Eksoda 34:25 - Xitsonga (Bibele)

²⁵ “U nga tshuki u humesa ngati ya magandzelo ya mina yi ri ni vuswa lebyi nga ni comela. Gandzelo ra nkhuvo wa Paseka ri nga tshuki ri sala ri hundza vusiku ku fika nimixo.

BIBELE Mahungu Lamanene

²⁵ “Loko mi ndzi tlhavela magandzelo, mi nga tshuki mi katsa ngati ya xifuwo ni xinkwa lexi nga ni comela; naswona, loko mi humesa magandzelo enkhubyeni wa Paseka, ku nga tshuki ku va ni leswi nga ta tshama ku fikela nimpundzu.

Eksoda 34:25 Referans Kwoze

Eksoda 23:18

“U nga tshuki u humesa ngati ya magandzelo ya mina swin'we ni vuswa lebyi nga ni comela, ni mafurha ya nkhuvo wa mina ma nga tshuki ma hlayiseriwa mundzuku.

Eksoda 12:10

Mi nga siyeli siku ra mundzuku nchumu; ni leswi nga ta sala nimixo, mi swi hisa endzilweni.

Duteronoma 16:3

U nga tshuki u yi dya ni xinkwa lexi nga ni comela, u ta yi dya hi masiku ya ntlhanu na mambirhi ni xinkwa lexo kala comela, swi ri xinkwa xa khombo, — hikuva u humile hi ku hatlisa etikweni ra Egipta.

Tinhlayo 9:12

Va nga tshuki va siyela nchumu nimixo, va nga tshuki va faya ni rhambu rin'we va ta yi endla hi milawu hinkwayo ya Paseka.

Levhitika 7:15

Loko yi ri nyama ya xifuwo xa gandzelo ra ku khensa, yi ta dyiwa siku leri va gandzelaka ha rona. Va nga siyi nchumu swi fika nimixo.

Eksoda 29:34

Loko ku salela mundzuku nyama yin'wana ya ku hlawuriwa, ni xinkwa xa kona, u ta swi hisa; swi nga tshuki swi dyiwa, hikuva swi hlawuriwile.

Eksoda 12:20

Mi nga tshuki mi dya leswi dzungaka; etindlwini ta n'wina hinkwato, mi ta dya vuswa lebyo kala comela.”

Eksoda 12:8

Hi vusiku byebyo va ta dya nyama ya xona yi oxiwile; va ta yi dya ni vuswa lebyo kala comela, ni matsavu lama bavaka.

Matewu 13:33

A va byela xifaniso xin'wana, a ku: “Ku fuma ka matilo ku fana ni comela lexi wansati a xi tekeke, a xi fihla mapeni ya mipimo minharhu, ma ko ma kukumuka hinkwawo.”

Levhitika 2:11

“ ‘Nhlengo wun'wana ni wun'wana lowu mi wu humeselaka Yehovha, wu nga tshuki wu va wa swinkwa leswi nga ni comela, hikuva mi nga tshuki mi hisela Yehovha comela ni vulombe egandzelweni.

Duteronoma 16:4

U ta tsundzuka hi masiku hinkwawo ya ku hanyaka wena siku leri u humeke etikweni ra Egipta ha rona. Ku nga tshuki ku voniwa comela endyangweni wa wena emindzilekaneni hinkwayo ya wena, hi masiku ya ntlhanu na mambirhi; loko yi ri nyama ya gandzelo leri u nga ta ri humesa nimadyambu ya siku ro rhanga, yi nga tshuki yi salela nimixo.