Eksoda 29:20 - Xitsonga (Bibele)

²⁰ kutani u ri tlhava, u teka ngati yin'wana, u yi tota emakumu ka ndleve ya xinene ya Aroni, ni makumu ka ndleve ya xinene ya vana va yena, ni le nkudzwini ra nenge ra swinene ra vona, ni le nkudzwini ra nenge wa xinene wa vona; ngati yin'wana u yi chela ematlhelweni hinkwawo ya alitari.

BIBELE Mahungu Lamanene

²⁰ Kutani u ta ri tlhava, u teka ngatinyana, u tota Aroni ni vana va yena emakumu ka ndleve ya xinene, ni le khudzwini ra voko ra xinene, ni le khudzwini ra nenge wa xinene; ngati leyin'wana hinkwayo, u ta xuva ha yona alitari matlhelo hinkwawo.

Eksoda 29:20 Referans Kwoze

Esaya 50:5

Hosi Yehovha u ndzi pfule ndleve, kutani a ndzi alanga, a ndzi tlhelelanga endzhaku;

1 Petro 1:2

va nga lava hlawuriweke hi ku tiviwa emahlweni hi Xikwembu Tatana, va ri karhi va kwetsimisiwa hi Moya, leswaku va ta yingisa Yesu Kriste, ni ku xuviwa hi ngati ya yena: Tintswalo ni ku rhula a swi mi talele!

Vaheveru 12:24

ni le ka Yesu, mulamuri wa ntwanano lowuntshwa, ni le ka ngati leyi ku xuviwaka ha yona, leyi vulaka timhaka leti tlulaka ta ngati ya Avele hi ku saseka.

Vaheveru 10:22

a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

Marka 7:33

Kuteloko a n'wi humesile entshungwini, a n'wi tekela etlhelo, a nghenisa tintiho etindleveni ta yena, a tshwutela marhi a khumba ririmi ra yena ha wona,

Esaya 52:15

hi mukhuva wolowo u ta tsakisa ngopfu matiko ya ku tala; tihosi ti ta pfala milomu ya tona, hikuva ti ta vona leswi ti nga siki tivisiwaka swona, ti ta dyondza leswi ti nga siki yingisaka swona.

Levhitika 16:19

Kutani u ta xuva hi ngati hi ritiho kantlhanu ni kambirhi ealitarini, a yi basisa ni ku yi kwetsimisa hikwalaho ka swidyoho swa vana va Israele.

Levhitika 14:16

Kutani muprista u ta peta ritiho ra yena ra voko ra xinene emafurheni lama nga exandleni xa yena xa ximatsi, a xuva hi ritiho leri nga ni mafurha kantlhanu ni kambirhi, emahlweni ka Yehovha.

Levhitika 14:14

Muprista u ta teka ngati ya mhamba ya ku riha, a yi tota endleveni ya xinene ya la tibasisaka, ni le khudzwini ra voko ra xinene, ni le khudzwini ra nenge wa xinene wa yena.

Levhitika 14:7

Kutani u ta xuva ha yona kantlhanu ni kambirhi ehenhla ka loyi a faneleke ku basisiwa nhlokonho, u ta n'wi vula la tengeke, kutani a tshika nyanyana leyi hanyaka yi hahela emananga.

Levhitika 8:24

A vitana vana va Aroni, kutani Muxe a tota hi ngati timpewapewani ta tindleve ta xinene ta vona, ni le tikhudzwini ta mavoko ya xinene ya vona, ni le tikhudzwini ta milenge ya xinene ya vona, kutani Muxe a xuva hi ngati matlhelo hinkwawo ya alitari.

Eksoda 29:19

“U ta teka khuna ra vumbirhi, Aroni ni vana va yena va ta tlhandleka mavoko ya vona enhlokweni ya khuna,

Eksoda 29:21

U ta teka ngati leyi nga ealitarini ni mafurha ya ku tola, kutani u ta xuva Aroni ni tinguvu ta yena, ni vana va yena ni tinguvu ta vona; u ta va la hlawuriweke, ni vana va yena, ni tinguvu ta vona.

Levhitika 8:23

Va ri tlhava, kutani Muxe a teka ngati yin'wana ya rona, a tota ha yona ripewapewani ra ndleve ya xinene ya Aroni, ni le khudzwini ra voko ra xinene ra yena, ni le khudzwini ra nenge wa xinene wa yena.

Levhitika 14:17

Loko ma ri mafurha lama seleke exandleni xa yena muprista u ta ma tota endleveni ya xinene ya la tibasisaka ni le khudzwini ra voko ra xinene, ni le khudzwini ra nenge wa xinene wa yena, ehenhla ka ngati ya mhamba ya ku riha.

Levhitika 14:25

Kutani u ta tlhava xinyimpfana xa nandzu, muprista u ta teka ngati ya mhamba ya nandzu, a yi tota endleveni ya xinene ya la tibasisaka ni le khudzwini ra voko ra xinene, ni le khudzwini ra nenge wa xinene wa yena.

Levhitika 14:28

Kutani muprista u ta tota hi mafurha lama nga exandleni xa yena, ndleve ya xinene ya la tibasisaka, ni le khudzwini ra voko ra yena ra xinene, ni le khudzwini ra nenge wa yena wa xinene, laha a nga tota ngati ya mhamba ya ku riha kona.