Eksoda 30:35 - Xitsonga (Bibele)

³⁵ u swi endla mirhi ya risuna hi mukhuva wa mupfanganisi wa leswo nun'hwela, swi lungiwa, swi va leswi sasekeke, leswi hlawuriweke.

BIBELE Mahungu Lamanene

³⁵ Mi ta hlanganisa swinun'hweriso leswi, mi endla murhi wa risuna, hi mukhuva lowu muendli wa mirhi leyo nun'hwerisa a pfanganyisaka ha wona; murhi wa kona mi wu chela munyu, wu tenga, wu va lowu hlawulekeke.

Eksoda 30:35 Referans Kwoze

Levhitika 2:13

U ta lunga hi munyu mihlengo hinkwayo ya wena; munyu wa ntwanano wa Xikwembu xa wena wu nga tshuki wu pfumaleka enhlengweni wa wena: u ta lunga hi munyu mihlengo hinkwayo ya wena.

Eksoda 30:25

U ta endla ha swona mafurha ya ku tola loku hlawuriweke, u swi hlanganisa hi mukhuva lowu va hlanganisaka ha wona swa risuna, ma ta va mafurha ya xitolelo lexi hlawuriweke.

Yohane 12:3

Kutani Mariya a teka mafurha yo nun'hwela ya narda leyi tengeke, ya nxavo wa nkoka, a tota milenge ya Yesu, kutani a n'wi sula milenge hi misisi ya yena; yindlu yi tala hi ku nun'hwela ka mafurha.

Risimu ra Tinsimu 3:6

I mani loyi a humelelaka emananga Ku fana ni hunguva ya musi, La nun'hwelaka hi mirha ni mirhi ya risuna, Ni maakha hinkwawo ya vaxavisi xana?

Risimu ra Tinsimu 1:3

Maakha ya wena ya ni risuna leri nun'hwelaka; Vito ra wena ri fana ni mafurha lama chuluriweke; Hikwalaho vanhwanyana va ku rhandza.

Swivuriso 27:9

Mafurha, ni leswi nun'hwelaka ku nandziha, swi tsakisa mbilu; Hi sweswo, ku lerisa loku humaka embilwini ya nakulobye, ka nandziha.

Eksoda 30:34

Yehovha a engeta, a ku eka Muxe: “U ta teka mirhi ya risuna, sitakita, ni galibanumi, ni leswi nun'hwelaka ngopfu, u ta ringanisa hinkwaswo hi mpimo wu ri wun'we;

Eksoda 30:36

U ta swi sila, kutani u swi veka emahlweni ka vumbhoni, endlwini ya nhlengeletano laha ndzi nga ta hlengeletana na wena kona. Xi ta va eka n'wina xilo lexi hlawuriweke ngopfu.

Eksoda 28:41

U ta ambexa Aroni, makwenu, ni vana va yena, u va chela mafurha u va hlawula, leswaku va va entirhweni wa vuprista emahlweni ka mina.

Levhitika 16:12

Kutani u ta teka nhlambeto leyi teleke hi makala lama vombeke lama humaka ealitarini, emahlweni ka Yehovha, ni swandla swimbirhi swa mapa ya mirhi ya risuna: u ta tisa swilo leswi endzeni ka nguvu ya xisirhelo,

1 TIHOSI 1:39

Kutani Sadoki muprista, a teka eTabernakeleni ya Yehovha rimhondzo ra mafurha, a chela Solomoni; kavaloko va yimba tinanga, kutani tiko hinkwaro ri ku: “A ku hanye hosi Solomoni!”

1 TIKRONIKA 9:30

Lava hlanganisaka mirhi ya risuna, a va ri vana va vaprista.

Pisalema 133:2

Swi fana ni mafurha ya risuna lama cheriwaka enhlokweni, Ma xiririka emalebvini ya Aroni, Ma xiririka ku yisa emakumu ka nguvu ya yena.