Eksoda 3:13 - Xitsonga (Bibele)

¹³ Kutani Muxe a ku eka Xikwembu: “Waswivo, loko ndzi ta famba eka vana va Israele, ndzi va byela, ndzi ku: ‘Xikwembu xa vatata wa n'wina xi ndzi rhumile eka n'wina,’ vona va ku eka mina: ‘Vito ra xona i mani?’ ndzi ta ku yini eka vona?”

BIBELE Mahungu Lamanene

¹³ Kavaloko Muxe a ku ka Xikwembu: “Loko ndzi fika eka vanhu va Israele, ndzi ku ka vona: ‘Xikwembu xa vatata wa n'wina xi ndzi rhumile eka n'wina’, kutani va ndzi vutisa va ku: ‘Vito ra xona i mani ke?’ xana ndzi ta va hlamula yini xana?”

Eksoda 3:13 Referans Kwoze

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Matewu 1:21

U ta veleka wandzisanyana, kutani u ta n'wi thya vito ra Yesu (hileswaku Muponisi), hikuva hi yena la nga ta ponisa tiko ra yena eku biheni ka rona.”

Yeremiya 23:6

Emikarhini ya yena, Yuda u ta hanya, Israele a tiakela eku tsakeni kutani hi rona vito lero va nga ta n'wi vitana ha rona: ‘Yehovha, ku lulama ka hina.’

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

Swivuriso 30:4

I mani la tlhandlukeleke etilweni a tlhela a xikela kona? I mani la fumbarheleke mheho hi swandla swa yena? La hlengeleteke mati hinkwawo engubyeni ya yena, i mani xana? I mani loyi a tumbuluxeke matlhelo hinkwawo ya misava? Vito ra yena i mani? I mani vito ra n'wana wa yena loko u n'wi tiva?

Eksoda 3:14

Xikwembu xi ku eka Muxe: “Hi mina Loyi a nga kona.” Kambe xi ku: “U ta vurisa sweswo eka vana va Israele, u ku: ‘Loyi a nga kona u ndzi rhumile eka n'wina.’ ”

Genesa 32:29

Yakobo a n'wi vutisa, a ku: “Ndzi byele vito ra wena”; kambe loyi a ku: “U ndzi vutisela yini vito ra mina?” Kutani a n'wi katekisa kona.

Matewu 1:23

“Maswivo, wanhwana u ta tika nyimba, u ta veleka n'wana wa wandzisanyana vito ra yena, u ta churiwa Emanuwele”; loko va hlamusela hileswaku: “Xikwembu xi na hina.”

Vaavanyisi 13:17

Kutani Manowaka a vutisa ntsumi, a ku: “Vito ra wena u mani xana, hi ta tiva ku ku dzunisa loko ku humelele lexi u xi vuleke?”

Vaavanyisi 13:6

Kutani wansati a ya byela nuna wa yena, a ku: “Ku tile eka mina wanuna wa Xikwembu, xivumbeko xa yena a xi fana ni xivumbeko xa ntsumi ya Xikwembu hi ku chavisa, a ndzi n'wi vutisanga laha a humaka kona, kambe a nga ndzi byelangi vito ra yena.

Eksoda 15:3

Yehovha i nhenha ya matimba, Vito ra yena i Yehovha.

Timhaka 3:13

Xikwembu xa Abrahama, ni xa Isaka, ni xa Yakobo, Xikwembu xa vatata wa hina, xi dzunisile nandza wa xona, Yesu loyi mi n'wi nyiketeke Pilato, mi n'wi landzula emahlweni ka yena, kasi yena a a n'wi avanyisela ku n'wi tshunxa.

Eksoda 3:12

Xikwembu xi ku: “Ndzi ta va na wena. Xikombiso xa leswaku hi mina la ku rhumaka, hi lexi: kutakuloko u humesile tiko ra mina eEgipta, mi ta tirhela Xikwembu entshaveni leyi.”

Eksoda 3:15

Xikwembu xi engeta xi ku eka Muxe: “U ta va byela, u ku: ‘Yehovha, Xikwembu xa vatata wa n'wina, Xikwembu xa Abrahama, Xikwembu xa Isaka, Xikwembu xa Yakobo, xi ndzi rhumile eka n'wina.’ Hi rona vito ra mina hilaha ku nga heriki; hi xona xitsundzuxo xa mina etinxakeni ta tinxaka.

Eksoda 7:16

u ta ku eka yena: ‘Yehovha Xikwembu xa Vaheveru u ndzi rhumile eka wena, a ku: Tshika tiko ra mina ri ya ndzi tirhela emananga. Kambe a ku ndzi yingisanga ku fika sweswi.’

Esaya 52:6

Hikwalaho, tiko ra mina ri ta tiva vito ra mina, ina, hi rona siku leri ri nga ta tiva ha rona leswaku hi mina la nge: Hi mina loyi!”