Eksoda 29:9 - Xitsonga (Bibele)

⁹ Kutani u ta tsimba Aroni ni vana va yena hi mavamba, u va vehela swihuku, kutani vuprista byi ta va bya vona hi masiku hinkwawo; i ku lerisa loku nga heriki. U ta hlawurisa sweswo Aroni ni vana va yena.

BIBELE Mahungu Lamanene

⁹ u va khama hi mavamba, u va boha swihuku leswitsongo etinhlokweni. Hi swona leswi u nga ta vekisa swona Aroni ni vana va yena, kutani ntirho wa vuprista wu ta va wa vona hi nawu hilaha ku nga heriki.

Eksoda 29:9 Referans Kwoze

Tinhlayo 18:7

Loko u ri wena ni vana va wena mi ta tirha mitirho ya vuprista bya n'wina bya hinkwaswo swa alitari, ni bya leswi nga emahlweni ka xisirhelo; mi ta tirha ntirho wa n'wina kona. Vuprista bya n'wina i ntirho, leyi nga nyiko ntsena, kutani wa le handle la nga ta tshinela u ta dlawa.”

Duteronoma 18:5

hikuva Yehovha, Xikwembu xa wena, u n'wi hlawurile exikarhi ka tinyimba hinkwato, ku yima emahlweni ka yena, ni ku tirha ntirho hi vito ra Yehovha, a ri yena ni vana va yena, hilaha ku nga heriki.

Tinhlayo 25:13

wu ta va eka yena ni ka vatukulu va yena ntwanano wa vuprista lowu nga heriki, hikuva u hisekele Xikwembu xa yena, kutani u endlele vana va Israele mhamba.”

Tinhlayo 16:40

leswaku ku nga tshuki ku va na munhu ni un'we la nga riki wa rixaka ra Aroni la tshinelaka ku humesa mirhi ya risuna emahlweni ka Yehovha, a nga tshuki a kotisa Kora ni vandla ra yena, hilaha Yehovha a n'wi byeleke hakona ha Muxe.

Tinhlayo 16:35

Kutani ndzilo wu huma eka Yehovha, wu heta vanhu va 250, lava humeseleke mirhi ya risuna.

Tinhlayo 16:10

U ku tshinetile eka yena, wena ni vamakwenu hinkwavo, vana va Levhi, kasi mi navela kambe vuprista!

Tinhlayo 3:10

U ta veka Aroni ni vana va yena leswaku va tirha ntirho wa vuprista, kambe wamatiko la nga ta tshinelela u ta dlawa.”

Levhitika 8:33

Hi masiku ya ntlhanu na mambirhi, mi nga tshuki mi huma enyangweni ya tabernakela ya nhlengeletano, ku ko ku hela masiku ya ku vekiwa ka n'wina; hikuva ku vekiwa ka n'wina ku ta endliwa hi masiku ya ntlhanu na mambirhi.

Eksoda 40:15

u va tota kukota tata wa vona, leswaku va tirha ntirho wa vuprista emahlweni ka mina; ku totiwa ka vona ku ta va veka vaprista hi masiku etinxakeni ta vona.”

Vaheveru 5:10

hikuva u vuriwile hi Xikwembu muprista lonkulu hi mukhuva wa Melkisedeke.

Eksoda 32:29

Kutani Muxe a ku: “Tihlawuleleni Yehovha sweswi, hikuva un'wana ni un'wana u lwile ni n'wana wa yena, kumbe ni makwavo, mi ta kuma hakona ku katekisiwa namuntlha.”

Eksoda 28:1

“U ta tshineta Aroni, makwenu, ni vana va yena, va ta hlawuriwa exikarhi ka vana va Israele leswaku va tirha ntirho wa vuprista emahlweni ka mina: U ta va yena Aroni, ni vana va yena, Nadabu, na Abihu, na Eliyazara, na Itamara.

Eksoda 27:21

Aroni ni vana va yena va ta ti lunghisa eTabernakeleni, ehandle ka nguvu leyi nga emahlweni ka vumbhoni, leswaku ti voninga emahlweni ka Yehovha, ku sungula nimadyambu, ku fika nimixo. I ku lerisa loku nga heriki etinxakeni ta vana va Israele.”

Levhitika 8:1

Yehovha a lerisa Muxe, a ku:

Levhitika 8:13

Kutani Muxe a vitana vana va Aroni, a va ambexa tinguvu, a va tsimba hi mavamba, a va bohelela swihuku, hilaha Yehovha a leriseke Muxe hakona.

1 SAMIELE 2:30

Hikwalaho-ke Yehovha, Xikwembu xa Israele, u vula sweswo, a ku: ‘A ndzi vurile leswaku yindlu ya wena ni yindlu ya tata wa wena yi ta famba emahlweni ka mina hilaha ku nga heriki,’ kambe sweswi, Yehovha u vurisa, a ku: ‘A swi ve kule na mina! Hikuva ndzi ta dzunisa lava ndzi dzunisaka, kambe lava ndzi sandzaka va ta tsongahatiwa.

Vaavanyisi 17:5

Hi mukhuva wolowo, wanuna yeloyi, Mika, a a ri ni yindlu ya swikwembu; a tiendlela ni efodi, ni titerafi, kutani a hlawula un'wana wa vana va yena, a n'wi endla muprista wa yena.