Eksoda 28:41 - Xitsonga (Bibele)

⁴¹ U ta ambexa Aroni, makwenu, ni vana va yena, u va chela mafurha u va hlawula, leswaku va va entirhweni wa vuprista emahlweni ka mina.

BIBELE Mahungu Lamanene

⁴¹ U ta ambexa makwenu Aroni ni vana va yena eswiambalo leswi swa vuprista, u va chela mafurha enhlokweni, u va veka ni ku va hlawulekisa leswaku va ta va vaprista, va ndzi tirhela.

Eksoda 28:41 Referans Kwoze

Eksoda 29:7

U ta teka mafurha ya ku tola, u n'wi chela enhlokweni u n'wi tota.

Levhitika 10:7

Mi nga tshuki mi huma enyangweni ya tabernakela ya nhlengeletano mi nga ta fa; hikuva mafurha ya ku tola ya Yehovha ma le henhla ka n'wina.” Kutani va endla hilaha Muxe a va byeleke hakona.

Eksoda 40:15

u va tota kukota tata wa vona, leswaku va tirha ntirho wa vuprista emahlweni ka mina; ku totiwa ka vona ku ta va veka vaprista hi masiku etinxakeni ta vona.”

Eksoda 29:9

Kutani u ta tsimba Aroni ni vana va yena hi mavamba, u va vehela swihuku, kutani vuprista byi ta va bya vona hi masiku hinkwawo; i ku lerisa loku nga heriki. U ta hlawurisa sweswo Aroni ni vana va yena.

Vaheveru 7:28

Hikuva nawu wu veka vaprista vanhu lava nga ni ku tsana, kambe rito ra ku hlambanya leri tlhandlamaka nawu, ri vekile N'wana la hetisekeke hilaha ku nga heriki.

1 Yohane 2:27

Kambe loko mi ri n'wina, ku cheleriwa loku mi ku amukeleke eka yena ku tshame eka n'wina, kutani a swi mi faneri ku dyondzisiwa hi munhu, kambe hilaha ku cheleriwa kuloko ku mi dyondzisaka hinkwaswo leswi nga ntiyiso, ma nga ri mavunwa, mi ta tshama eka yena hilaha ku mi dyondziseke.

1 Yohane 2:20

Loko mi ri n'wina, mi amukerile ku cheriwa hi la kwetsimeke, kutani mi tiva hinkwaswo.

Vaheveru 5:4

Kambe a ku na munhu la nga titekelaka vuhosi lebyi, loko a nga ri la vitiweke hi Xikwembu, kukotisa Aroni.

Yohane 3:34

Hikuva la rhumiweke hi Xikwembu, u vula marito ya Xikwembu, hikuva Xikwembu xi n'wi nyika Moya ku nga ri hi mpimo.

Ezekiele 43:26

Hi masiku ya ntlhanu na mambirhi, va ta tisa nkateko eka alitari, va yi basisa, va yi hlawula.

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

Esaya 10:27

“Enguveni yoleyo ndzhwalo wa Asiriya wu ta susiwa ekhatleni ra wena, ni joko ra yena enhan'wini ya wena, kutani joko ri ta tshoveka hi ku nyuhela ka wena.”

Tinhlayo 3:3

Hi wona mavito ya vana va Aroni va ri vaprista lava hlawuriweke, lava vekiweke ku tirha vuprista.

Eksoda 29:35

“U ta endlela Aroni ni vana va yena hinkwaswo leswi ndzi ku leriseke swona, Ku vekiwa ka vona ku ta endliwa hi masiku ya ntlhanu na mambirhi.

Eksoda 29:24

U ta veka swilo leswi hinkwaswo eswandleni swa Aroni, ni le swandleni swa vana va yena, u swi ndziwita emahlweni ka Yehovha;

Eksoda 28:4

“Tinguvu leti va nga ta ti endla hi leti: Nguvu ya xifuva, ni efodi, ni rhoko, ni baji, ni xihuku, ni vamba: va ta endlela Aroni, makwenu, ni vana va yena tinguvu leti hlawuriweke va ta tiva ku tirha ntirho wa vuprista emahlweni ka mina.

Eksoda 28:1

“U ta tshineta Aroni, makwenu, ni vana va yena, va ta hlawuriwa exikarhi ka vana va Israele leswaku va tirha ntirho wa vuprista emahlweni ka mina: U ta va yena Aroni, ni vana va yena, Nadabu, na Abihu, na Eliyazara, na Itamara.

Eksoda 40:13

kutani u ta ambexa Aroni hi tinguvu leti hlawuriweke, u n'wi tota, u n'wi hlawula leswaku a tirha ntirho wa vuprista emahlweni ka mina.

Levhitika 16:24

Kutani a hlamba miri ematini, exivandleni lexo kwetsima, a engeta a ambala tinguvu ta yena; kutani u ta huma, a ya humesa holokosta ya yena ni holokosta ya tiko, a va a tiphahlela mhamba swin'we ni tiko;

Eksoda 30:35

u swi endla mirhi ya risuna hi mukhuva wa mupfanganisi wa leswo nun'hwela, swi lungiwa, swi va leswi sasekeke, leswi hlawuriweke.

Tinhlayo 16:5

Kutani a byela Kora ni vandla ra yena, a ku: “Mundzuku Yehovha u ta tivisa loyi a nga wa yena, ni la hlawuriweke ku tshinela ekusuhi na yena; kutani loyi Yehovha a nga ta n'wi hlawula, u ta n'wi tshinetela eka yena.