Eksoda 34:7 - Xitsonga (Bibele)

⁷ lexi tsetselelaka tinxaka ta madzana ya khume, lexi khomelaka munhu ku homboloka ni ku dyoha, ni xivi; kambe lexi nga landzuriki nandzu wa loyi a nga na wona; lexi baka vana ni vatukulu ku yisa erixakeni ra vunharhu, ni ra vumune hikwalaho ka ku dyoha ka vatata wa vona.”

BIBELE Mahungu Lamanene

⁷ lexi kombaka tintswalo leti to tshembeka ku fika eka rixaka ra khume ra madzana, lexi rivalelaka milandzu, ni ku tiarisa, ni swidyoho, kambe xi nga tshikiki ku ba lava dyoheke, ku fika eka vana va vona, ni ka vatukulu va vona ku yisa erixakeni ra vunharhu ni ra vumune.”

Eksoda 34:7 Referans Kwoze

Pisalema 103:3

Hi yena la ku rivalelaka milandzu ya wena hinkwayo, La hanyisaka mavabyi ya wena hinkwawo;

Vaefesa 1:7

ha yena hi ni ku kutsuriwa hi ngati ya yena, ku nga ku rivaleriwa ka ku dyoha ka hina hi rifuwo ra tintswalo ta xona,

Yeremiya 32:18

U endlile hi tintswalo ku yisa etinxakeni ta madzana, u vuyisile ku homboloka ka vatatana exifuveni xa vana va vona endzhaku ka vona; hi wena Xikwembu lexikulu, xa matimba, lexi vito ra xona a nga Yehovha wa mavandla.

1 Yohane 1:9

Loko hi tivula swidyoho swa hina, Xikwembu xa tshembeka, xi lulamile ku hi rivalela swidyoho, ni ku hi hlantswa ku homboloka hinkwako.

Daniele 9:9

Kambe eka Hosi, Xikwembu xa hina, ku ni tintswalo ni ku rivalela, hikuva hi tikurisele yena.

Pisalema 130:4

Hikuva ku rivalela ku le ka wena, Leswaku u chaviwa.

Ntirho 10:14

Loko ndzi dyohile, u ndzi siya, Wa ala ku ndzi khomela milandzu ya mina.

Eksoda 23:7

Chava ku hemba. U nga tshuki u dlaya la nga riki na nandzu ni la lulameke, hikuva ndzi nga ka ndzi nga yimeli lowo biha, ndzi n'wi vula la lulameke.

Nahume 1:6

Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Daniele 9:4

Kutani ndzi endla xikhongelo xa mina eka Yehovha, Xikwembu xa mina, ndzi vula milandzu ya hina, ndzi ku: “Oho, Hosi, Xikwembu lexikulu lexi chavisaka, lexi hlayisaka ntwanano ni tintswalo eka lava ku rhandzaka, lava fambaka hi milawu ya wena!

Vaheveru 12:29

Hikuva Xikwembu xa hina, na xona, i ndzilo lowu hisaka.

Vaefesa 4:32

kambe mi yingiselana mi tsetselelana, mi rivalelana, kukotisa leswi Xikwembu, na xona, xi mi rivaleleke ha Kriste.

Pisalema 86:15

Kambe wena, Yehovha, u Xikwembu lexi twelaka vusiwana, lexa tintswalo, La hlwelaka ku kariha, la teleke tintswalo ni vunene.

Mikiya 7:18

Hi xihi Xikwembu lexi fanaka na wena, lexi susaka ku homboloka, lexi khomelaka ku dyoha ka xisalela xa ndzhaka ya xona? A xi nga hlayisi ku kariha ka xona hi masiku, hikuva xi tsakela ku tsetselela.

Nehemiya 9:32

“Kutani sweswi, Xikwembu xa hina Xikwembu lexikulu xa matimba, lexi chavisaka, lexi hlayisaka ntwanano ni tintswalo, mahlomulo ma nga tshuki ma va matsanana emahlweni ya wena lama hi humeleleke hina ni tihosi ta hina, ni tihosana ta hina ni vaprista va hina, ni vaprofeta va hina, ni vatata wa hina, ni tiko ra hina hinkwaro, ka ha ri emikarhini ya tihosi ta Asiriya ku ta fikela siku ra sweswi.

Nehemiya 1:5

ndzi ku: “Yo! Yehovha Xikwembu xa matilo! Xikwembu lexikulu, lexi chavisaka, u hlayisela lava ku rhandzaka lava hlayisaka milawu ya wena, ntwanano ni tintswalo!

Timhaka 13:38

“Vavanuna varikwerhu, swi tiveni hikwalaho, leswaku mi byeriwa ha yena ntsena ku rivaleriwa ka swidyoho,

Timhaka 5:31

Hi yena loyi Xikwembu xi nga n'wi tlakusela evokweni ra xona ra xinene leswaku a va yena Hosi ni Muponisi, a ta nyika Israele ku hundzuka ni ku khomeriwa ka swidyoho.

Yoxuwa 24:19

Yoxuwa a ku eka tiko: “Mi nga ka mi nga tirheli Yehovha, hikuva i Xikwembu lexo kwetsima, i Xikwembu xa rilondzo: Xi nga ka xi nga rivaleli milandzu ya n'wina ni swivi swa n'wina.

Duteronoma 32:35

Ku tirihisela ni ku hakela, i ka mina, Siku nenge wa vona wu nga ta tsekatseka; Hikuva siku ra khombo ra vona ri tshinele, Lexi va xi lunghiseriweke xa hatlisa.

Eksoda 23:21

Chava emahlweni ka yona, u yingisa rito ra yona, u nga tshuki u ri alela, hikuva yi nga ka yi nga mi khomeli ku biha ka n'wina, hikuva yi ni vito ra mina.

