Eksoda 30:23 - Xitsonga (Bibele)

²³ “U ta teka mirhi ya risuna leyo saseka, yi ri mirha yo saseka, ku tika kantlhanu wa madzana ya tixikele, ni sinamoni, u ta teka hafu, hileswaku tixikele ta 250, ni rihlanga leri nun'hwelaka, tixikele ta 250;

BIBELE Mahungu Lamanene

²³ “Teka mirhi leyo saseka swinene yo nun'hwerisa ha yona: Mafi ya murhi wa ‘mirha’ ya 6 kg, ni murhi lowo nun'hwela wa ‘sinamoni’ wa 3 kg, ni mafi ya tinhlanga ya 3 kg,

Eksoda 30:23 Referans Kwoze

Ezekiele 27:19

Vedani na Yavhani a va famba va tisa xuma eswitolweni swa wena; ti ri tinsimbhi leti furiweke, ni kasiya, ni rihlanga ra risuna, va swi veka emixabyeni ya wena.

Risimu ra Tinsimu 4:14

Narda ni safroni, ni rihlanga, ni sinamoni, Ni mirhi hinkwayo leyi nun'hwelaka; Mirha ni mhangana, ni hinkwaswo leswa risuna.

Ezekiele 27:22

Vabindzuri va le Xeba na Rhama, a va bindzula na wena; va veka eswitolweni swa wena swinun'hwelo hinkwaswo leswo nun'hwela, ni maribye hinkwawo layo saseka, ni nsuku.

Yeremiya 6:20

Mirhi ya risuna leyi humaka eXeba yi nga va yini ka mina ni rihlanga leri nun'hwelaka ra matiko ya le kule, ndzi nga ri endla yini? Tiholokosta ta n'wina a ti ndzi tsakisi, ni magandzelo ya n'wina a ma ndzi nandziheri.”

Risimu ra Tinsimu 1:13

Murhandziwa wa mina u le ka mina ku fana ni nyandza ya mirhi, Leyi tshamaka exifuveni xa mina.

Risimu ra Tinsimu 1:3

Maakha ya wena ya ni risuna leri nun'hwelaka; Vito ra wena ri fana ni mafurha lama chuluriweke; Hikwalaho vanhwanyana va ku rhandza.

Swivuriso 7:17

Ndzi nun'hwerisile masangu hi murhi wa mirha, Ni mhangana ni sinamoni.

Pisalema 45:8

Mirha, ni mhangani, ni kasiya swi le tingubyini ta wena hinkwato; Etindlwini ta ndlopfu, ku yimba ka magubu ku ku tsakisa.

Eksoda 37:29

A endla na wona mafurha yo hlawuleka ya ku tola, ni murhi wa risuna lowu tengeke a swi endla hi mukhuva wa lava tlhariheke ha swona.

Eksoda 25:6

ni mafurha ya rivoni, ni mirhi ya risuna ku hlanganisa ni mafurha yo tola, ni ya magandzelo ya risuna;

Eksoda 30:22

Yehovha a engeta a byela Muxe, a ku:

Eksoda 30:24

ni tixikele ta ntlhanu wa madzana ya kasiya, hi mpimo wa xikele ya vukwetsimelo, ni mpimo wa hini wa mafurha ya mitlhwari.

Eksoda 31:11

ni mafurha ya ku tola, ni mirhi ya risuna ya vukwetsimelo. Va ta endla hinkwaswo hilaha ndzi ku leriseke hakona.”

Eksoda 35:28

ni mirhi ya risuna, ni mafurha ya rivoni ni mafurha ya ku tola, ni ya mirhi ya risuna leyi hisiwaka.

1 SAMIELE 10:1

Kutani Samiele a teka rimhondzo ra mafurha, a ri chela enhlokweni ya Sawulo, kutani a n'wi ntswontswa a ku: “Xana Yehovha a nga ku chelanga hi mafurha leswaku u va hosi ehenhla ka ndzhaka ya yena xana?

1 TIHOSI 1:39

Kutani Sadoki muprista, a teka eTabernakeleni ya Yehovha rimhondzo ra mafurha, a chela Solomoni; kavaloko va yimba tinanga, kutani tiko hinkwaro ri ku: “A ku hanye hosi Solomoni!”

1 TIKRONIKA 9:30

Lava hlanganisaka mirhi ya risuna, a va ri vana va vaprista.

Esaya 43:24

A ku ndzi xavelangi maakha hi mali, a ku ndzi xurhisanga hi mafurha ya timhamba ta wena, kambe u ndzi xanisile hi swidyoho swa wena, u ndzi karhatile hi ku biha ka wena.

Tinhlayo 4:16

“Eliyazara, n'wana Aroni, muprista, u ta va mulanguteri wa mafurha ya rivoni, ni wa mirhi ya risuna, ni wa mhamba ya masiku, ni wa mafurha ya xitolelo; u ta langutela Yindlu hinkwayo ni hinkwaswo swa yona, ni swa vukwetsimelo, ni mitirho ya byona.”

1 TIKRONIKA 9:29

Van'wana va vekiwile ku hlayisa swibya swin'wana ni swingolongondzwana hinkwaswo leswi hlawuriweke, ni mapa ya ku saseka ni vhinyo, ni mafurha ni mirhi ya risuna.