Eksoda 29:17 - Xitsonga (Bibele)

¹⁷ Kutani u ta ri phatlula hi swirho swa rona, u hlantswa marhumbu ya rona ni masondzo ya rona, u swi veka eswirhweni ni le nhlokweni,

BIBELE Mahungu Lamanene

¹⁷ U ta tsemelela nyama ya khuna, u hlantswa swa le ndzeni ni manqina ya rona, u swi veka endhawini yin'we ni nyama ni nhloko ya rona.

Eksoda 29:17 Referans Kwoze

Matewu 23:26

We Mufarisi lowo fa mahlo, rhanga u hlantswa ndzheko ni nkambana endzeni ka swona, hi kona ni swa le handle swi nga ta basa.

Yeremiya 4:14

Yerusalema, tihlantswe ku biha ka mbilu ya wena, leswaku u ta ponisiwa; mianakanyo leyo biha yi ta tshama ku ri kungani embilwini ya wena xana?

Levhitika 9:14

A hlantswa marhumbu ni masondzo, a swi hisa ehenhla ka holokosta, ealitarini.

Levhitika 8:21

Va hlantswa marhumbu ni masondzo ematini, kutani Muxe a hisa khuna hinkwaro ealitarini; a yi ri holokosta ya ku nun'hwela ku saseka; a ri ri gandzelo leri hiseriwaka Yehovha, hilaha Yehovha a leriseke Muxe ha kona.

Levhitika 1:13

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Levhitika 1:9

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Eksoda 12:9

Mi nga tshuki mi dya yi nga vupfanga; mi nga yi sweki hi mati, kambe mi yi oxa endzilweni; nhloko ni milenge ni swa le ndzeni.

Eksoda 29:16

kutani u ri tlhava, u teka ngati ya rona, u yi chela ematlhelo hinkwawo ya alitari.

Eksoda 29:18

kutani u hisa khuna hinkwaro ealitarini; i gandzelo ra Yehovha leri nun'hwelaka swo nandziha; i gandzelo leri hiseriwaka Yehovha.