Eksoda 32:34 - Xitsonga (Bibele)

³⁴ Suka sweswi, u fambisa tiko laha ndzi ku leriseke kona. Vona, ntsumi ya mina yi ta ku rhangela emahlweni, kambe siku leri ndzi nga ta avanyisa, ndzi ta va bela ku dyoha ka vona.”

BIBELE Mahungu Lamanene

³⁴ Sweswi tlhela, u ya yisa Vaisraele lomu ndzi ku byeleke ku va yisa kona; ntsumi ya mina yi ta mi rhangela emahlweni, kambe siku mina ndzi nga ta va tela, ndzi ta va ba hikwalaho ka xidyoho lexi va nga na xona.”

Eksoda 32:34 Referans Kwoze

Duteronoma 32:35

Ku tirihisela ni ku hakela, i ka mina, Siku nenge wa vona wu nga ta tsekatseka; Hikuva siku ra khombo ra vona ri tshinele, Lexi va xi lunghiseriweke xa hatlisa.

Eksoda 23:20

“Waswivo, ndzi rhuma ntsumi emahlweni ka wena, yi ta ku hlayisa endleleni yi ku nghenisa etikweni leri ndzi ri lunghiseke.

Matewu 23:35

hileswaku ngati hinkwayo leyi lulameke, leyi halatiweke emisaveni yi hlengeletiwa eka n'wina, ku sungula hi ngati ya Abele la lulameke, ku ta fika engatini ya Zakariya, n'wana Barakiya, loyi mi n'wi dlayeke exikarhi ka tempele ni alitari.

Amosi 3:14

“Hi siku leri ndzi nga ta holovela Israele hikwalaho ka ku dyoha ka yena, ndzi ta holovela ni tialitari ta Betele, kutani timhondzo ta alitari ti ta tshoveka, ti wela ehansi.

Yeremiya 5:29

Xana ndzi nga tshika ku tshinya swilo leswo tano xana?” ku vula Yehovha; “kumbe ndzi nga tshika ku tirihisela eka tiko lero tano xana?

Yeremiya 5:9

Xana, ndzi nga tshika ku tshinya swilo sweswo, ku vula Yehovha, kumbe ndzi nga tshika ku tirihisela eka tiko lero tano xana?

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Pisalema 99:8

Oho Yehovha, Xikwembu xa hina u va yingisile, U vile eka vona Xikwembu lexi va rivalelaka, Kambe u rihisile ku dyoha ka vona.

Tinhlayo 20:16

Hi huwelele eka Yehovha, kutani u yingisile rito ra hina, a rhumile ntsumi, a hi humesa eEgipta. Sweswi hi le Kadexe, muti lowu nga endzilakaneni wa tiko ra wena.

Eksoda 33:2

Ndzi ta rhuma ntsumi leyi nga ta ku rhangela emahlweni kutani ndzi ta hlongola Vakanana ni Vaamori, ni Vahiti, ni Vaperesi, ni Vahivhi, ni Vayebusi,

Eksoda 20:5

u nga tshuki u swi khinsamela, ni loko ku ri ku swi tirhela; hikuva hi mina Yehovha, Xikwembu xa wena, xa rilaveta, lexi baka vana hikwalaho ka ku homboloka ka vatswari va vona, ku yisa erixakeni ra vunharhu ni ra vumune eka lava ndzi vengaka;

Eksoda 3:17

kutani ndzi ku: ‘Ndzi ta mi kutsula enhlomulweni wa n'wina wa Egipta, ndzi mi akisa etikweni ra Vakanana ni ra Vahiti, ni ra Vaamori, ni ra Vaperesi, ni ra Vahivhi, ni ra Vayebusi, etikweni ra ntswamba ni vulombe.’

Eksoda 15:17

U ta va fikisa, u va simeka entshaveni ya ndzhaka ya wena, Exivandleni lexi u tiendleleke xona ku tshamisa kona, oho Yehovha! Eku kwetsimeni loku endliweke hi mavoko ya wena, Hosi!

Eksoda 33:12

Kutani Muxe a ku eka Yehovha: “Waswivo, u te eka mina: ‘Humesa tiko leri,’ kambe a ku ndzi byelanga loyi u nga ta n'wi rhuma a famba na mina Kambe u vurile, u ku: ‘Ndza ku tiva hi vito ra wena, u vonile tintswalo ta mina.’

Yeremiya 23:2

Hikwalaho, Yehovha, Xikwembu xa Israele, a nge eka varisi lava risaka tiko ra mina: “Mi hangalasile ntlhambi wa mina, mi wu hlongola, a mi wu kambelanga; vonani, ndzi ta tlherisela eka n'wina hi vumbabva bya ku endla ka n'wina, ku vula Yehovha.

Yeremiya 14:10

Hi leti Yehovha a ti vulaka ehenhla ka tiko leri, a ku: “Va rhandza ku hambuka, a va tivi ku khoma milenge ya vona, kwalaho Yehovha a nga tsakisiwiki ha vona; kambe sweswi u ta anakanya ku homboloka ka vona, kutani u ta tshinya ku dyoha ka vona.”

Hosiya 8:13

Va ri va endla magandzelo, swi va switlhavelo swa mina; e-e, va tlhavela ku dya nyama ntsena; Yehovha a nga tsakisiwi hi vona. Sweswi, u ta tsundzuka ku homboloka ka vona, a avanyisa swidyoho swa vona; vona va ta tlhelela eEgipta.

Amosi 3:2

ndzi ri: “Ndzi tivile n'wina ntsena exikarhi ka tinxaka hinkwato ta misava, hikwalaho ndzi ta mi ba hikwalaho ka ku homboloka ka n'wina hinkwako.