Eksoda 33:9 - Xitsonga (Bibele)

⁹ kuteloko Muxe a nghena endlwini, papa ri xika, ri yima enyangweni ya yindlu, kutani Yehovha a vulavula na Muxe.

BIBELE Mahungu Lamanene

⁹ Loko Muxe a nghenile entsongeni, papa ri nembelela, ri fika ri yima enyangweni ya ntsonga, kutani HOSI Xikwembu xi vulavula na yena.

Eksoda 33:9 Referans Kwoze

Pisalema 99:7

A vulavula na vona epapeni; Va hlayisa ku lerisa ka yena, Ni milawu leyi a nga va nyika yona.

Eksoda 31:18

Kuteloko Yehovha a hetile ku vulavula na Muxe entshaveni ya Sinayi, a n'wi nyika maribye mambirhi ya vumbhoni lama tsariweke hi voko ra Xikwembu.

Ezekiele 3:22

Na kona, voko ra Yehovha ri va ehenhla ka mina, a ku eka mina: “Pfuka u ya erivaleni, ndzi ta vulavula na wena kona.”

Tinhlayo 11:17

Ndzi ta xika, kutani ndzi ta vulavula na wena kona; ndzi ta pambula moya lowu nga eka wena, ndzi wu veka ehenhla ka vona, va ta rhwala na wena ndzhwalo wa tiko, u nga tshuki u wu rhwala u ri wena ntsena.

Eksoda 34:9

“Hosi, loko kunene ndzi vonile tintswalo ta wena, Hosi a yi fambe na hina, hikuva kunene i tiko ra tinhamu leto nonon'hwa, kambe u hi khomela ku dyoha ka hina, ni ku homboloka ka hina, kutani u hi fuwa, hi va ndzhaka ya wena.”

Eksoda 34:3

Munhu a nga tshuki a khandziya na wena; ku nga tshuki ku vonaka munhu entshaveni, swi tsandza ni tinyimpfu ni tihomu, ti nga tshuki ti dya ekusuhi ni ntshava leyi.”

Eksoda 33:11

Yehovha a tshama a vulavula na Muxe va langutene, kukota munhu loko a vulavula ni nakulobye; kutani Muxe a tlhelela emixaxeni; kambe Yoxuwa, n'wana wa Nuni, nandza wa yena wa jaha, a a nga suki endlwini.

Eksoda 25:22

Ndzi ta hlangana na wena kona kutani ndzi ta ku byela kona evukhongelelweni, xiharhi ha tikerubu leti nga ehenhla ka areka ya vumbhoni, hinkwaswo leswi u nga ta lerisa vana va Israele.”

Genesa 18:33

Kavaloko Yehovha a suka loko a hetile ku vulavula na Abrahama, Abrahama a tlhelela ekaya.

Genesa 17:22

Kuteloko Xikwembu xi hetile ku vulavula na Abrahama, xi n'wi sukela, xi tlhandlukela ehenhla.

Eksoda 33:8

Kutani kakuloko Muxe a huma ku ya endlwini ya nhlengeletano, vanhu hinkwavo a va yima, un'wana ni un'wana enyangweni ya ntsonga wa yena, va languta, Muxe a ko a nghena endlwini;

Eksoda 33:10

Vanhu hinkwavo, kakuloko va vone papa enyangweni ya yindlu va yima, va khinsama, un'wana ni un'wana enyangweni ya ntsonga wa yena.

Eksoda 34:5

Kutani Yehovha a xikela epapeni, a yima kona ekusuhi na yena, a vula vito ra Yehovha.

Duteronoma 31:14

Yehovha a ku eka Muxe: “Waswivo! Masiku ya rifu ra wena ma tshinela. Vitana Yoxuwa, mi ta yima etabernakeleni ya nhlengeletano, hi kona ndzi nga ta n'wi lerisa.” Kavaloko Muxe a suka na Yoxuwa, va ya yima etabernakeleni ya nhlengeletano.

Duteronoma 31:15

Kutani Yehovha a humelela etabernakeleni, epapeni leri yimeke enyangweni wa tabernakela.

Tinhlayo 7:89

Kutani kakuloko Muxe a tshama a nghena etabernakeleni ya nhlengeletano ku ya vulavula na Yehovha, a tshama a yingisa rito leri vulavulaka na yena, ri twakala evukhongelelweni lebyi nga ehenhla ka areka ya vumbhoni, exikarhi ka tikerubu timbirhi; hi sweswo Muxe a tshama a vulavula na Yena.