Eksoda 34:10 - Xitsonga (Bibele)

¹⁰ Yehovha a hlamula, a ku: “Waswivo, ndzi endla ntwanano. Ndzi ta endla emahlweni ka tiko hinkwaro masingita lama nga siki endliwaka emisaveni hinkwayo, hambi ku ri etikweni rihi ni rihi, kutani tiko hinkwaro leri u nga exikarhi ka rona, ri ta vona ntirho wa Yehovha; hikuva lexi ndzi nga ta xi endla ha wena, xi ta va xilo lexi chavisaka.

BIBELE Mahungu Lamanene

¹⁰ Kutani HOSI Xikwembu xi ku: “Sweswi ndzi le ku endleni ka ntwanano ni Vaisraele. Ndzi ta endla swihlamariso leswikulu emahlweni ka vanhu va wena; swihlamariso swa kona a swi si tshama swi humelela emisaveni hinkwayo, kumbe erixakeni rihi na rihi. Vanhu va matiko hinkwawo lawa ya mi rhendzeleke, va ta vona leswi mina HOSI ndzi tirhaka swona, hikuva leswi ndzi nga ta mi endlela swona, swi ta chavisa ngopfu.

Eksoda 34:10 Referans Kwoze

Duteronoma 10:21

Ku dzuna ka wena, hi xona Xikwembu xa wena; hi xona lexi nga ku endlela timhaka letikulu ni leti chavisaka leti u ti voneke hi mahlo ya wena.

Pisalema 77:14

Hi wena Xikwembu lexi tirhaka mahlori, U kombisile exikarhi ka matiko matimba ya wena.

Esaya 64:3

[Loko u endlile masingita lawa hi nga ma langutelangiki, u xikile, kutani tintshava ti tsekatseka emahlweni ka wena.]

Pisalema 66:5

Tanani, mi vona mitirho ya Xikwembu; Xa chaviseka eku endleni ka xona ehenhla ka vana va vanhu;

Yeremiya 32:21

U humesile tiko ra wena ra Israele etikweni ra Egipta, hi swikombiso ni mahlori ni xandla xa matimba, ni voko le ri tshambulukeke, ni ku chavisa lokukulu.

2 SAMIELE 7:23

Kambe i mani la kotisaka tiko ra wena ra Israele, ri nga tiko ra xiviri emisaveni, leri Xikwembu xi teke ku tikutsulela rona, xi ta va ni tiko ra xona xi ta va vekela vito ni ku va endlela xilo lexikulu, ni swilo leswi chavisaka etikweni ra wena, hi ku hlongola matiko ni swikwembu swa wona, emahlweni ka tiko ra wena leri u tikutsuleleke rona Egipta?

Pisalema 78:12

Emahlweni ka vatata wa vona xi tirhile mahlori, Etikweni ra Egipta, etimbaleni ta Sowani.

Pisalema 66:3

Mi ku eka Xikwembu: “Mitirho ya wena yi chavisa swonghasi! Hikwalaho ka vukulu bya matimba ya wena, valala va wena va ku xengetela.

Duteronoma 32:30

Xana munhu a nga hlongorisa ku yini va 1 000 xana? Ni vambirhi va nga hlongorisa va 10 000 xana? Loko ngi ribye ra vona ri nga va xavisanga, Ni loko Yehovha a nga va nyiketanga xana?

Yoxuwa 6:20

Kavaloko tiko ri ba huwa, ni vaprista va yimba tinanga. Kuteloko tiko ri twile mpfumawulo wa nanga, ri ba huwa leyikulu, kutani rirhangu ri mbundzumuka ri wa ehansi, kutani tiko ri khandziya emutini, un'wana ni un'wana a kongoma emahlweni ka yena, kutani va teka muti.

Eksoda 34:27

Yehovha a engeta, a ku eka Muxe: “Tsala marito lawa, hikuva ndzi endlile ntwanano na wena na Israele hi marito lawa.”

Pisalema 145:6

Vanhu va ta vula mitirho leyi chavisaka ya wena, Mina ndzi vula vukulu bya wena.

Pisalema 106:22

Ni swihlamariso emisaveni ya Hamu, Ni swikombiso leswi chavisaka eLwandle-ro-Tshwuka.

Pisalema 76:12

Wa tsema ku tikurisa ka tihosana, Wa chaveka ni ka tihosi ta misava.

Pisalema 65:5

U hi hlamula hi mitirho leyi chavisaka ya ku lulama ka wena, Xikwembu xa ku hlayiseka ka hina, Wena la nga ku tshemba ka matlhelo hinkwawo ya misava ni ya lwandle!

Pisalema 147:20

A nga endlanga sweswo eka matiko man'wana, Kambe a ma tivi swileriso swa yena.

Duteronoma 4:13

U mi twisisile ntwanano lowu a mi leriseke ku wu hlayisa, ma ri marito ya khume, kutani u ma tsarile emaribyeni mambirhi.

Pisalema 68:35

Wa chaveka, oho Xikwembu! Exikarhi ka vukwetsimelo bya wena. Xikwembu xa Israele, hi xona lexi nyikaka tiko ra xona matimba ni ku fuma. A ku khensiwe Xikwembu!

Eksoda 34:28

Muxe a tshama na Yehovha hi masiku ya mune wa makume, ni vusiku bya mune wa makume, a nga dyi vuswa, a nga nwi mati; kutani Yehovha a tsala emaribyeni marito ya ntwanano, ma nge marito ya khume.

Duteronoma 9:19

Hikuva a ndzi chavisiwa ngopfu hi vukari lebyi chavisaka bya Yehovha, lebyi a mi kariheleke ha byona ku mi heta. Kambe Yehovha u ndzi yingisile kambe enkarhini wolowo.

Pisalema 72:18

A ku khensiwe Yehovha, Xikwembu xa Israele, La endlaka swihlamariso a ri swakwe!

Pisalema 136:4

Hi yena la endleke swihlamariso leswikulu, a ri swakwe, Hikuva tintswalo ta yena hi leti nga heriki!

Mikiya 7:15

Ndzi ta ku kombisa swihlamariso ku kota siku u humeke etikweni ra Egipta.