni marhavi swi ta huma eka yona; xi ta va xilo xin'we lexi endliweke hi nsuku lowu furiweke lowu kwetsimaka.

Eksoda 37:21

nungu yin'we a yi ri hansi ka marhavi mambirhi lama humaka eka yona, nungu yin'wana a yi ri hansi ka marhavi mambirhi man'wana, ni nungu yin'wana ehansi ka marhavi mambirhi lama seleke ya marhavi ya ntlhanu na yin'we, lama humaka ekandelarini.

Eksoda 37:23

Kutani a yi endlela mavoningo ya ntlhanu na mambirhi, ni tintlawa ta yona, ni swimbitana swa nkuma swa yona; a swi endla hi nsuku lowunene.