Eksoda 34:13 - Xitsonga (Bibele)

¹³ Kambe mi ta hlanhla tialitari ta vona, mi faya swifaniso swa vona, mi susa tiAxera.

BIBELE Mahungu Lamanene

¹³ Mi ta hindzimuxa tialitari ta vona, mi fayetela ni maribye ya vukhongeri bya vona bya hava, mi tsemelela ni timhandze ta Axera xikwembukazi xa vona.

Eksoda 34:13 Referans Kwoze

2 TIHOSI 18:4

A susa switsunga, a faya swifaniso, a mbundzuxa swifaniso swa Axera, a fayetela nyoka ya koporo leyi endliweke hi Muxe; hikuva ku fika masiku lawa, vana va Israele a va hisela mirhi ya risuna emahlweni ka yona; a yi thya Nehuxitani (xiphemu xa koporo).

Eksoda 23:24

U nga tshuki u khinsamela swikwembu swa vona, u nga tshuki u swi tirhela, u nga encisi mikhuva ya vona; kambe u ta va dlaya hinkwavo, u hlanhla swifaniso hinkwaswo swa vona.

Duteronoma 16:21

“U nga tshuki u byala murhi, hambi wu ri wihi, ku endla Axera (rihlampfu) ekusuhi ni alitari leyi u nga ta yi akela Yehovha, Xikwembu xa wena;

Duteronoma 7:5

Kambe mi ta va endlisa sweswo: mi ta hlanhla magandzelo ya vona, mi faya swifaniso swa vona, mi wisa swifaniso swa vona swa Axera, mi hisa ni swifaniso swa vona leswi vatliweke.

2 TIKRONIKA 31:1

Swilo hinkwaswo leswi, kuteloko swi herile, Vaisraele hinkwavo lava ngi va ri kona va suka ku ya emitini ya Yuda, va ya faya swifaniso, va tsema swihlahla swa swifaniso swa Axera va mbundzuxa tindhawu leti tlakukeke ni tialitari ta tiko hinkwaro ra Yuda ni ra Benjamini, ni ra Efrayimi na Manase va ko va heta. Kutani vana va Israele hinkwavo va tlhelela emitini ya vona, un'wana ni un'wana endzhakeni ya yena.

2 TIHOSI 23:14

A faya swifaniso, a tsema swifaniso swa Axera, kutani a tata ndhawu ya swona hi marhambu ya vanhu.

Vaavanyisi 6:25

Hi vusiku byebyo, Yehovha a ku eka yena: “Teka xinkuzana xa tata wa wena, ni nkunzi yin'wana ya ntlhanu wa malembe ni malembe mambirhi, u mbundzumuxa alitari ya Baali ya tata wa wena, u pandza xifaniso lexi nga eka yona.

Vaavanyisi 2:2

A ndzi ku: ‘Na n'wina mi nga ka mi nga endli ntwanano ni lava akeke etikweni leri, kambe mi mbundzuxa tialitari ta vona.’ Kambe a mi yingisangi rito ra mina. Mi endlele yini sweswo xana?

Vaavanyisi 6:26

Kutani u akela Yehovha, Xikwembu xa wena, alitari, ehenhla ka ribye rero, hi mukhuva lowu fanelaka; u ta teka nkunzi ya vumbirhi, u yi endla gandzelo leri hisiwaka hi tihunyi ta xifaniso lexi u nga ta xi tsema.”

1 TIHOSI 14:15

Yehovha u ta ba Israele! Kukotisa rihlanga loko ri tsekatsekisiwa ematini, u ta susa Israele ehenhla ka tiko lerinene leri a ri nyikeke vatata wa vona, u ta va hangalasa ehase ka nambu, hikuva va tiendlele swifaniso swa swikwembu, va ri karhi va hlundzukisa Yehovha.

2 TIKRONIKA 14:3

A susa tialitari ta valuveri, ni switsunga, a faya swifaniso, a mbundzuxa swifaniso swa Axera.

2 TIKRONIKA 15:16

Hambi a ri Maaka, mana wa yena, hosi Asa a n'wi humesa evuhosini bya yena, hikuva a endlele Axera xifaniso; Asa a mbundzuxa xifaniso xa yena, a xi fayetela, a xi hisa exinambyaneni xa Kedroni.

2 TIKRONIKA 17:6

Mbilu ya yena yi tiyisiwa etindleleni ta Yehovha a ko a susa switsunga ni swifaniso etikweni ra Yuda.

2 TIKRONIKA 24:18

Va tshika yindlu ya Yehovha, Xikwembu xa vatata wa vona, va tirhela swifaniso swa Axera ni swifaniso swin'wana; kavaloko Yehovha a karihela va Yuda ni va Yerusalema, hikuva a va dyohile emhakeni leyi.

2 TIKRONIKA 33:19

Ni xikhongelo, xa yena ni ku hlamuriwa ka xona ni swidyoho swa yena, ni ku homboloka ka yena, ni ndhawu leyi a akeke eka yona tindlu ta switsunga, ni laha a yimiseke kona swifaniso swa Axera, ni swifaniso leswi vatliweke loko a nga si titsongahata, swi tsariwile etimhakeni ta vavoni.

Esaya 17:8

A nga ka a nga cingeri tialitari leti tirhiweke hi mavoko ya yena; a nga ka a nga languti leswi endliweke hi tintiho ta yena, hambi swi ri swifaniso swa Axera ni swa dyambu.

Esaya 27:9

Nandzu wa Yakobo wu herisile sweswo; hi wona mbhandzu wa ku rivaleriwa ka nandzu wa yena: Yehovha u endle maribye hinkwawo ya tialitari tanihi maribye ya mhemba lama hisiweke, lama siriweke; swifaniso swa Axera ni swifaniso swa dyambu swi nga ha tshami swi pfuxiwa.

Yeremiya 17:2

Kukotisa loko va anakanya vana va vona, va anakanyisa sweswo tialitari ta vona ni swifaniso swa vona swa Axera ekusuhi ni mirhi leyi nga ni matluka eswitsungeni leswi tlakukeke.

Mikiya 5:14

Kutani ndzi ta tsuvula swifaniso swa Axera leswi nga eka wena, ndzi herisa miti ya wena;

Tinhlayo 33:52

mi ta hlongola emahlweni ka n'wina vaaki hinkwavo va tiko, mi onha swifaniso hinkwaswo swa vona, mi heta swifaniso hinkwaswo swa vona leswi chuluriweke; mi hlanhla swivandla swa vona hinkwaswo leswi tlakukeke.

Duteronoma 16:22

kambe u nga tshuki u tiyimisela swifaniso leswi Yehovha, Xikwembu xa wena, a swi vengaka.

2 TIHOSI 10:27

va mbundzuxa xifaniso xa Baali; va mbundzuxa ni yindlu ya Baali, va endla tala ha yona ku fika namuntlha.