Eksoda 29:34 - Xitsonga (Bibele)

³⁴ Loko ku salela mundzuku nyama yin'wana ya ku hlawuriwa, ni xinkwa xa kona, u ta swi hisa; swi nga tshuki swi dyiwa, hikuva swi hlawuriwile.

BIBELE Mahungu Lamanene

³⁴ Loko, siku leri tlhandlamaka nimpundzu, ka ha sale nyama ya siku ra ku vekiwa ka vaprista, kumbe xinkwa xa kona, u ta swi hisa; swi nga tshuki swi dyiwa, hikuva swi hlawulekile.

Eksoda 29:34 Referans Kwoze

Levhitika 8:32

Leswi nga ta sala swa nyama ni swa swinkwa, mi ta swi hisa endzilweni.

Eksoda 12:10

Mi nga siyeli siku ra mundzuku nchumu; ni leswi nga ta sala nimixo, mi swi hisa endzilweni.

Levhitika 10:16

Muxe a vutisa leswi va swi endleke hi xiphongo xa gandzelo ra nandzu; kutani maswivo a xi hisiwile. Kavaloko a karihela Eliyazara na Itamara vana lava saleleke Aroni, a ku eka vona:

Eksoda 29:28

swi ta va swa Aroni ni vana va yena hi ku lerisa loku nga heriki exikarhi ka vana va Israele, hikuva i ku nyika loku pamburiweke eka vana va Israele loku va nga ta ku pambulela emagandzelweni ya vona ya ku khensa; i ku nyika ka vona loku pambuleriweke Yehovha.

Eksoda 29:26

“Kutani u ta teka xifuva xa nyimpfu ya ku hlawuleka ka Aroni u xi ndziwita kukota nyiko leyi ndziwitiweke emahlweni ka Yehovha; ku ta va ku averiwa ka wena.

Eksoda 29:22

“Kutani u ta teka mafurha ya nyimpfu, ni ncila, ni mafurha lama pambelaka marhumbu, ni mpambana wa xivindzi, ni tinswo timbirhi, ni mafurha ya tona, ni voko ra xinene, hikuva i nyimpfu leyi hlawulekeke;

Eksoda 16:19

Kutani Muxe a ku eka vona: “Ku nga vi na munhu la tivekelaka swa nimixo.”

Eksoda 23:18

“U nga tshuki u humesa ngati ya magandzelo ya mina swin'we ni vuswa lebyi nga ni comela, ni mafurha ya nkhuvo wa mina ma nga tshuki ma hlayiseriwa mundzuku.

Eksoda 34:25

“U nga tshuki u humesa ngati ya magandzelo ya mina yi ri ni vuswa lebyi nga ni comela. Gandzelo ra nkhuvo wa Paseka ri nga tshuki ri sala ri hundza vusiku ku fika nimixo.