Eksoda 29:28 - Xitsonga (Bibele)

²⁸ swi ta va swa Aroni ni vana va yena hi ku lerisa loku nga heriki exikarhi ka vana va Israele, hikuva i ku nyika loku pamburiweke eka vana va Israele loku va nga ta ku pambulela emagandzelweni ya vona ya ku khensa; i ku nyika ka vona loku pambuleriweke Yehovha.

BIBELE Mahungu Lamanene

²⁸ Aroni ni vana va yena va ta nyikiwa nyama leyi hi nawu lowu nga ta boha Vaisraele hilaha ku nga heriki, hikuva hi yona nyiko eka vaprista, leyi Vaisraele va nga ta yi pambula eka magandzelo ya vona ya xinakulobye; i mhamba ya vona leyi va yi humeselaka mina HOSI Xikwembu.

Eksoda 29:28 Referans Kwoze

Duteronoma 18:3

Hi swona leswi faneleke vaprista, swi ta huma eka tiko, ku ri ka lava humesaka magandzelo, hambi yi ri homu, hambi xi ri xinyimpfana: va ta nyika voko eka muprista, ni tinhlaya ni xihlakahla.

Tinhlayo 31:41

Kutani Muxe a nyika Eliyazara muprista, nhlengo lowu pambuleriweke Yehovha, hi laha Yehovha a leriseke Muxe hakona.

Tinhlayo 31:29

Mi ta swi pambula ehenhla ka hafu ya leswi va swi kumeke, kutani u ta swi nyika Eliyazara, muprista, wu va nhlengo lowu pambuleriweke Yehovha.

Tinhlayo 18:29

Eswilweni hinkwaswo leswi mi nga ta nyikiwa swona, mi ta pambula nhlengo hinkwawo wa Yehovha, eka swilo hinkwaswo leswo saseka, mi ta pambula nhlengo lowu hlawuriweke.’

Tinhlayo 18:24

Hikuva ku avanyisa ka vukhume loku vana va Israele va nga ta pambulela Yehovha, ndzi nyikile Valevhi, yi va ndzhaka ya vona; hikwalaho ndzi vurile leswaku va nga ka va nga vi na ndzhaka exikarhi ka vana va Israele.”

Levhitika 3:1

“ ‘Loko nhlengo wa munhu wu ri gandzelo ra ku khensa, ni loko a humesa xifuwo lexikulu, hambi xa xinuna, hambi xa ntswele, u ta xi humesa xi nga ri na xivati emahlweni ka Yehovha.

Eksoda 29:27

Kutani u ta hlawula xifuva lexi ndziwitiweke, ni voko leri tlakusiweke, hileswaku swa nyimpfu ya ku hlawuleka leswi nga ndziwitiwa, ni ku tlakusiwa, leswi nga swa Aroni ni vana va yena;

Eksoda 29:29

“Tinguvu ta Aroni leti hlawuriweke ti ta va ta vana va yena endzhaku ka yena leswaku va ti ambala siku va nga ta hlawuriwa ni ku totiwa.

Eksoda 28:2

“U ta endlela Aroni, makwenu, tinguvu leti hlawuriweke, leto kwetsima, ta vukulukumba.

Tinhlayo 5:9

Hinkwaswo leswi pamburiweke eka swilo leswi hlawuriweke, leswi vana va Israele va swi tisaka eka muprista, swi ta va swa yena.

Tinhlayo 5:10

Swilo leswi hlawuriweke swa un'wana ni un'wana swi ta va swa yena; leswi nyikiweke muprista, swi ta va swa yena.’ ”

Tinhlayo 6:20

Muprista u ta swi ndziwita emahlweni ka Yehovha; i xilo lexi hlawuriweke ngopfu, leswi nga swa muprista, ni xifuva lexi hlawuriweke, ni nenge lowu pamburiweke. Kutani Munaziri u ta tiva ku nwa vhinyo.

Tinhlayo 15:21

Etinxakeni ta tinxaka, mi ta pambulela Yehovha nhlengo lowu humaka eswirhanganeni swa mbila ya n'wina.

Tinhlayo 18:8

Yehovha a byela Aroni, a ku: “Vona, exikarhi ka swilo hinkwaswo leswi hlawuriweke swa vana va Israele, ndzi ku nyikile leswi va ndzi pambulelaka swona, ndzi ku nyika swona wena ni vana va wena, ku va ku averiwa ka wena hi ku lerisa loku nga heriki.

Tinhlayo 20:28

Kutani Muxe a hluvurisa Aroni tinguvu ta yena, a ti ambexa Eliyazara, n'wana wa yena. Kutani Aroni a fa kwalaho enhlohlorhini ya ntshava. Kutani Muxe na Eliyazara va ngirimela entshaveni.