Eksoda 32:5 - Xitsonga (Bibele)

⁵ Kakuloko Aroni a vona sweswo, a aka alitari emahlweni ka rhole; kutani Aroni a huwelela, a ku: “Mundzuku wu ta va nkhuvo wa Yehovha!”

BIBELE Mahungu Lamanene

⁵ Loko Aroni a vona leswi humelelaka, a aka alitari emahlweni ka rhole, kutani a tivisa vanhu, a ku: “Mundzuku ku ta va ni nkhuvo wa ku tlangela HOSI Xikwembu.”

Eksoda 32:5 Referans Kwoze

2 TIHOSI 10:20

Kutani Yehu a ku: “Endlelani Baali nhlengeletano leyo kwetsima.” Kavaloko va yi tivisa.

Levhitika 23:37

“ ‘Hi yona mikhuvo ya Yehovha, ti nga tinhlengeletano leti hlawuriweke, mi ta ti tivisa leswaku ku humeseriwa Yehovha magandzelo lama hisiwaka, ti nga tiholokosta, ni mihlengo, ni timhamba, ni vhinyo; xilo xin'wana ni xin'wana xi ta humesiwa hi siku ra xona.

Levhitika 23:2

“Byela vana va Israele, u ku eka vona: ‘Hi yona mikhuvo ya Yehovha leyi mi nga ta yi lerisa leswaku ti va tinhlengeletano leti hlawuriweke. Hi yona mikhuvo ya mina.

1 Vakorinto 5:8

A hi endleni nkhuvo hakona, ku nga ri hi comela xa mona ni xo biha, kambe ku va hi xinkwa lexi nga riki na comela, lexo tenga ni xa ntiyiso.

Hosiya 8:14

Israele u rivele muvumbi wa yena, kutani u akile tindlu ta vuhosi; na Yuda u andzisile ku aka miti leyi biyiweke; kambe ndzi ta rhuma ndzilo emitini ya vona, wu hisa tindlu ta vona ta vuhosi.

Hosiya 8:11

Hikuva Efrayimi u tiyisile ku aka tialitari hi ku dyoha, tialitari ti ta n'wi dyohisa.

2 TIKRONIKA 30:5

kutani va kanela makungu ku tivisa etikweni hinkwaro ra Israele, ku suka eBerexeba ku ya fika eDani, leswaku va ta Yerusalema, ku endlela Yehovha, Xikwembu xa Israele, Paseka; hikuva hi malembe layo tala, a va yi endlanga hilaha ku tsariweke hakona.

2 TIHOSI 16:11

Kutani Uriya, muprista, a aka alitari a endla hinkwaswo hilaha hosi Akazi a n'wi leriseke hakona loko a ri Damaska; Uriya, muprista, a endlisa sweswo, hosi Akazi a nga si vuya hi le Damaska.

1 TIHOSI 21:9

A a tsarile emapapileni, a ku: “Lerisani nkhuvo wa ku titsona swakudya, mi veka Naboto emahlweni ka tiko,

1 SAMIELE 14:35

Kutani Sawulo a akela Yehovha alitari: yi va alitari leyo rhanga leyi a yi akeleke Yehovha.

Levhitika 23:21

Hi siku rolero mi ta tivisa nkhuvo, kutani mi ta va ni nhlengeletano leyi hlawuriweke; mi nga tshuki mi tirha ntirho ni wun'we lowo tika. I ku lerisa loku nga heriki ka vatukulu va n'wina, ematikweni hinkwawo lawa mi nga ta aka eka wona.

Levhitika 23:4

“ ‘Hi leyi mikhuvo ya Yehovha, hileswaku tinhlengeletano leto kwetsima leti mi nga ta ti lerisa emikarhini ya tona:

Eksoda 32:4

kutani a swi amukela, a tsemelela nsuku hi nsindzu, a wu nyukisa, a chulula rhole. Kutani va ku: “Hi lexi xikwembu xa wena, Israele, lexi ku humeseke etikweni ra Egipta.”

Eksoda 12:14

Siku lero xi ta va xitsundzuxo xa n'wina; mi ta ri hlawula wu va nkhuvo wa Yehovha etinxakeni ta tinxaka: ku ve ku lerisa loku nga heriki.

Eksoda 10:9

Muxe a ku: “Hi ta famba ni vana va hina, ni swikoxa swa hina, ni vafana va hina, ni vanhwanyana va hina, ni tinyimpfu ta hina, ni tihomu ta hina; hikuva hi ya enkhubyeni wa Yehovha.”

Eksoda 32:6

Kutani va pfuka ka ha ri mixo, va humesa magandzelo lama hisiwaka, ni magandzelo ya ku khensa; kutani tiko ri tshama hansi, ri dya, ri nwa, kutani va suka va cina.

Eksoda 17:15

Kutani Muxe a aka alitari, a yi thya vito ra Yehova-nisi (Yehovha i mfungho wa mina),