Eksoda 3:22 - Xitsonga (Bibele)

²² kambe wansati un'wana ni un'wana u ta kombela eka loyi a akeke na yena, ni le ka loyi a tshameke endlwini ya yena mitirho ya silivhere ni ya nsuku ni tinguvu; mi ta ambexa vana va n'wina ha tona; mi ta phangisa sweswo Vaegipta.”

BIBELE Mahungu Lamanene

²² Wansati un'wana ni un'wana wa Muisraele ú ta ya a ya kombela swo bomba ha swona swa silivhere ni nsuku, ni swiambalo, eka wansati wa Muegipta la akeke kusuhi na yena ni ka lava luveleke emutini wa kona, kutani mi ta ambexa vana va n'wina va majaha ni vanhwana. Hi ndlela leyi, mi ta tekela Vaegipta swilo swa vona.”

Eksoda 3:22 Referans Kwoze

Ezekiele 39:10

Va nga ka va nga lavi tihunyi enhoveni, hambi ku ri ku ti tsema eswihlahleni, hikuva va ta tshivela ndzilo hi matlhari. Va ta phanga lava ingi va va phanga, va ta hlasela lava ingi va va hlasela.

Pisalema 105:37

Kutani a humesa Vaisraele va tekile silivhere ni nsuku, Ku nga ri na munhu la tsekatsekaka etinxakeni ta vona.

Eksoda 11:2

Byela vanhu va tiko leswaku wanuna un'wana ni un'wana, ni wansati un'wana ni un'wana a kombela eka loyi a akeke na yena swibya swa silivhere ni swa nsuku.”

Esaya 33:1

U ni khombo wena muonhi la nga siki onhiwaka! Wena muyivi, ku nga siki yiviwaka swa wena! Kutakuloko u hetile ku onha, u ta onhiwa, loko u hetile ku yiva, ku ta yiviwa swa wena.

Swivuriso 13:22

Munhu lonene u siyela vatukulu ndzhaka, Kambe rifuwo ra mudyohi ri siyeriwa la lulameke.

Genesa 15:14

Kambe ndzi ta avanyisa tiko leri va nga ta fumiwa hi rona, kutani ndzhaku va ta huma kona va fuwe ngopfu.

Genesa 24:53

Kutani nandza a humesa xuma xa silivhere ni xa nsuku, ni tinguvu, a nyika Rhaveka; ni makwavo wa yena, ni mana wa yena, a va nyika xuma xa risima.