Eksoda 33:5 - Xitsonga (Bibele)

⁵ Kambe Yehovha u byerile Muxe, a ku: “U nge eka vana va Israele: ‘Mi vanhu va tinhamu leti nonon'hwaka; loko ndzi famba na n'wina ku nga ri kungani, ndzi nga mi lovisa. Kutani sweswi, susa leswi u bombaka ha swona, ndzi ta tiva leswi ndzi nga ta swi endla.’ ”

BIBELE Mahungu Lamanene

⁵ HOSI Xikwembu a xi byerile Muxe xi ku: “Tivisa Vaisraele leswaku ndzi ri: ‘Mi vanhu lava omeke tinhloko; loko ndzo tshuka ndzi fambile na n'wina nkarhinyana, ndzi nga mi herisela makumu. Hikokwalaho, hluvulani leswi mi tibombisaka ha swona, mina ndzi ta vona leswi ndzi nga ta endla swona hi n'wina.’ ”

Eksoda 33:5 Referans Kwoze

Tinhlayo 16:21

“Hambanani ni nhlengeletano leyi, ndzi ta va hisa kan'we.”

Pisalema 139:23

Xikwembu, ndzi kambe, u tiva mbilu yanga! Ndzi ringe, u tiva ku anakanya ka mina!

Swirilo 4:6

Ku biwa ka nhwanyana wa tiko ra mina Ingi kukulu ku tlula ka Sodoma, La nga wisiwa hi nkarhinyana, Ku nga ri na mavoko lama rhumeriweke kona.

Esaya 22:12

Hosi, Yehovha wa tinyimpi, u mi vitanele hi siku lero eku rileni ni ku tiba swifuva, ku byewula misisi ni ku ambala nguvu leyo khwaxa.

Pisalema 73:19

Aha! Va herise ku yini kan'wekan'we, Va susiwa, va herisiwa hi ku chava?

Ntirho 34:20

Va ku fa hi nkarhinyana, Exikarhi ka vusiku, vanhu va tiko va tsekatseka, va hundza; Lava matimba va tlherisiwa, ku nga ri hi voko ra munhu.

Duteronoma 8:2

“Tsundzuka ndlela hinkwayo leyi Yehovha, Xikwembu xa wena, a ku fambiseke ha yona emananga, hi malembe ya 40 ku ku tsongahata ni ku ku ringa, u ta tiva leswi nga embilwini ya wena: leswaku kumbe xana u ta hlayisa milawu ya yena, kumbe u nga yi hlayisi.

Genesa 22:12

Kutani yi ku: “U nga yisi voko ra wena eka n'wana, u nga n'wi endli nchumu; hikuva sweswi, ndza swi tiva leswaku u chava Xikwembu, ni leswaku a u ndzi alelanga n'wanaku, loyi a nga swakwe.”

Genesa 18:21

ndzi ta rhelela ndzi ya vona xana va endlile kunene hilaha huwa yi ndzi fikeleke hakona: loko swi nga ri tano, ndzi ta swi tiva.”

Timhaka 7:51

“N'wina va tinhamu le to nonon'hwa, mi nga yimbisiki timbilu ni tindleve! Mi alela Moya lowo Kwetsima hi masiku, mi kotisa vatata wa n'wina!

Eksoda 32:9

Yehovha a engeta, a ku eka Muxe: “Ndzi langutile tiko leri, ndzi ri: I tiko ra tinhamu leto nonon'hwa.

Eksoda 33:6

Kavaloko vana va Israele va susa leswi va bombaka ha swona ku suka entshaveni ya Horebe.

Esaya 48:4

Hikuva a ndzi swi tiva leswaku wa nonon'hwa, ni leswaku nhamu ya wena yi fana ni nhonga ya nsimbhi; ni mombo wa wena, ni koporo,

Yuwele 2:12

“Hambi ku ri namuntlha,” ku vula Yehovha, “vuyani eka mina hi timbilu ta n'wina hinkwato, mi titsona swakudya, mi rila, mi tiba swifuva.