Eksoda 29:1 - Xitsonga (Bibele)

¹ “Kutakuloko u va hlawula leswaku va endla vuprista emahlweni ka mina, u ta endla hi mukhuva lowo:

BIBELE Mahungu Lamanene

¹ “Leswi u nga ta swi endla eka Aroni ni vana va yena loko u va hlawulekisa leswaku va va vaprista va ndzi tirhela, hi leswi: U ta lava xinkuzana ni makhuna mambirhi ya tinyimpfu lama nga solekiki.

Eksoda 29:1 Referans Kwoze

1 Petro 1:19

ku nga ri hi leswi bolaka, hi silivhere, kumbe nsuku, kambe ku va hi ngati leyi pfumariwaka ya xinyimpfana, lexi nga riki na xivati ni xisandzu, a nga Kriste;

Vaheveru 7:26

Hikuva a hi faneriwa hi muprista lonkulu lowo tano, la hlawuriweke, la nga riki na leswo biha, ni loko xi ri xivati, la tihlawuleke eka vadyohi, a nga ehenhla ka matilo,

Eksoda 12:5

Xi va xinyimpfana lexi nga riki na vulema, xa khuna, xa lembe rin'we; mi ta xi hlawula exikarhi ka tinyimpfu ni timbuti.

Matewu 6:9

“N'wina khongerisani xisweswo: ‘Tata wa hina la nga ematilweni, vito ra wena a ri hlawuriwe,

2 TIKRONIKA 13:9

Xana a mi hlongolanga vaprista va Yehovha, vana va Aroni ni Valevhi xana? Kutani mi tivekele vaprista kukotisa matiko man'wana. Mani na mani la taka ku hlawuleriwa, a ri ni nkunzi ni makhuna ya ntlhanu na mambirhi u vekiwa muprista wa lexi nga riki xikwembu.

Levhitika 22:20

Mi nga tshuki mi humesa lexi nga ni xivati, hikuva gandzelo leri, a ri nga ta amukeriwa.

Levhitika 16:3

“Aroni u ta nghena evukwetsimelweni hi mukhuva wolowo: u ta teka nkunzi ya gandzelo ra xidyoho, ni khuna ra holokosta.

Levhitika 9:2

a ku eka Aroni: “Teka xinkuzana xa gandzelo ra nandzu, ni khuna ra holokosta, swi nga ri na xivati, u swi tlhavela Yehovha.

Levhitika 6:6

U ta yisa eka muprista mhamba ya yena ya ku rihela Yehovha, ri nga khuna leri nga riki na xivati, leri hlawuriweke entlhambini, leri u ri ringaniseke.

Levhitika 4:3

Loko a ri muprista la kwetsimisiweke hi mafurha loyi a dyoheke, a tisele tiko nandzu hikwalaho ka xidyoho lexi a xi endleke, u ta humesela Yehovha nkunzi leyi nga riki na xivati, ri va gandzelo ra nandzu.

Eksoda 29:21

U ta teka ngati leyi nga ealitarini ni mafurha ya ku tola, kutani u ta xuva Aroni ni tinguvu ta yena, ni vana va yena ni tinguvu ta vona; u ta va la hlawuriweke, ni vana va yena, ni tinguvu ta vona.

Eksoda 28:3

U ta vulavula ni vanhu hinkwavo va vutlhari lava ndzi va nyikeke moya wa vutlhari, va ta endlela Aroni tinguvu leti n'wi hlawulaka leswaku a tirha mitirho ya vuprista emahlweni ka mina.

Eksoda 28:41

U ta ambexa Aroni, makwenu, ni vana va yena, u va chela mafurha u va hlawula, leswaku va va entirhweni wa vuprista emahlweni ka mina.

Eksoda 20:11

Hikuva hi masiku ya ntlhanu na rin'we, Yehovha u endle tilo ni misava, ni lwandle, ni swilo hinkwaswo leswi nga eka swona; kambe u wisile hi siku ra vuntlhanu na mambirhi. Hikwalaho Yehovha a nga katekisa siku ra ku wisa, a va a ri hlawulekisa.

Levhitika 8:1

Yehovha a lerisa Muxe, a ku:

Ezekiele 43:23

“Kutakuloko u hetile ku susa nandzu, u ta humesa nkuzana leyi pfumalaka xivati, ni khuna leri pfumalaka xivati ra ntlhambi.

Eksoda 28:1

“U ta tshineta Aroni, makwenu, ni vana va yena, va ta hlawuriwa exikarhi ka vana va Israele leswaku va tirha ntirho wa vuprista emahlweni ka mina: U ta va yena Aroni, ni vana va yena, Nadabu, na Abihu, na Eliyazara, na Itamara.

Levhitika 6:13

Ndzilo wu ta pfurha hi masiku hinkwawo ealitarini, wu nga tshuki wu timeka.

Levhitika 7:35

Hi kona ku averiwa ka Aroni ni ka vana va yena ehenhla ka timhamba leti hiseriwaka Yehovha, hikwalaho ka ku hlawuriwa ka vona entirhweni wa vuprista.’ ”

Levhitika 14:11

Muprista la basisaka, u ta yisa munhu la tibasisaka swin'we ni swilo leswi emahlweni ka Yehovha, enyangweni ya tabernakela ya nhlengeletano.