Eksoda 30:8 - Xitsonga (Bibele)

⁸ nimadyambu, kakuloko a lumeka timboningo, u ta hisa mirhi ya risuna; yi va mirhi ya risuna leyi nga heriki emahlweni ka Yehovha etinxakeni ta n'wina.

BIBELE Mahungu Lamanene

⁸ Ú ta tlhela a hisa swinun'hweriso leswi namadyambu, enkarhini lowu a lumekaka timboni ha wona; vatukulu va n'wina hinkwavo na vona va ta humesa magandzelo lawa ya mirhi ya risuna emahlweni ka mina HOSI, hilaha ku nga heriki.

Eksoda 30:8 Referans Kwoze

Vaheveru 9:24

Hikuva Kriste a nga nghenanga evukwetsimelweni lebyi nga endliwa hi mavoko, lexi nga xifaniso xa lebyinene, kambe u nghenile etilweni ra xiviri, ku ya humelela emikarhini leyi emahlweni ka Xikwembu hikwalaho ka hina;

Vaheveru 7:25

Hikwalaho, naswona, a swi kota ku ponisa, hi ku hetisisa lava tshinelelaka Xikwembu ha yena, hikuva u karhi wa hanya hi masiku ku va khongelela.

1 Vatesalonika 5:17

Mi nga rhuteli ku khongela.

Varhoma 8:34

Kriste, loyi a feke, a engeta a pfuka, hi yena la nga evokweni ra xinene ra Xikwembu; hi yena kambe la hi khongelelaka.

Eksoda 12:6

Mi ta xi hlayisa ku fika siku ra vukhume na mune ra n'hweti leyi; xi ta tlhaviwa nimadyambu hi nhlengeletano hinkwayo ya Israele.

Eksoda 27:21

Aroni ni vana va yena va ta ti lunghisa eTabernakeleni, ehandle ka nguvu leyi nga emahlweni ka vumbhoni, leswaku ti voninga emahlweni ka Yehovha, ku sungula nimadyambu, ku fika nimixo. I ku lerisa loku nga heriki etinxakeni ta vana va Israele.”

Eksoda 30:7

Aroni u ta hisela ka yona mirhi ya risuna hi masiku hinkwawo, nimixo loko a lunghisa timboningo;

Eksoda 30:9

Mi nga tshuki mi hisela kona mirhi ya rixaka rin'wana, kumbe magandzelo, kumbe ku nyika kun'wana, hambi ku ri ku chela xilo xin'wana kona.

1 SAMIELE 2:28

Ndzi n'wi hlawurile xikarhi ka tinxaka hinkwato ta Israele leswaku a va muprista wa mina, ni ku gandzela ealitarini ya mina, ni ku hisa mirhi ya risuna, ni ku ambala efodi emahlweni ka mina; kambe ndzi nyikile yindlu ya tata wa wena magandzelo hinkwawo lama hisiwaka ya vana va Israele.

2 TIKRONIKA 26:18

kutani va arisa hosi Uziya, va ku eka yena: “A hi ntirho wa wena, Uziya, ku hisela Yehovha mirhi ya risuna! I ntirho wa vaprista, vana va Aroni, lava hlawuriweke ku hisa mirhi ya risuna. Huma evukwetsimelweni, hikuva u dyohile! Kutani ku nga ka ku nga vi ku dzuniseni ka wena emahlweni ka Yehovha Xikwembu.”

Pisalema 141:2

Xikhongelo xa mina a xi tlhandlukele eka wena tani hi mirhi ya risuna, Ni ku tlakuka ka mavoko ya mina a ku fane ni gandzelo ra madyambu!

Eksoda 25:37

U ta yi endlela mavoningo ya ntlhanu na mambirhi; kutani va ta tlhoma mavoningo ehenhla ka yona, ma ta voningela tlhelo ra le mahlweni ra kandelari.