Eksoda 34:26 - Xitsonga (Bibele)

²⁶ “U ta tisa endlwini ya Yehovha Xikwembu xa wena, swirhangana swa ku sungula swa masimu ya wena. “U nga tshuki u sweka ximbutana hi ntswamba wa mana wa xona.”

BIBELE Mahungu Lamanene

²⁶ “Leswi mi nga ta rhanga mi swi tshovela eka ntshovelo wo sungula wa le masin'wini ya n'wina, mi ta swi tisa endlwini ya mina HOSI, Xikwembu xa n'wina. “Mi nga tshuki mi sweka ximbutana hi masi ya mana wa xona.”

Eksoda 34:26 Referans Kwoze

Eksoda 23:19

“U ta tisa endlwini ya Yehovha Xikwembu xa wena, swirhangana swa mihandzu leyo sungula ya tiko ra wena. U nga tshuki u sweka ximbutana hi ntswamba wa mana wa xona.

Duteronoma 14:21

“Mi nga dyi ntsumbu ni wun'we. U ta swi nyika muluveri la akeke emitini ya wena, a swi dya; kumbe u ta swi xavisa eka wamatiko; hikuva u tiko leri hlawuleriweke Yehovha, Xikwembu xa wena. “U nga tshuki u sweka ximbutana entswambeni wa mana wa xona.

Duteronoma 26:2

u ta teka swirhangana swa mihandzu hinkwayo leyi u yi hlengeleteke etikweni leri Yehovha, Xikwembu xa wena, a ku nyikeke rona, u ta yi veka exirhundzwini, kutani u ya exivandleni lexi Yehovha, Xikwembu xa wena, a nga ta hlawula ku akisa vito ra yena kona.

1 Vakorinto 15:20

Kambe sweswi, Kriste u pfukile eku feni, kutani u vekiwe xirhangana xa lava etleleke.

Matewu 6:33

Kambe rhangani mi tilavela ku fuma ka Xikwembu ni ku lulama ka xona kutani leswo hinkwaswo mi ta engeteleriwa swona.

Duteronoma 26:10

Oho! Yehovha, waswivo sweswi ndzi tisile swirhangana swa mihandzu ya misava leyi u ndzi nyikeke yona!’ U ta yi veka emahlweni ka Yehovha, Xikwembu xa wena, kutani u ta khinsama emahlweni ka Yehovha, Xikwembu xa wena.

Yakobo 1:18

Hi ku rhandza ka yena, u hi velekile hi rito leri tiyeke, leswaku hi va swirhangana swa swivumbiwa swa yena.

Levhitika 23:10

“Byela vana va Israele, u ku eka vona: ‘Kutakuloko mi nghenile etikweni leri ndzi mi nyikaka rona, loko mi va mi tshovela, mi ta tisa eka muprista nyandza leyo rhanga ya ku tshovela ka n'wina.

Levhitika 23:14

Mi nga tshuki mi dya vuswa, hambi ti ri tindzhoho leti oxiweke, kumbe leti siriweke, ku ko ku fika siku rolero mi tisaka nhlengo wa Xikwembu xa n'wina; i ku lerisa loku nga heriki etinxakeni ta n'wina ematikweni hinkwawo laha mi nga ta aka kona.

Tinhlayo 15:20

Mi ta pambula swinkwa, swi va swirhangana swa mbila ya n'wina; yi va mhamba leyi ndziwitiwaka, mi ta yi humesa kukota mhamba leyi ndziwitiwaka ya xivuya.

Tinhlayo 18:13

Swirhangana hinkwaswo swa leswi milaka etikweni ra vona leswi va nga ta swi tisa eka Yehovha, swi ta va swa wena. Un'wana ni un'wana la tengeke endlwini ya wena, u ta swi dya.

Nehemiya 10:35

ni ku neha endlwini ya Yehovha swirhangana swa tiko ra hina, ni swirhangana swa mihandzu hinkwayo ya mirhi hinkwayo hi lembe rin'wana ni rin'wana,