Eksoda 29:10 - Xitsonga (Bibele)

¹⁰ “Kutani u ta tshineta xinkuzana emahlweni ka Tabernakela ya nhlengeletano, kutani Aroni ni vana va yena va ta tlhandleka mavoko enhlokweni ya xona.

BIBELE Mahungu Lamanene

¹⁰ “Kutani u ta tisa xinkuzana emahlweni ka Ntsonga lowo Hlawuleka. Aroni ni vana va yena va ta tlhandleka mavoko enhlokweni ya xinkuzana lexi;

Eksoda 29:10 Referans Kwoze

Levhitika 8:14

A tshineta nkunzi ya gandzelo ra nandzu, Aroni ni vana va yena va tlhandleka mavoko enhlokweni ya nkunzi ya gandzelo ra nandzu.

Levhitika 1:4

U ta tlhandleka voko ra yena enhlokweni ya holokosta kutani yi ta amukeriwa; u ta endleriwa mhamba ha yona.

Eksoda 29:19

“U ta teka khuna ra vumbirhi, Aroni ni vana va yena va ta tlhandleka mavoko ya vona enhlokweni ya khuna,

Eksoda 29:15

“U ta teka khuna rin'wana, Aroni ni vana va yena va ta ri tlhandleka mavoko enhlokweni,

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

Esaya 53:6

Hinkwerhu a hi pepetseka tanihi tinyimpfu, a hi famba un'wana ni un'wana endleleni ya yena, kutani Yehovha u n'wi rhwexile ku dyoha ka hina hinkwerhu.

Levhitika 16:21

Aroni u ta tlhandlekela mavoko ya yena enhlokweni ya xiphongo lexi hanyaka, kutani u ta vula ehenhla ka xona ku dyoha hinkwako ka vana va Israele, ni milandzu hinkwayo ya vona, hambi swi ri swidyoho swihi ni swihi a swi veka enhlokweni ya xiphongo kutani xi ta yisiwa emananga hi munhu la hlawuleriweke ntirho lowo.

Levhitika 8:18

Kavaloko a tshineta khuna ra holokosta; kutani Aroni ni vana va yena va tlhandleka mavoko enhlokweni ya khuna.

Levhitika 3:2

U ta tlhandleka voko ra yena enhlokweni ya nhlengo wa yena; va ta tlhava xifuwo enyangweni ya Tabernakela ya nhlengeletano, kutani vaprista, vana va Aroni va ta halatela ngati ealitarini, ematlhelweni hinkwawo.

Eksoda 29:11

Kutani u ta xi tlhava emahlweni ka Yehovha enyangweni ya Tabernakela ya nhlengeletano.

Tinhlayo 8:12

Valevhi va ta tlhandleka mavoko ya vona etinhlokweni ta tinkunzi kutani u ta endla hi yin'wana gandzelo ra xidyoho, hi yin'wana u endla holokosta eka Yehovha, leswaku Valevhi va ta phahleriwa mhamba.

Ezekiele 43:23

“Kutakuloko u hetile ku susa nandzu, u ta humesa nkuzana leyi pfumalaka xivati, ni khuna leri pfumalaka xivati ra ntlhambi.

Levhitika 4:4

U ta tisa nkunzi enyangweni ya tabernakela ya nhlengeletano, emahlweni ka Yehovha; u ta tlhandleka voko ra yena enhlokweni ya nkunzi, kutani va ta yi tlhava emahlweni ka Yehovha.