Eksoda 31:15 - Xitsonga (Bibele)

¹⁵ Ku ta tirhiwa hi masiku ya ntlhanu na rin'we, kutani ra ntlhanu na mambirhi ri ta va ra Savata, ra ku wisa, leri hlawuleriweke Yehovha. Mani na mani la tirhaka hi siku ra ku wisa, u ta dlawa.

BIBELE Mahungu Lamanene

¹⁵ Ku ta tirhiwa hi masiku ya 6, kambe siku ra vu-7 i siku ra ku wisa ra Savata, leri hlawuleriweke HOSI Xikwembu; un'wana ni un'wana loyi a nga ta tirha hi siku leri ra Savata, ú ta dlayiwa.

Eksoda 31:15 Referans Kwoze

Genesa 2:2

Kutani hi siku ra ntlhanu na mambirhi, Xikwembu xi heta ntirho hinkwawo lowu xi nga wu endla; kutani hi siku ra ntlhanu na mambirhi, xi wisa entirhweni hinkwawo lowu xi wu endleke.

Levhitika 23:3

“ ‘Ku ta tirhiwa hi masiku ya ntlhanu na rin'we; kambe siku ra ntlhanu na mambirhi, i Savata, siku ra ku wisa leri nga ni nhlengeletano leyi hlawuriweke; mi nga tshuki mi tirha ntirho ni wun'we; i ku wisa loku hlawuleriweke Yehovha emitini hinkwayo ya n'wina.

Eksoda 16:23

Kutani Muxe a ku eka vona: “Hi yona mhaka leyi lerisiweke hi Yehovha. Mundzuku i siku ra ku wisa, i Savata leri hlawuleriweke Yehovha; leswi mi swi swekaka, swekani namuntlha, mi oxa leswi oxiwaka, kutani hinkwaswo leswi salaka, mi swi hlayisela mundzuku.”

Eksoda 34:21

“U ta tirha hi masiku ya ntlhanu na rin'we, kutani u wisa hi siku ra ntlhanu na mambirhi; u ta wisisa sweswo, hambi ku ri loko ku rimiwa, hambiloko ku tshoveriwa.

Luka 23:56

Kutani va tlhelela ekaya, va ya lunghisa mirhi ya risuna; kambe hi siku ra Savata, va wisa hi nawu.

Luka 13:14

Kambe hosi ya sinagoga yi hlunama, hikuva Yesu a a hanyisile munhu hi Savata, kutani yi byela vanhu, yi ku: “Ku ni masiku ya ntlhanu na rin'we, lawa ku fanelaka ku tirhiwa ha wona, tanani ha wona ku ta horisiwa, ku nga ri hi siku ra Savata.”

Eksoda 35:2

Ku ta tirhiwa masiku ya ntlhanu na rin'we, kambe siku ra ntlhanu na mambirhi, ri ta va leri hlawuriweke, i Savata leyi hlawuleriweke Yehovha. Mani na mani la tirhaka ntirho hi siku lero, u ta dlawa.

Eksoda 31:17

I xikombiso lexi nga heriki xikarhi ka mina ni vana va Israele, hikuva hi masiku ya ntlhanu na rin'we, Yehovha u endlile matilo ni misava, kutani hi siku ra ntlhanu na mambirhi u tshike ntirho, a wisa.’ ”

Vaheveru 4:9

Loko swi ri tano, ku wisa ka ha ri kona loku siyeriweke vanhu va Xikwembu.

Ezekiele 46:1

“Hosi Yehovha u ri: Nyangwa ya rivala ra le xikarhi, leyi langutaka tlhelo ra vuxa, yi ta pfariwa hi masiku ya ntlhanu na rin'we ya mitirho. Kambe hi siku ra Savata yi ta pfuriwa ni siku ra n'weti loko wu tshamisa.

Levhitika 23:32

Ri ta va Savata eka n'wina ni siku ra ku wisa, mi ta titsongahata emimoyeni ya n'wina; ku suka nimadyambu ya siku ra ntlhanu na mune, ku fika nimadyambu ya siku leri tlhandlamaka, mi ta hlayisa Savata ra n'wina.”

Eksoda 31:14

Mi ta hlayisa Savata, hikuva eka n'wina i siku leri hlawuriweke. Loyi a nga ri hlayisiki u ta dlawa; hikuva kungakuloko un'wana a tirha ntirho hi siku lero, u ta humesiwa exikarhi ka varikwavo.

Eksoda 16:26

Mi ta tihlengeletela swona hi masiku ya ntlhanu na rin'we, kambe hi siku ra ntlhanu na mambirhi i Savata, swi nga ka swi nga vi kona.”

Eksoda 23:12

“U ta tirha ntirho wa wena hi masiku ya ntlhanu na rin'we, kambe u ta wisa hi siku ra vuntlhanu na mambirhi leswaku homu ya wena ni mbhongolo ya wena swi wisa na swona ni leswaku n'wana wa khumbi ra wena ni wamatiko va wisa na vona.

Eksoda 31:16

Vana va Israele va ta hlayisa Savata, va ri hlawula etinxakeni hinkwato ta vona, wu va ntwanano wa masiku hinkwawo.

Eksoda 35:3

Mi nga tshuki mi tshivela ndzilo etindlwini hinkwato ta n'wina hi siku ra Savata.”

Levhitika 16:29

“Hi wona nawu lowu nga heriki eka n'wina; hi n'hweti ya ntlhanu na timbirhi, hi siku ra khume ra n'hweti, mi ta va ni nhlomulo etimbilwini ta n'wina, mi nga endli ntirho ni wun'we hambi a ri warikwenu, hambi a ri wa matiko la akeke exikarhi ka n'wina.

Duteronoma 5:12

“ ‘Anakanya siku ra ku wisa ku ri hlawula, hilaha Yehovha Xikwembu xa wena, xi ku leriseke hakona.