Eksoda 28:40 - Xitsonga (Bibele)

⁴⁰ “U ta endlela vana va Aroni tinguvu, ni mavamba, ni swihuku leswo bomba, leswo kwetsima.

BIBELE Mahungu Lamanene

⁴⁰ “Mi ta rhunga tihembe ni mavamba ni swihuku leswitsongo, mi rhungela vana va Aroni leswaku swi ta va nyika ndzhuti ni ku languteka.

Eksoda 28:40 Referans Kwoze

Eksoda 39:41

Va tisa ni tinguvu ta ntirho, ku tirha ha tona ntirho wa yindlu yo kwetsima, ni tinguvu leto kwetsima ta muprista Aroni ni tinguvu ta vana va yena ku tirha ntirho wa vuprista.

Eksoda 28:4

“Tinguvu leti va nga ta ti endla hi leti: Nguvu ya xifuva, ni efodi, ni rhoko, ni baji, ni xihuku, ni vamba: va ta endlela Aroni, makwenu, ni vana va yena tinguvu leti hlawuriweke va ta tiva ku tirha ntirho wa vuprista emahlweni ka mina.

Levhitika 8:13

Kutani Muxe a vitana vana va Aroni, a va ambexa tinguvu, a va tsimba hi mavamba, a va bohelela swihuku, hilaha Yehovha a leriseke Muxe hakona.

Eksoda 29:9

Kutani u ta tsimba Aroni ni vana va yena hi mavamba, u va vehela swihuku, kutani vuprista byi ta va bya vona hi masiku hinkwawo; i ku lerisa loku nga heriki. U ta hlawurisa sweswo Aroni ni vana va yena.

Eksoda 28:2

“U ta endlela Aroni, makwenu, tinguvu leti hlawuriweke, leto kwetsima, ta vukulukumba.

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”

Tito 2:10

va nga yivi nchumu, kambe va endla hinkwaswo hi ku dzuneka lokunene va ta dzunisa etimhakeni hinkwato, dyondzo ya Xikwembu, Mukutsuri wa hina.

Tito 2:7

eka hinkwaswo u tiendla ntila wa mitirho leyinene, hi ku dyondzisa loku tengeke, loku nga riki na xisandzu,

Eksoda 29:8

U ta tshineta ni vana va yena, u va ambexa tinguvu.

Levhitika 16:24

Kutani a hlamba miri ematini, exivandleni lexo kwetsima, a engeta a ambala tinguvu ta yena; kutani u ta huma, a ya humesa holokosta ya yena ni holokosta ya tiko, a va a tiphahlela mhamba swin'we ni tiko;

Esaya 52:1

Pfuka, pfuka, ambala matimba ya wena, Siyoni! Ambala tinguvu ta nkhuvo, Yerusalema, muti lowu hlawuriweke! Hikuva sweswi, khuna ni munhu wa thyaka va nga ka va nga ha ngheni eka wena.