Eksoda 32:14 - Xitsonga (Bibele)

¹⁴ Hilaha Yehovha a tshikaka khombo leri a ri anakanyeleke tiko ra yena.

BIBELE Mahungu Lamanene

¹⁴ Hiloko HOSI Xikwembu xi tlhela emakungwini lawa a xi ma vurile, ya ku endla leswo biha eka vanhu va xona.

Eksoda 32:14 Referans Kwoze

Yonasi 3:10

Xikwembu xi vona ku endla ka vona, hilaha va hundzukeke hakona eku fambeni ka vona loko biha; kutani Xikwembu xi tshika ku biha loku xi nga vula ku va endla hakona, kutani a xi ku endlanga.

Yeremiya 26:13

Sweswi, hundzukani emikhuveni ya n'wina ni le ku endleni ka n'wina, mi yingisela rito ra Yehovha Xikwembu xa n'wina, kutani na yena Yehovha a ta hundzuka eku biheni loku a ku vuleke ehenhla ka n'wina.

Pisalema 106:45

Kutani a tsundzuka ntwanano wa yena hikwalaho ka vona, A va tsetselela hikwalaho ka tintswalo ta yena letikulu.

Yeremiya 18:8

loko tiko leri ndzi ri tshinyeke ri hundzuka eku biheni ka rona, na mina ndzi tlhela eku kariheni kuloku ingi ndzi anakanyile ku va endlela hakona.

1 TIKRONIKA 21:15

Kutani Xikwembu xi rhumela eYerusalema, ntsumi ku wu heta; kakuloko ntsumi yi ri karhi yi onha, Yehovha a languta! A va a tlhela eku biheni loku, a ku eka ntsumi leyi ngi yi ri karhi yi onha: “Swi ringene! Sweswi, tlherisa voko ra wena!” Kutani ntsumi ya Yehovha yi yima ekusuhi ni xivuya xa Orinani wa ka Yebusi.

2 SAMIELE 24:16

Kutani kakuloko ntsumi yi tshambuluta voko ra yona ehenhla ka Yerusalema ku wu heta, Yehovha a tlhela eku biheni loku, kutani a ku eka ntsumi leyi dlayaka vanhu: “Swi ringene, wisa i voko ra wena sweswi.” Ntsumi ya Yehovha a yi ri ekusuhi ni xivuya xa Arawuna, wa ka Yebusi.

Yonasi 4:2

Kutani a khongela Yehovha, a ku: “Yehovha, xana a hi leswi ndzi swi vuleke loko ndza ha ri etikweni ra rikwerhu xana? Hilaha ndzi hatliseke ku balekela eTarxixi, hikuva a ndzi tiva leswaku u Xikwembu xa nsovo, xa tintswalo, lexi hlwelaka ku kariha, lexi nga ni musa ngopfu, lexi tshikaka ku ba.

Yuwele 2:13

Handzulani timbilu ta n'wina, ti nga ri tinguvu,” mi tlhelela eka Yehovha, Xikwembu xa n'wina, hikuva u ni tintswalo ni nsovo, wa hlwela ku kariha, u tele musa, wa vaviseka loko a vavisa munhu.

Yeremiya 26:19

Xana Hezekiya, hosi ya Yuda, ni tiko ra Yuda hinkwaro, va tshama va n'wi dlaya-ke? Xana a nga chavanga Yehovha, a khongela hi matimba emahlweni ka Yehovha, kutani Yehovha a hundzukile eka swo biha leswi a swi vuleke hikwalaho ka vona xana? Loko hi ri hina, a hi ta endlela mimoya ya hina leswo biha ngopfu.”

Duteronoma 32:26

Ingi ndzi ta ku: “Ndzi ta va kukula; Ndzi ta hlangula xitsundzuxo xa vona exikarhi ka vanhu,”

Eksoda 33:13

Sweswi, loko kunene ndzi vonile tintswalo ta wena, ndzi kombise tindlela ta wena, ndzi ta ku tiva, ndzi vona tintswalo ta wena! Kambe anakanya leswaku tiko leri i tiko ra wena.”

1 SAMIELE 15:11

“Ndza vilela hi leswi ndzi vekeke Sawulo hosi, hikuva u ndzi fularhele, kambe a nga hlayisanga marito ya mina.” Kutani Samiele a holova, a huwelela eka Yehovha vusiku hinkwabyo.

Genesa 6:6

kutani Yehovha a vilela hi leswi a nga vumba vanhu emisaveni, a vaviseka ngopfu embilwini ya yena.

Tinhlayo 14:20

Kutani Yehovha a ku: “Ndzi va rivalele hilaha u nga vula hakona.

Duteronoma 10:10

“Loko ndzi ri mina, ndzi xwe entshaveni masiku ya 40, ni vusiku bya 40, kukotisa eku sunguleni. Yehovha u ndzi yingisile kambe enkarhini lowo, Yehovha a nga rhandzangi ku ku heta.

Duteronoma 32:36

Hikuva Yehovha u ta avanyisa tiko ra yena, Kambe u ta tsetselela malandza ya yena. Loko a vona leswaku matimba ya vona ma herile, Ni leswaku ku nga sali la fuyiweke ni la nga fuyiwangiki.

Vaavanyisi 2:18

Kakuloko Yehovha a a va humesela vaavanyisi, Yehovha a a ri ni muavanyisi, a a va lamulela emavokweni ya valala va vona hi masiku hinkwawo ya muavanyisi, hikuva Yehovha a a hundzuka hi ku twa swirilo swa vona loko va ririsiwa hi lava va va xanisaka ni lava va va karhataka.

Pisalema 106:23

Xi vurile leswaku xi ta va herisa, Kambe Muxe, muhlawuriwa wa yena, a va lamulela, Leswaku vukari bya xona byi miyela, va nga ti herisiwa.

Amosi 7:3

Yehovha a tshika mhaka yoleyo. “A yi nga endlakali,” ku vula Yehovha.

Amosi 7:6

Yehovha a tshika mhaka yoleyo. “Yi nga ka yi nga endlakali,” ku vula Yehovha.