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”

Nhlavutelo 20:15

Kutani un'wana ni un'wana la nga ka a nga kumiwanga a tsariwile ebukwini ya vutomi, a hoxiwa etiveni ra ndzilo.

Luka 7:48

Kutani a ku eka wansati: “U rivaleriwile swidyoho swa wena.”

Luka 7:42

Kakuloko va pfumala lexi va nga ta riha ha xona, a va tshikela havambirhi. Wa nga ndzi byela, xana hi wihi exikarhi ka vona la nga ta n'wi rhandza ngopfu-ke?”

Matewu 12:31

“Hilaha ndzi nge eka n'wina: vanhu va nga rivaleriwa ku dyoha kun'wana ni kun'wana, ni ku sandza kun'wana ni kun'wana, kambe xisandzu lexi sandzaka Moya, va nga ka va nga rivaleriwi.

Mikiya 6:11

Xana ndzi nga va la baseke, loko ndzi pima hi xikalo xa ku homboloka, ndzi ri ni maribye ya ku xisa enkwameni?

Esaya 45:21

Vulani, mi va vitana, va kanela swin'we! La bvumbheke swilo sweswo eku sunguleni, la swi vuleke khale, i mani? Xana a hi mina Yehovha? A ku na Xikwembu xin'wana ehandle ka mina, hi mina ntsena Xikwembu lexi lulameke lexi ponisaka.

Pisalema 136:15

A susumetela Faro ni nyimpi ya yena eLwandle-ro-Tshwuka, Hikuva tintswalo ta yena hi leti nga heriki!

Pisalema 136:10

Hi yena la nga ba mativula ya Vaegipta, Hikuva tintswalo ta yena hi leti nga heriki!

Matewu 6:12

Hi rivalele milandzu ya hina, tanihi loko na hina hi rivalela van'wana lava nga ni milandzu eka hina.

Genesa 19:16

Kambe a hlwela, kutani vanhu valavo va khoma voko ra yena, ni voko ra nsati wa yena, ni mavoko ya vana lavambirhi va yena, hikwalaho ka tintswalo ta Yehovha eka yena; va n'wi humesa handle, va n'wi tshika ehandle ka muti.

Eksoda 33:19

Kutani Yehovha a ku: “Ndzi ta hundzisa vunene hinkwabyo bya mina emahlweni ka wena; ndzi vula vito ra Yehovha emahlweni ka wena, ndzi ta tsetselela loyi ndzi n'wi rhandzaka, ndzi n'wi endla hi tintswalo loyi ndzi n'wi rhandzaka.”

Eksoda 34:9

“Hosi, loko kunene ndzi vonile tintswalo ta wena, Hosi a yi fambe na hina, hikuva kunene i tiko ra tinhamu leto nonon'hwa, kambe u hi khomela ku dyoha ka hina, ni ku homboloka ka hina, kutani u hi fuwa, hi va ndzhaka ya wena.”

Duteronoma 7:9

U ta tiva leswaku i Yehovha, Xikwembu xa wena, la nga Xikwembu, Xikwembu lexi tshembekaka, lexi hlayisaka ntwanano wa xona ni tintswalo, ku fika etinxakeni ta khume ra madzana, eka lava n'wi rhandzaka, ni ka lava hlayisaka milawu ya yena;

Duteronoma 7:10

kambe u rihisa lava n'wi vengaka, hi ku va heta; a nga hlweri ku rihisa la n'wi vengaka.

1 TIHOSI 8:30

Wa nga yingisa ku khongela ka nandza wa wena ni ka tiko ra wena ra Israele, loko va ta khongela exivandleni lexi: Loko u ri wena, yingisa u ri ematilweni, endlwini ya wena, yingisa u rivalela!

2 TIKRONIKA 30:9

Hikuva loko mi tlhela eka Yehovha, vamakwenu ni vana va n'wina va ta kuma tintswalo eka lava va va yiseke evukhumbini, kutani va ta vuya etikweni leri; hikuva Yehovha, Xikwembu xa n'wina, u tele tintswalo ni vunene, a nga ka a nga mi fularheli loko mi vuya ka yena.”

Yeremiya 9:24

kambe la tidzunisaka a a tidzunisele emhakeni leyi: hileswaku u ni ku twisisa ni vutlhari bya ku ndzi tiva, hikuva hi mina Yehovha ndzi endlaka hi musa, ni mfanelo, ni lexi lulameke emisaveni; hikuva ndzi tsakisiwa hi swona,” ku vula Yehovha.

1 TIHOSI 8:32

wena, yingisa u ri ematilweni, u tirha u avanyisa malandza ya wena; u kombisa lowo biha ku n'wi tlherisela enhlokweni ya yena ku biha ka yena; kambe u kombisa la lulameke ku n'wi endla hi ku lulama ka yena.

Pisalema 25:11

Hikwalaho ka vito ra wena, Yehovha, U ndzi khomele ku homboloka ka mina, hikuva kukulu.

Pisalema 99:8

Oho Yehovha, Xikwembu xa hina u va yingisile, U vile eka vona Xikwembu lexi va rivalelaka, Kambe u rihisile ku dyoha ka vona.

Pisalema 109:14

Ku dyoha ka vatata wa yena a ku vuyele emahlweni ka Yehovha, Ku dyoha ka mana wa yena ku nga hlanguriwi,

Yeremiya 30:11

Hikuva, ndzi na wena ku ku ponisa, ku vula Yehovha; hikuva ndzi ta heta hinkwako matiko hinkwawo lawa ndzi ku hangalaseke ka wona; kambe wena ndzi nga ka ndzi nga ku herisi, ndzi ta ku laya hi ku lulama, a ndzi nga ku tshiki ntsena u nga avanyisiwanga.