Eksoda 33:13 - Xitsonga (Bibele)

¹³ Sweswi, loko kunene ndzi vonile tintswalo ta wena, ndzi kombise tindlela ta wena, ndzi ta ku tiva, ndzi vona tintswalo ta wena! Kambe anakanya leswaku tiko leri i tiko ra wena.”

BIBELE Mahungu Lamanene

¹³ Hikokwalaho, loko hakunene u ndzi tsakela, ndzi kombela leswaku u ndzi komba makungu ya wena, ndzi ta kota ku ku tiva, ndzi kota ni ku ku tsakisa; naswona tsundzuka leswaku vanhu lava, hi rona tiko ra wena.”

Eksoda 33:13 Referans Kwoze

Pisalema 119:33

Yehovha, ndzi dyondzise ndlela ya timfanelo ta wena, Leswaku ndzi famba ha yona ku yisa makumu!

Pisalema 25:4

Yehovha! Ndzi kombe tindlela ta wena, U ndzi dyondzisa mikhuva ya wena.

Pisalema 27:11

Yehovha, ndzi kombise ndlela ya wena, U ndzi fambisa endleleni leyi lulameke, Hikwalaho ka lava nga valala eka mina.

Pisalema 86:11

Oho Yehovha, ndzi dyondzise ndlela ya wena! Ndzi ta famba eku tshembekeni ka wena. Byisa mbilu yanga ku chava vito ra wena.

Duteronoma 9:29

Hambiswiritano, i tiko ra wena, ni ndzhaka ya wena, leyi u yi humeseke eEgipta, hi matimba lamakulu ya wena, ni voko ra wena leri tlakukeke.’

Duteronoma 9:26

Ndzi khongele Yehovha, ndzi ku: ‘Hosi Yehovha, u nga heti tiko ra wena ni ndzhaka ya wena leyi u nga yi kutsula hi vukulu bya wena, leyi u nga yi humesa eEgipta hi voko ra matimba.

Vaefesa 1:17

leswaku Xikwembu xa Hosi ya hina, Yesu Kriste, Tata wa ku vonakala, xi mi nyika Moya wa vutlhari ni wa ku hlavutela, eku tiviweni ka xona;

Vakolosa 1:10

leswaku mi famba hi mukhuva lowu fanelaka Hosi, mi n'wi tsakisa hinkwako, mi veka mihandzu emitirhweni leyo saseka hinkwayo, mi va mi kula eku tiveni ka Xikwembu,

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

Esaya 30:21

Kutani tindleve ta wena ti ta twa rito endzhaku ka wena, ri ku: “Ndlela hi leyi, fambani ha yona,” mi nga yi hi ra xinene, kumbe hi ra ximatsi!

Yuwele 2:17

Ni vaprista lava tirhelaka Yehovha, a va be nkosi exikarhi ka rikupakupa ni alitari, va ku: “Oho! Yehovha, tsetselela tiko ra wena; u nga nyiketi ndzhaka ya wena eku soriweni, yi tseketseriwa hi vamatiko! Xana ku nga vuriwela yini exikarhi ka matiko, va ku: ‘Xi kwihi-ke, Xikwembu xa vona?’ ”

2 Petro 3:18

Kambe kulani etintswalweni, ni le ku tiveni ka Yesu Kriste, Hosi ni Muhlayisi wa hina. Ku kwetsima a ku ve eka yena sweswi, ni ku ya fika siku leri nga taka ri nga heri. Amen!

Eksoda 34:9

“Hosi, loko kunene ndzi vonile tintswalo ta wena, Hosi a yi fambe na hina, hikuva kunene i tiko ra tinhamu leto nonon'hwa, kambe u hi khomela ku dyoha ka hina, ni ku homboloka ka hina, kutani u hi fuwa, hi va ndzhaka ya wena.”

Varhoma 11:28

Kunene, hitlhelo ra Evhangeli, i valala hikwalaho ka n'wina; kambe hitlhelo ra ku hlawuriwa, va ha ri varhandziwa hikwalaho ka vatatana va vukulukulu,

Esaya 63:19

Khale sweswi hi fana ni tiko leri u nga ri fumiki, leri nga vuriwiki hi vito ra wena.

Esaya 63:17

Hikwalaho ka yini, o Yehovha, u hi tsendzelekisaka ekule ni tindlela ta wena, kutani u nonon'hwisa timbilu ta hina leswaku ti nga ha ku chavi? Tlhela, hikwalaho ka rirhandzu ra wena eka malandza ya wena, ni ka tinxaka ta ndzhaka ya wena!

Eksoda 32:7

Kutani Yehovha a ku eka Muxe: “Suka u famba hikuva tiko ra wena, leri u ri humeseke etikweni ra Egipta ri tionhile.

Eksoda 3:7

Kutani Yehovha a ku: “Ndzi vonisisile ku xaniseka ka tiko ra mina eEgipta, ndzi yingisile ku rila ka vona hikwalaho ka lava va va xanisaka; hikuva ndzi tiva nhlomulo wa vona;

Eksoda 3:10

Sweswi, famba, ndza ku rhuma eka Faro, u ya humesa eEgipta tiko ra mina, vana va Israele.”

Eksoda 5:1

Endzhaku ka sweswo, Muxe na Aroni va ta eka Faro, va ku eka yena: “Yehovha, Xikwembu xa Israele, u te: ‘Tshika tiko ra mina ri ya ndzi endlela nkhuvo emananga.’ ”

Eksoda 32:12

Vaegipta va ta vulela yini va ku: ‘U va humesile ku va endla swo biha, ku va dlaya etintshaveni, ni ku va heta laha emisaveni? Tlherisa ku kariha ka wena, u tshika khombo leri u ri lavelaka tiko ra wena.

Eksoda 32:14

Hilaha Yehovha a tshikaka khombo leri a ri anakanyeleke tiko ra yena.

Pisalema 51:13

Ndzi ta dyondzisa vadyohi tindlela ta wena, Kutani vendlaswivi va ta vuyela eka wena.

Pisalema 103:7

U tivisile Muxe tindlela ta yena, Ni vana va Israele mitirho ya yena.

2 SAMIELE 15:25

Kutani hosi yi ku eka Sadoki: “Tlherisa areka ya Xikwembu emutini; kungakuloko Yehovha a ndzi twela vusiwana, u ta ndzi vuyisa, a ndzi kombisa yona ni yindlu ya yona.