Eksoda 33:18 - Xitsonga (Bibele)

¹⁸ Kutani Muxe a ku: “Wa nga ndzi komba ku vonakala ka wena.”

BIBELE Mahungu Lamanene

¹⁸ Kutani Muxe a ku: “Ndzi kombela leswaku u ndzi komba ku vonakala ka wena.”

Eksoda 33:18 Referans Kwoze

Eksoda 33:20

A engeta a ku: “U nga ka u nga voni mombo wa mina; hikuva a ku na munhu la nga ndzi vonaka a va a hanya.”

Nhlavutelo 21:23

Kutani muti a wu na ku voningiwa hi dyambu ni n'weti, hikuva wu voningiwa hi ku kwetsima ka Xikwembu, na xona Xinyimpfana i rivoningo ra wona.

Tito 2:13

hi ri karhi hi langutela ku tshemba loku nga ni ku kateka, ni ku humelela ka ku vonakala ka Xikwembu lexikulu, ni Mukutsuri wa hina, Yesu Kriste,

1 Timotiya 6:16

a nga yena a ri swakwe la nga riki wa ku fa, la tiakeleke eku vonakaleni laha ku nga tshineleriwiki, loyi ku nga riki na munhu exikarhi ka vanhu la n'wi voneke ni la nga n'wi vonaka; loyi ku chaviwa ni matimba lama nga heriki swi nga eka yena. Amen!

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

Yohane 1:18

Xikwembu a xi voniwanga hi munhu ni siku ni rin'we; N'wana la nga swakwe, la nga exifuveni xa Tatana, hi yena loyi a nga hi tivisa xona.

2 Vakorinto 3:18

Hina hinkwerhu lava hlalelaka hi xivonivoni ku kwetsima ka Hosi, hi mahlo lama nga sirheriwangiki, hi hundzukile xifaniso xi ri xin'we na yena, hi ku kwetsima loku yisaka eku kwetsimeni, ku nga hi Moya wa Hosi.

Pisalema 4:6

Lavo tala va ku: “Hi ta kombiwa ku kateka hi mani? Oho Yehovha! Wa nga hi tsuvukisela ku vonakala ka mombo wa wena!”

Yohane 14:21

“La nga ni milawu ya mina, kutani a yi hlayisa, hi yena la ndzi rhandzaka, kutani la ndzi rhandzaka, u ta rhandziwa hi Tatana; na mina ndzi ta n'wi rhandza, kutani ndzi ta tihlavutela eka yena.”

Pisalema 63:3

Hikuva tintswalo ta wena ti tlula ku hanya. Milomu ya mina yi ta ku twarisa.