Eksoda 33:4 - Xitsonga (Bibele)

⁴ Kuteloko tiko ri yingisile rito leri chavisaka leri, ri rila, ri tshika ku tibombisa.

BIBELE Mahungu Lamanene

⁴ Loko vanhu va twa timhaka leti to tika leti, va tlhaveka timbilu, ku pfumaleka ni un'we loyi a ambaleke swo tibombisa ha swona.

Eksoda 33:4 Referans Kwoze

Tinhlayo 14:39

Muxe a byela marito lawa eka vana hinkwavo va Israele; kavaloko tiko ri humesa xirilo lexikulu.

Ezekiele 26:16

Kwalaho tihosi hinkwato ta lwandle ti ta xika eswitshan'weni swa tona swa vuhosi, ti susa tinguvu ta tona, ti funungula swifunengelo swa tona swa vubombi; ti va ti funengela ku rhurhumela; ti tshama ehansi, ti rhurhumela hi mikarhi hinkwayo, ti hlamala ha wena.

Ezekiele 24:23

Mi ta tshama mi bohile duku etinhlokweni ta n'wina, mi vehele tintanghu ta n'wina emilengeni; mi nga ka mi nga rili, ni loko ku ri ku kolola; kambe mi ta tsundzuka swidyoho swa n'wina, mi rila un'wana eka un'wana.

Ezekiele 24:17

U hefemuteka u ri karhi u wisile; u nga endli xirilo xa lava feke: u boha duku ra wena enhlokweni ya wena, u vehela ni tintanghu ta wena emilengeni ya wena, u nga funengeti malebvu ya wena, u nga dyi vuswa bya vanhu.”

Tinhlayo 14:1

Nhlengeletano hinkwayo yi tlakusa rito, yi ba huwa, kutani tiko ri rila vusiku byebyo.

Zakariya 7:5

Leswi mi tshamaka mi titsona swakudya mi va mi rila hi n'hweti ya vuntlhanu, ni ya vuntlhanu na timbirhi, hi malembe walawo ya ntlhanu wa makume ni makume mambirhi, xana a mi titsonela mina-ke?

Zakariya 7:3

ni ku vutisa vaprista va yindlu ya Yehovha wa tinyimpi ni vaprofeta, leswaku: “Xana ndza ha ta rila ni ku titsona swakudya hi n'hweti ya vuntlhanu tanihi leswi ndzi swi endleke hi malembe layo nghasi?”

Yonasi 3:6

Kuteloko timhaka teto ti fike eka hosi ya Ninivha, yi suka exiluvelweni xa yona, yi susa nkhancu wa yona wa vuhosi, yi ambala nguvu yo khwaxa, yi tshamisa enkumeni.

Hosiya 7:14

A va huweleri hi timbilu ta vona eka mina, kambe va rila emasangwini ya vona, va hlengeletana hinkwavo enkarhini wa mavele ni byalwa kutani va ndzi fularhela.

Esaya 32:11

Pfukani, n'wina vatsaki! Rhurhumelani vatidzunisi! Susani tinguvu ta n'wina, mi tiboha swisuti hi xuka lero khwaxa.

Ntirho 2:12

Kuteloko va tlakuse mahlo va ha ri kule, a va n'wi tivanga; kutani va tlakusa marito, va rila, va handzula tinguvu ta vona va tikhuva hi ntshuri etinhlokweni ta vona, va wu tsutsuxa ehenhla.

Ntirho 1:20

Yobo a yima, a handzula tinguvu ta yena, a byewula nhloko, a tiwisa ehansi a khinsama, a ku:

Ezra 9:3

Kuteloko ndzi twile mhaka leyi, ndzi handzula banci ra mina, ni nguvu, ndzi hluva misisi ya nhloko ya mina, ni malebvu ya mina ndzi tshama ehansi ndzi ri ni gome.

2 TIHOSI 19:1

Hosi Hezekiya, kuteloko a swi yingisile, a handzula tinguvu ta yena, a funengela nguvu leyo khwaxa, kutani a nghena endlwini ya Yehovha.

1 TIHOSI 21:27

Akabu, kuteloko a yingisile marito lawa, a handzula tinguvu ta yena, a ambala nguvu yo khwaxa a titsona swakudya; a tilata a ri ni nguvu yo khwaxa, a famba khwatsi.

2 SAMIELE 19:24

Mefiboxete, n'wana Sawulo, a ta ku hlangana ni hosi; a nga bohelanga milenge ya yena, a nga lunghisanga malebvu ya yena, ni ku hlantswa tinguvu ta yena ku sungula siku hosi yi sukeke ku fika siku yi vuyeke hi ku rhula.

Levhitika 10:6

Muxe a ku eka Aroni na Eliyazara na Itamara, vana va Aroni: “Mi nga tshuki mi funungula tinhloko ta n'wina ni ku handzula tinguvu ta n'wina, mi nga ta fa, Yehovha a nga tshuki a karihela nhlengeletano hinkwayo. Vamakwenu, va yindlu hinkwayo ya Israele hi vona lava nga ta rila hikwalaho ka ritshwa leri hisiweke i Yehovha.

Eksoda 33:6

Kavaloko vana va Israele va susa leswi va bombaka ha swona ku suka entshaveni ya Horebe.

1 SAMIELE 6:19

Yehovha a ba ngopfu vanhu va Beta-Xemexe, hikuva a va langutile areka ya Yehovha; a dlaya vanhu va 70 exikarhi ka tiko leri ngi ri ri ni vanhu va 50 000. Kutani vanhu va va ni mikosi hikuva Yehovha a a bile tiko hi khombo lerikulu.