Eksoda 36:29 - Xitsonga (Bibele)

²⁹ a ma tsindziyerile ehansi ni le henhla ku fika exingwavileni lexo rhanga va endlisa sweswo mapulangi mambirhi emagombyeni.

BIBELE Mahungu Lamanene

²⁹ Mapulangi lawa a ma hambanile ehansi, kambe ehenhla a ma hlanganisiwile exingwavileni lexo sungula. Mapulangi ya tinhla letimbirhi va ma yimisa hi ndlela leyi, mambirhi eyinhleni yin'we.

Eksoda 36:29 Referans Kwoze

Vaefesa 2:21

yeloyi, yindlu hinkwayo yi tlhandlameke ehenhla ka yena, a hlanganisa matlhelo hinkwawo, yi ri karhi yi kula, ku endla tempele leyo kwetsima eHosini,

Vaefesa 2:19

Kutani sweswi, a ma ha ri vaendzi kumbe vatsendzeleki, kambe mi va muti wun'we ni vakwetsimi; mi va yindlu ya Xikwembu,

Vaefesa 2:15

hikuva u herisile enyameni ya yena nawu wa ku lerisa lowo yimeke hi mikhuva leswaku vambirhi a va hundzulela eka yena, munhu un'we lontshwa, hi ku phahlelana mariyeta,

2 Vakorinto 1:10

xi nga xona lexi hi hanyiseke eku feni lokonghasi, xa ha ri karhi xa hi hlayisa. Kutani hi tshembile leswaku xi ta tshama xi hi hanyisa, hi ri karhi hi pfuniwa hi mikhongelo ya n'wina;

1 Vakorinto 12:13

Hikuva hinkwerhu hi khuvuleriwe eMoyeni wu ri wun'we, leswaku hi ta endla miri wun'we: hambi va ri Vayuda hambi va ri Vagriki, hambi va ri lava fuyiweke, hambi va ri lava nga fuyiwangiki; kutani hinkwerhu hi nwile eka Moya wu ri wun'we.

1 Vakorinto 1:10

Kambe ndza mi khongotela, vamakwerhu, hi vito ra Hosi ya hina Yesu Kriste, ndzi ri: Vulani mhaka yi ri yin'we: Ku hambana ku nga tshuki ku va kona exikarhi ka n'wina, ntsena mi hlangana eku anakanyeni kun'we, ni le ku ehleketeni kun'we;

Timhaka 4:32

Kambe vunyingi bya lava pfumeleke a yi ri mbilu yin'we ni moya wun'we ntsena; kutani a ku nga ri na munhu la nga vula leswaku swilo leswi a nga na swona, i swa yena swakwe kambe swilo hinkwaswo a va ku i swa vona hinkwavo.

Timhaka 2:46

Na swona a va tiyisela etempeleni hi masiku hinkwawo, va ri ni mbilu yin'we, va ri karhi va phema vuswa endlwini yin'wana ni yin'wana, va dya swakudya swa vona hi ku tsaka, ni timbilu leti tengeke,

Pisalema 133:1

Langutani! A hi ku tsakisa ka swona, ni ku nandziha, Loko maxaka ma hanya swin'we, ma twanana.

Pisalema 122:3

Yerusalema, la akiweke, Wu nga muti lowu manyaneke,

Eksoda 26:24

ma ta fanana ku suka ehansi ku fika ehenhla ka xingwavila xo sungula; swi ta endlisiwa sweswo hi mapulangi mambirhi; ma ta vekiwa etikhonweni ha mambirhi.

Eksoda 36:28

Kutani va endlela Yindlu, tlhelo ra mpfungwe, mapulangi mambirhi emagombyeni;

Eksoda 36:30

Loko swi ri sweswo, a ku ri ni mapulangi ya ntlhanu na manharhu, ni switshamo swa wona swa khume na ntlhanu na xin'we; a swi ri swimbirhi ehansi ka pulangi rin'wana ni rin'wana.