Eksoda 32:18 - Xitsonga (Bibele)

¹⁸ Kutani Muxe a ku: “A hi marito ya vahluri, kumbe marito ya lava hluriweke Ndzi twa marito ya tinsimu.”

BIBELE Mahungu Lamanene

¹⁸ Kambe Muxe a hlamula a ku: “Leswi mina ndzi twaka swona a hi mpfumawulo wa ku giya ka vahluri, naswona a hi huwa ya mikhosi ya lava hluriweke, kambe i mpfumawulo wa ku yimbelela.”

Eksoda 32:18 Referans Kwoze

Daniele 5:23

Kambe u tikurisile emahlweni ka Hosi ya matilo; ku tisiwile emahlweni ka wena mindzheko ya yindlu ya yena; kutani wena, ni tindhuna ta wena, ni vasati va wena, ni swigangu swa wena, mi nwile vhinyo emindzekweni yoleyo, kutani u dzunisile swikwembu swa silivhere, ni swa nsuku, ni swa koporo, ni swa nsimbhi ni swa mitsandze, ni swa maribye, leswi nga riki na ku vona, ni ku yingisa, ni ku tiva; kasi Xikwembu lexi nga fumbarhela ku hefemula ka wena, ni mitila hinkwayo ya wena evokweni ra xona, a ku xi dzunisanga.

Daniele 5:4

Va nwa vhinyo, kutani va dzunisa swikwembu swa nsuku, ni swa silivhere, ni swa koporo, ni swa nsimbhi, ni swa mitsandze, ni swa maribye.

Eksoda 32:17

Kambe Yoxuwa a twa marito ya tiko loko ri huwelela; kutani a ku eka Muxe: “Ku ni huwa ya ku lwa emixaxeni.”

Eksoda 32:19

Kuteloko a tshinelela mixaxa, a vona rhole ni lava cinaka. Kavaloko Muxe a kariha, a cukumeta maribye emavokweni ya yena, ma fayeka ehansi ka ntshava.