Eksoda 32:10 - Xitsonga (Bibele)

¹⁰ Ndzi tshike sweswi, ndzi va karihela, ndzi va heta; kambe wena ndzi ta ku endla tiko lerikulu.”

BIBELE Mahungu Lamanene

¹⁰ sweswi, ndzi tshike ndzi pfurhisa vukari bya mina ehenhla ka vona, ndzi va herisa; kambe wena, ndzi ta ku endla tiko lerikulu.”

Eksoda 32:10 Referans Kwoze

Duteronoma 9:14

Ndzi tshike, ndzi va heta, ndzi ta hlangula vito ra vona ehansi ka tilo, kambe ndzi ta endla ha wena tiko leri nga ni matimba ni vanhu ku tlurisa leri.’

Tinhlayo 14:12

Ndzi ta ri ba hi ntungu ndzi ri heta, kutani ndzi ta endla ha wena tiko lerikulu, leri nga ni matimba ku tlula rona!”

Duteronoma 9:19

Hikuva a ndzi chavisiwa ngopfu hi vukari lebyi chavisaka bya Yehovha, lebyi a mi kariheleke ha byona ku mi heta. Kambe Yehovha u ndzi yingisile kambe enkarhini wolowo.

Tinhlayo 16:22

Kavaloko va wa ehansi hi mimombo, va ku: “Oho! Xikwembu, Xikwembu xa mimoya ya tinyama hinkwato! Munhu un'we u dyohile, kambe u karihela nhlengeletano hinkwayo!”

Eksoda 32:19

Kuteloko a tshinelela mixaxa, a vona rhole ni lava cinaka. Kavaloko Muxe a kariha, a cukumeta maribye emavokweni ya yena, ma fayeka ehansi ka ntshava.

Eksoda 32:11

Kambe Muxe a khongela Yehovha, Xikwembu xa yena, a ku: “Oho Yehovha! U ri karihela yini tiko leri u ri humeseke eEgipta hi matimba lamakulu?

Eksoda 22:24

vasati va n'wina va ta va tinoni, ni vana va n'wina va ta va swisiwana.

Yakobo 5:16

Byelanani ku dyoha ka n'wina, kutani mi khongelelana leswaku mi ta hola; hikuva ku khongela ka la lulameke, loku endliwaka hi ku hiteka, ku ni matimba lamakulu.

Yeremiya 15:1

Kambe Yehovha a ku eka mina: “Hambiloko Muxe na Samiele va nga yima emahlweni ka mina, mbilu ya mina a yi nga tlheri eka tiko leri. U ri hlongola emahlweni ka mina, ri suka.

Yeremiya 14:11

Kambe Yehovha a ku eka mina: “U nga tshuki u khongelela tiko leri ni ku ri lavela vunene.

Eksoda 33:3

ndzi mi nghenisa etikweni leri pfelelaka ntswamba ni vulombe, hikuva ndzi nga ka ndzi nga fambi exikarhi ka n'wina mi nga tiko leri tinonon'hwisaka tinhamu, ndzi nga ti tshuka ndzi mi dlaya endleleni.”

Tinhlayo 16:21

“Hambanani ni nhlengeletano leyi, ndzi ta va hisa kan'we.”

Pisalema 106:23

Xi vurile leswaku xi ta va herisa, Kambe Muxe, muhlawuriwa wa yena, a va lamulela, Leswaku vukari bya xona byi miyela, va nga ti herisiwa.

Yeremiya 7:16

“Loko u ri wena, u nga tshuki u khongelela tiko leri, kambe u nga tshuki u tlakusa rito, ni loko yi ri mikhongelo hikwalaho ka vona, kambe u nga tshuki u ndzi sindzisa hikuva ndzi nga ka ndzi nga ku yingisi.

Yeremiya 11:14

Loko u ri wena, u nga tshuki u khongelela tiko leri, kambe u nga tshuki u tlakusa ku huwelela ni loko xi ri xikhongelo, hikuva siku va vitanaka eka mina hikwalaho ka khombo ra vona, ndzi nga ka ndzi nga va yingisi.

Ezekiele 20:13

Kambe va yindlu ya Israele va hundzukile mananga eka mina; a va fambangi hi ku lerisa ka mina, va cukumete milawu ya mina leyi munhu la endlaka ha yona a nga hanyaka ha yona, va nyamise ngopfu Tisavata ta mina, kutani ndzi ku ndzi ta chela vukari bya mina ehenhla ka vona emananga ku va heta.

Genesa 12:2

Ndzi ta ku endla tiko lerikulu; ndzi ku katekisa, ndzi kurisa vito ra wena, u va xihlovo xa mikateko.