Eksoda 30:17 - Xitsonga (Bibele)

¹⁷ Kutani Yehovha a vulavula na Muxe, a ku:

BIBELE Mahungu Lamanene

¹⁷ Kutani HOSI Xikwembu xi ku ka Muxe:

Eksoda 30:17 Referans Kwoze

Eksoda 30:16

U ta teka mali ya ku tikutsula, leyi humesiwaka hi vana va Israele, u ta tirha ha yona ntirho wa yindlu ya nhlengeletano; xi ta va xitsundzuxo eka vana va Israele emahlweni ka Yehovha, ku endla mhamba yo kutsula vutomi bya n'wina.”

Eksoda 30:18

“U ta endla nkamba hi koporo, lowu nga ni tshako ra koporo, ku hlamba eka wona; u ta wu veka exikarhi ka yindlu ya nhlengeletano ni alitari, kutani u ta chela mati ka wona,

2 TIKRONIKA 4:6

A endla ni mikamba ya khume; a veka ntlhanu wa yona tlhelo ra xinene, ni ntlhanu tlhelo ra ximatsi; a va hlantswa kona mitirho ya holokosta; rona lwandle ri pfuna vaprista ku hlamba kona.

Eksoda 38:1

Kutani a endla hi murhi wa munga alitari ya magandzelo lama hisiwaka, ku leha ka yona a swi ri swisungunhu swa ntlhanu, ni ku anama ka yona, swisungunhu swa ntlhanu; matlhelo ya yona ya mune a ma ringana; ku yima ka yona a swi ri swisungunhu swinharhu.

Eksoda 38:8

Kutani a endla nkamba hi koporo ni xikhato xa wona hi koporo, a endla ntirho lowo hi swivonivoni swa vavasati lava hlengeletanaka enyangweni ya tabernakela ya nhlengeletano.

1 TIHOSI 7:23

Kutani a chulula lwandle ra koporo, xi ri xirhendzevutana ematlhelweni hinkwawo; ku suka etlhelo rin'wana ku fika etlhelo rin'wana a swi ri swisungunhu swa khume, ni ku enta ka rona swisungunhu swa ntlhanu ngoti ya swisungunhu swa makume manharhu a yi ringana ku ri rhendzela hinkwaro.

1 TIHOSI 7:38

Kutani a endla mikamba ya khume ya koporo; nkamba wun'wana ni wun'wana a wu enela tibati ta mune wa makume; nkamba wun'wana ni wun'wana a wu ri wa mune wa swisungunhu; nkamba wun'wana ni wun'wana a wu ri exitikirhetweni, ku eneta swikhato swa khume.