Eksoda 33:14 - Xitsonga (Bibele)

¹⁴ Yehovha a ku: “Mombo wa mina wu ta famba, kutani ndzi ta ku wisisa.”

BIBELE Mahungu Lamanene

¹⁴ Hiloko HOSI Xikwembu xi ku: “Mina hi ndzexe ndzi ta famba na n'wina, ndzi mi yisa lomu mi nga ta tshamiseka kona.”

Eksoda 33:14 Referans Kwoze

Yoxuwa 21:44

Yehovha a va nyika ku wisa hi matlhelo hinkwawo, hilaha a hlambanyeleke vatata wa vona hakona; a ku vanga na un'we wa valala va vona la kotaka ku tiya emahlweni ka vona, Yehovha a va nyiketa hinkwavo emavokweni ya vona.

Yoxuwa 1:5

A ku na munhu la nga ta tiya ku yima emahlweni ka wena hi masiku hinkwawo ya vutomi bya wena; hilaha ndzi byeleke Muxe hakona, ndzi ta va na wena, ndzi nga ka ndzi nga ku tshiki, ndzi nga ka ndzi nga ku siyi.

Matewu 11:28

“Tanani eka mina n'wina hinkwenu lava karheleke, ni lava tikeriwaka, ndzi ta mi wisisa.

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Pisalema 95:11

Hi laha ndzi nga hlambanya evukarini bya mina, Leswaku va nga ka va nga ngheni eku wiseni ka mina!

Yoxuwa 22:4

Sweswi, Yehovha, Xikwembu xa n'wina, u nyikile vamakwenu ku wisa hilaha a va byeleke hakona: kutani sweswi, tlhelelani mi timukela emitsongeni ya n'wina, etikweni ra rifuwo ra n'wina, leri Muxe, nandza wa Yehovha, a mi nyikeke rona ehase ka Yordani.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina hi masiku hinkwawo, ku ko ku hela misava.”

Yeremiya 6:16

Yehovha u vula a ku: “Yimani etindleleni mi languta kutani mi vutisa tindlela ta khale; vutisani mi ku: ‘Ndlela leyo saseka hi yihi-ke?’ Kutani mi famba ha yona, mi ta kumela mimoya ya n'wina ku wisa. Kambe va hlamula, va ku: ‘Hi nga ka hi nga fambi kona.’

Eksoda 13:21

Yehovha a va rhangela emahlweni hi ku nembelela ka papa ninhlekanhi, ku va komba ndlela, ni ku pfurha ka ndzilo nivusiku ku va voningela leswaku va famba nhlekanhi ni vusiku.

Yoxuwa 23:1

Kuteloko masiku layo tala ma hundzile, mpfhuka Yehovha a nyikile vana va Israele ku wisa eka valala va vona hinkwavo, ematlhelweni hinkwawo, yena Yoxuwa a dyuharile, a taleriwe hi masiku.

Duteronoma 3:20

Yehovha a ko a wisisa vamakwenu kukotisa n'wina, kutani na vona va ta fuma tiko leri Yehovha a va nyikeke rona ehase ka Yordani; kutani un'wana ni un'wana u ta tlhelela erifuweni ra yena leri ndzi mi nyikeke rona.’

Eksoda 3:12

Xikwembu xi ku: “Ndzi ta va na wena. Xikombiso xa leswaku hi mina la ku rhumaka, hi lexi: kutakuloko u humesile tiko ra mina eEgipta, mi ta tirhela Xikwembu entshaveni leyi.”

Duteronoma 4:37

Hikuva xi rhandzile vatata wa wena, kutani xi hlawurile vatukulu va vona endzhaku ka vona, xi ku humesile eEgipta hi mombo wa xona, ni matimba lamakulu ya xona,

Duteronoma 12:10

Mi ta pela Yordani, kutani mi ta aka etikweni leri Yehovha, Xikwembu xa n'wina, a nga ta mi dyisa ndzhaka ya rona; a ta mi nyika ku wisa, mi nga karhatiwi hi valala hinkwavo lava mi rhendzelaka, kutani mi ta aka, mi nga chavi nchumu.

Duteronoma 25:19

Kutakuloko Yehovha, Xikwembu xa wena, a ku nyikile ku wisa, a ku ponisa eka valala hinkwavo lava ku rhendzelaka exikarhi, etikweni leri Yehovha, Xikwembu xa wena, a ku nyikaka leswaku yi va ndzhaka ya wena u ri fuma, u ta hlangula ku tsundzukiwa ka Amaleke ehansi ka matilo, mi nga va rivali.

Duteronoma 31:8

Yehovha u ta famba emahlweni ka wena, u ta va na wena; a nga ka a nga ku tshiki, a nga ka a nga ku siyi; u nga chavi, u nga heli mbilu.”

Yeremiya 31:2

Ku vula Yehovha: “Tiko leri siyiweke hi matlhari, ri vonile tintswalo emananga, A hi yeni, hi ta nyika Israele ku wisa.

Ntirho 34:29

Loko xi va humesela ku rhula, i mani la nga endlaka dzolonga xana? Loko xi fihla mombo wa xona, i mani la nga ta xi vona? Xi fuma matiko ni vanhu hi mukhuva wun'we,

Daniele 12:13

Kambe wena, yana eku heleni ka wena, u wisa, kutani u ta pfuka u yimela ndzhaka ya wena eku heleni ka masiku.”