Eksoda 33:21 - Xitsonga (Bibele)

²¹ Yehovha a engeta a ku: “Waswivo, ku ni xivandla ekusuhi na mina; u ta yima eribyeni;

BIBELE Mahungu Lamanene

²¹ Kutani HOSI Xikwembu xi ku: “Vona, ndhawu hi leyi kusuhi na mina, laha u nga ta yima kona, ehenhla ka ribye;

Eksoda 33:21 Referans Kwoze

Zakariya 3:7

“Yehovha wa tinyimpi u ri: Loko u famba etindleleni ta mina, u hlayisa leswi ndzi ku tshembiseke swona, na wena u ta va ni ku lawula endlwini ya mina, u langutela timbala ta mina, ndzi va ndzi ku nyika mfanelo yo famba exikarhi ka lava yimeke ekusuhi na mina.

Esaya 56:5

ndzi ta va nyika endlwini ya mina ni le rihlampfini ra mina vutshamo ni vito leri nga ta tlula ra vafana ni vanhwana; ndzi ta va nyika vito leri nga heriki leri nga hlanguriwiki.

Yoxuwa 20:4

Mudlayi u ta balekela eka wun'wana wa miti leyi, u ta yima enyangweni ya muti, kutani u ta vula timhaka ta yena etindleveni ta vakulukumba va muti lowu. Kavaloko va ta n'wi amukela ekarikwavo emutini, va ta n'wi komba yindlu, kutani u ta tshama na vona.

Duteronoma 5:31

kambe wena, tshama kwala na mina, ndzi ta ku byela milawu hinkwayo ni timhaka ni ku lerisa; u ta va dyondzisa swona leswaku va swi landza etikweni leri ndzi va nyikaka rona ku ri fuwa.’

Luka 15:1

Kutani valuvisi ni vadyohi va tshinelela eka yena ku n'wi yingisa.

1 TIHOSI 19:9

Kutani a nghena ebakweni, a etlela kona. Kutani, maswivo, rito ra Yehovha ri ta eka yena, ri ku: “U endla yini kwala, wee Eliya?”

Pisalema 18:2

Oho Yehovha! Ribye ra mina, ni khokholo ra mina, ni mulweri wa mina! Oho Xikwembu xanga! Ribye ra mina leri ndzi chavelaka eka rona! Xitlhangu xa mina, ni matimba lama ndzi ponisaka, ni xichavelo xa mina!

Pisalema 18:46

Yehovha wa hanya, a ku dzunisiwe ribye ra mina! A ku twarisiwe Xikwembu xa ku hlayiseka ka mina!

Pisalema 27:5

Hikuva u ta ndzi fihla entsongeni wa yena hi siku ra khombo, U ta ndzi tumbeta exichavelweni xa Tabernakela ya yena, Kutani a ndzi khandziyisa ehenhla ka ribye lero tiya.

Pisalema 61:2

Ndzi huwelela eka wena ndzi ri emakun'wini ya misava, eku heleni ka mbilu ya mina; Ndzi fambise eribyeni leri ndzi hlulekaka ku khandziya ka rona!

Pisalema 62:7

Ku hlayiseka ka mina ni ku kwetsima ka mina ku tshamisa eka Xikwembu; Ribye ra matimba ya mina, ni vuchavelo bya mina swi le ka Xikwembu.