Biblia Todo Logo
Bib sou entènèt

- Piblisite -




Eksoda 35:21 - Xitsonga (Bibele)

21 Kutani munhu un'wana ni un'wana la tsundzuxiweke hi mbilu ya yena, ni hinkwavo lava swi rhandzeke va tisa leswi va swi nyikaka Yehovha, ku ta tirha ntirho wa Yindlu ya nhlengeletano, ni hinkwaswo swa ntirho wa yona, ni tinguvu leti hlawuriweke.

Gade chapit la Kopi

BIBELE Mahungu Lamanene

21 Kutani hinkwavo lava tinyiketeke ku tirha, va ta; naswona hinkwavo lava tinyiketeke hi moya lowu ntshunxekeke, va ta va tisa mihlengo ya HOSI Xikwembu ya ku endla Ntsonga lowo Hlawuleka, ni ya leswi tirhisiwaka eku gandzeleni, ku katsa ni swiambalo leswo hlawuleka.

Gade chapit la Kopi




Eksoda 35:21
28 Referans Kwoze  

“Byela vana va Israele va ndzi humesela nhlengo. Mi ta amukela nhlengo wa mina eka munhu un'wana ni un'wana la humesaka hi mbilu.


Hikuva ndzi mani xana, ni tiko ranga i yini xana, leswaku hi tiva ku humesa swilo leswi? Hikuva hinkwaswo swi huma eka wena, kutani leswi hi ku humeselaka swona hi nyikiwile hi voko ra wena.


Vana va Israele, ni vavasati hinkwavo lava rhandzeke ku tisa swilo swa ntirho hinkwawo lowu Yehovha a nga lerisa Muxe leswaku wu endliwa, va tisela Yehovha nhlengo hi ku rhandza ka vona.


Kutani vavasati hinkwavo lava tsundzuxiweke hi timbilu ta vona, va luka voya bya timbuti.


Humesani swilo swa n'wina leswi mi swi nyikaka Yehovha. Munhu un'wana ni un'wana la swi rhandzaka hi mbilu, u ta tisela Yehovha ku nyika ka yena: nsuku, ni silivhere, ni koporo;


Kutani Muxe a vitana Besalele, na Oholiyabu, ni vavanuna hinkwavo lavo tlhariha, lava Yehovha a ngheniseke vutlhari etimbilwini ta vona va ri hinkwavo lava byisiweke hi timbilu ta vona ku tirha ntirho.


Ku ta vavanuna ni vavasati; hinkwavo lava swi rhandzeke hi mbilu; va tisa swingwavila ni masindza ni tintlhama, ni tinxakaxaka ta mitirho ya nsuku; un'wana ni un'wana a humesa ku nyika ka yena ka nsuku loku a ku hlawuleleke Yehovha.


Un'wana ni un'wana a a humese hilaha a ringaniseke hakona embilwini ya yena; ku nga ri hi ku vilela ni ku sindzisiwa, hikuva Xikwembu xi rhandza la humesaka a tsakile.


Hikuva ku rhandza ka mbilu loko ku ri kona, munhu u ta tsakisa Xikwembu hi leswi a nga na swona, ku nga ri hi leswi a swi pfumalaka.


“Vana va timhiri, mi nga vurisa ku yini timhaka letinene, leswi mi nga ni nsele! Hikuva milomu yi vula leswi mbilu yi teleke swona.


Hosi ya wena yi ta huma eka yena mufumi wa yena u ta huma exikarhi ka yena ndzi ta n'wi tshineta, kutani u ta ta eka mina; hikuva i mani la nga ta kanya mbilu leswaku a tshinelela ka mina, ku vula Yehovha.


Hlayisa mbilu ya wena ku tlurisa leswi hlayisiwaka, Hikuva i xihlovo xa vutomi.


Tiko ra wena ri ta va lera mapfundzu siku u hlengeletaka nyimpi ya wena. Hi ku saseka loku hlawuriweke, lavantshwa va ta huma eka wena, Kukotisa mberha leyi humaka evuxeni.


A ku vongiwe Yehovha, Xikwembu xa vatata wa hina, lexi vekeke timhaka letonghasi embilwini ya hosi, ta ku dzunisa yindlu ya Yehovha eYerusalema, ni la ndzi kumiseke tintswalo eka hosi, ni ka tindhuna ta yena ta huvo, ni ka tihosana hinkwato ta matimba ta hosi!


Tiko ri tsakela ku nyika ka vona, hikuva a va humeserile Yehovha mihlengo hi timbilu hinkwato ta vona, na yena hosi Davhida, a tsaka hi ku tsaka lokukulu.


Kambe, hi ku rhandza loku ndzi rhandzaka hakona yindlu ya Xikwembu xanga, leswi ndzi nga na swona swa nsuku ni swa silivhere, leswi nga swa mina kunene, ndza swi nyika swi va swa yindlu ya Xikwembu xanga, ehandle ka hinkwaswo leswi ndzi swi hlengeleteleke yindlu ya vukwetsimelo:


Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.


Kutani hosi Davhida a yima hi milenge ya yena, a ku: “Ndzi yingiseni, vamakwerhu ni tiko ranga! A ndzi rhandzile ku akela areka ya ntwanano wa Yehovha, ni vunavelo bya Xikwembu xa hina, yindlu ya ku wisa; ndzi lunghisile mitirho ya ku aka.


Hikuva wena, Yehovha wa mavandla Xikwembu xa Israele, u tivisile nandza wa wena, u ku: ‘Ndzi ta ku akela yindlu,’ hikwalaho nandza wa wena u tiyile mbilu ku ku khongela hi xikhongelo lexi.


Pfuka, pfuka, Debora! Pfuka, pfuka, u vula risimu! Pfuka Baraka, u fambisa lava u va khomeke, n'wana Abinowama!


Mbilu ya mina yi ni vafumi va Israele, Yi ni va tiko lava humeke hi ku rhandza ka vona. Khensani Yehovha!


Yingisani, n'wina tihosi, mi rhiya tindleve, n'wina tihosana! Hi mina, hi mina, ndzi ta yimbelela Yehovha, Ndzi ta yimbelela Yehovha, Xikwembu xa Israele!


Nhlengeletano hinkwayo ya vana va Israele yi suka emahlweni ka Muxe.


Lava ngi va ri ni maribye ya risima, va ma nyika ku nghenisiwa exumeni xa yindlu ya Yehovha, va ma veka emavokweni ya Yehiele, wa ka Gerixoni.


Kuteloko va fika endlwini ya Yehovha ya le Yerusalema, vakulukumba van'wana, ti nga tihosana ta vatata wa vona, va humesela yindlu ya Yehovha mihlengo hi ku rhandza ka vona, leswaku ku pfuxiwa xita xa yona.


Swiv nou:

Piblisite


Piblisite