Eksoda 34:35 - Xitsonga (Bibele)

³⁵ Vana va Israele va vone leswaku mombo wa Muxe wa hatima, kutani Muxe a tlhela a tifunengeta mombo, a ko a tlhela a nghena ku ya vulavula na Yehovha.

BIBELE Mahungu Lamanene

³⁵ Vaisraele a va vona mombo wa yena wu ri karhi wu hatima; hikokwalaho, a a tisiva mombo hi xincekana, ku kondza loko a tlhelela entsongeni ku ya vulavula na HOSI Xikwembu.

Eksoda 34:35 Referans Kwoze

Vafilipiya 2:15

leswaku mi pfumala xisandzu ni xivati, mi va vana va Xikwembu lava nga solekiki exikarhi ka rixaka leri onhakeke, lero homboloka, rolero mi nga va ni ku vangama exikarhi ka rona, kukotisa mavoningo emisaveni, mi ri karhi mi tamela rito ra vutomi;

Yohane 5:35

Yohane a a ri rivoningo leri pfurhaka, leri voningaka; kutani n'wina mi rhandzile ku tsakela ku vonakala ka yena hi nkarhinyana.

Matewu 13:43

Enkarhini wolowo lavo lulama va ta hatima kukotisa dyambu eku fumeni ka Tata wa vona. La nga ni tindleve ku yingisa, a a yingise.

Matewu 5:16

Ku vonakala ka n'wina a ku voningise vanhu sweswo, va ta vona mitirho ya n'wina leyo saseka, va dzunisa Tata wa n'wina la nga etilweni.

Daniele 12:3

Lavo tlhariha va ta vangama kukotisa ku vangama ka le matilweni, kutani lava dyondziseke lavo tala eku lulameni, va ta fana ni tinyeleti hi mikarhi ni mikarhi, hilaha ku nga heriki.

Eklesiasta 8:1

La fanaka ni lowo tlhariha i mani xana? I mani la tivaka ku hlamusela mhaka xana? Vutlhari bya munhu byi sasekisa mombo wa yena, byi hundzula ku onya ka mombo wa yena.

2 Vakorinto 3:13

kutani a hi endli kukota Muxe la nga tifihla emahlweni hi xisirhelelo, leswaku vana va Israele va nga tshuki va languta makumu ya lexi helaka.

Eksoda 35:1

Kutani Muxe a vitana nhlengeletano hinkwayo ya vana va Israele, a ku eka vona: “Hi leti timhaka leti Yehovha a mi leriseke ku ti endla: