Eksoda 36:3 - Xitsonga (Bibele)

³ Kutani va teka nhlengo hinkwawo eka Muxe, lowu tisiweke hi vana va Israele ku tirha ntirho wa vukwetsimelo, kambe a va ha tisa nhlengo siku rin'wana ni rin'wana, nimixo.

BIBELE Mahungu Lamanene

³ Kwalaho Muxe a veka emavokweni ya vona mihlengo hinkwayo leyi Vaisraele va yi humeseke, leswaku yi ta pfuna entirhweni wa ku endla xivandla lexo hlawuleka, kambe Vaisraele a va ya emahlweni va tisa mihlengo ya vona eka Muxe, mpundzu wun'wana ni wun'wana.

Eksoda 36:3 Referans Kwoze

Eksoda 35:29

Vana va Israele, ni vavasati hinkwavo lava rhandzeke ku tisa swilo swa ntirho hinkwawo lowu Yehovha a nga lerisa Muxe leswaku wu endliwa, va tisela Yehovha nhlengo hi ku rhandza ka vona.

Yeremiya 21:12

n'wina yindlu ya Davhida! Yehovha u ri: “Avanyisani hi ku lulama ka ha ri mixo; mi lamulela xisiwana emavokweni ya loyi a n'wi xanisaka, leswaku vukari bya mina byi nga pfurhi kukotisa ndzilo, kutani wu hisa ku nga ri na loyi a wu timhaka hikwalaho ka vumbabva bya ku endla ka n'wina.” ’

Esaya 50:4

Hosi, Yehovha, u ndzi nyikile ririmi ra mudyondzisi leswaku ndzi ta kota ku tiyisa hi rito ra mina loyi a heleke mbilu, ri xa nimpundzu, a pfuxa ndleve ya mina leswaku ndzi n'wi yingisa hilaha ku yingisaka vadyondzisiwa.

Swivuriso 8:15

Ha mina tihosi ta fuma, Ni tihosana ti lerisa hi ku lulama.

Pisalema 101:8

Nimpundzu wun'wana ni wun'wana ndzi ta herisa vadyohi hinkwavo va tiko, Leswaku emutini wa Yehovha ku ta suseteriwa Hinkwavo vatirhi va ku homboloka.

Pisalema 5:3

Yehovha, u yingisa rito ra mina ka ha ri mixo; Wa ha ri mixo, ndzi hundzuka eka wena, ndzi languta.

Eksoda 35:27

Loko ti ri tihosana ta tiko, ti tisa maribye ya onikisi ni maribye lama nghenisiwaka etifukwaneni ta efodi ni le ngubyini ya xifuva,

Eksoda 36:2

Kutani Muxe a vitana Besalele, na Oholiyabu, ni vavanuna hinkwavo lavo tlhariha, lava Yehovha a ngheniseke vutlhari etimbilwini ta vona va ri hinkwavo lava byisiweke hi timbilu ta vona ku tirha ntirho.

Eksoda 36:4

Kutani vavanuna hinkwavo lava tirhaka mitirho hinkwayo ya vukwetsimelo va tshika ntirho lowu va wu tirhaka va ta eka Muxe va ku:

Amosi 4:5

Magandzelo ya n'wina ya mikhenso mi endla ni comela; mi lerisa ni mihlengo leyi humesiwaka hi ku tirhandzela ka munhu, hikuva hi leswi mi swi rhandzaka, n'wina, vana va Israele,” ku vula Hosi Yehovha.