Eksoda 28:43 - Xitsonga (Bibele)

⁴³ Aroni ni vana va yena va ta ti ambala loko va nghena eTabernakeleni ya nhlengeletano ni loko va tshinela alitari ku ya tirha ntirho evukwetsimelweni va nga tshuki va kuma nandzu, leswaku va nga ti fa. I ku lerisa loku nga heriki, loku nyikiweke Aroni ni vatukulu va yena.”

BIBELE Mahungu Lamanene

⁴³ Swiburukwana leswi swi fanele ku ambariwa hi Aroni ni vana va yena, loko va nghena eka Ntsonga lowo Hlawuleka, kumbe loko va ta kusuhi ni alitari ku ya tirha exivandleni lexo hlawuleka; loko va nga endlisi sweswo, va ta tivangela khombo, va fa. Lowu wu ta va nawu lowu bohaka Aroni ni vatukulu va yena hilaha ku nga heriki.”

Eksoda 28:43 Referans Kwoze

Eksoda 27:21

Aroni ni vana va yena va ta ti lunghisa eTabernakeleni, ehandle ka nguvu leyi nga emahlweni ka vumbhoni, leswaku ti voninga emahlweni ka Yehovha, ku sungula nimadyambu, ku fika nimixo. I ku lerisa loku nga heriki etinxakeni ta vana va Israele.”

Eksoda 20:26

U nga tshuki u khandziya ealitarini ya mina hi phandze, vuhava bya wena byi nga ti vonaka.

Levhitika 5:17

“Loko munhu a dyohile, a endle xilo lexi nga pfumeleriwiki hi nawu wa Yehovha, kambe a nga swi tivi, u ta va ni nandzu, u ta rhwala nandzu wa yena.

Tinhlayo 18:22

Kutani vana va Israele va nga ha tshineleli tabernakela ya nhlengeletano, va nga ti tshuka va tirhwexa nandzu lowu fanelaka hi rifu.

Levhitika 22:9

“ ‘Va ta hlayisa milawu ya mina, leswaku va nga tirhwexi nandzu etimhakeni leti, va nga tshuki va fa hikwalaho ka ku onha ka vona: hi mina Yehovha loyi a va kwetsimisaka.

Levhitika 17:7

Va nga ha humesi magandzelo ya vona eka swikwembu leswi va oswanaka na swona. Wu va eka vona nawu lowu nga heriki etinxakeni ta tinxaka.’

Levhitika 5:1

“ ‘Loko munhu a hlambanyile a ri mbhoni, kutani loyi a nga mbhoni la hlambanyisiweke loko a nga vuri leswi a swi voneke, kumbe leswi a swi tivaka, u ta rhwala nandzu wa yena.

Tinhlayo 9:13

“ ‘Kambe la tengeke, ni la nga endzangiki, kutakuloko a titsona ku dya Paseka, munhu loyi u ta hungutiwa etikweni ra yena, hikuva a nga humeselanga Yehovha nhlengo hi nkarhi wa wona; munhu loyi, u ta rhwala nandzu wa yena.

Eksoda 30:21

va ta hlamba mavoko ni milenge va nga ti fa. Ku ta va ku lerisa loku nga heriki ka Aroni ni vatukulu va yena etinxakeni ta vona.”

Levhitika 16:13

a veka mirhi ya risuna emakaleni, emahlweni ka Yehovha, kutani papa ra musi wa mirhi ri ta funengeta vukhongelelo lebyi nga ehenhla ka vumbhoni, leswaku a nga ti fa.

Ezekiele 44:17

“Kutakuloko va nghena hi tinyangwa ta rivala ra le xikarhi, va ta ambala swiambalo swa ntsembyana: va nga ambali voya loko va tirha etinyangweni ta le rivaleni ra le xikarhi ni le ndlwini.

Levhitika 3:17

Hi ku lerisa loku nga heriki etinxakeni ta n'wina, hinkwako laha mi nga ta aka kona: mi nga tshuki mi dya mafurha, hambi yi ri ngati.’ ”

Levhitika 22:15

Va nga tshuki va endla swahava hi swilo leswi hlawuriweke swa vana va Israele, leswi va swi pambulelaka Yehovha;

Tinhlayo 15:15

Wu ta va nawu wun'we wa nhlengeletano, hi leswaku wa n'wina ni wa muluveri la akeke eka n'wina: i ku lerisa loku nga heriki ka vatukulu va n'wina; swi ta va xilo xin'we eka muluveri ni ka n'wina emahlweni ka Yehovha.

Tinhlayo 18:8

Yehovha a byela Aroni, a ku: “Vona, exikarhi ka swilo hinkwaswo leswi hlawuriweke swa vana va Israele, ndzi ku nyikile leswi va ndzi pambulelaka swona, ndzi ku nyika swona wena ni vana va wena, ku va ku averiwa ka wena hi ku lerisa loku nga heriki.

Tinhlayo 18:32

Kuteloko mi pamburile leswo saseka eka swona, mi nga ka mi nga vekeriwi nandzu ni wun'we kambe mi nga tshuki mi sandza swilo leswi hlawuriweke swa vana va Israele, mi nga ti tshuka mi fa.’ ”