Eksoda 28:4 - Xitsonga (Bibele)

⁴ “Tinguvu leti va nga ta ti endla hi leti: Nguvu ya xifuva, ni efodi, ni rhoko, ni baji, ni xihuku, ni vamba: va ta endlela Aroni, makwenu, ni vana va yena tinguvu leti hlawuriweke va ta tiva ku tirha ntirho wa vuprista emahlweni ka mina.

BIBELE Mahungu Lamanene

⁴ Swiambalo leswi va nga ta rhunga swona hi leswi: Xincekana xa le xifuveni, ni efodi, ni nguvu yo leha, ni hembe yo rhungeleriwa mavalavala, ni xihuku, ni vamba. Va fanele ku rhungela makwenu Aroni ni vana va yena va xinuna eswiambalo leswo hlawuleka, leswaku va ta va vaprista, va ndzi tirhela.

Eksoda 28:4 Referans Kwoze

Nhlavutelo 9:17

Emahlorini ya mina ndzi vonisa sweswo tihanci ni lava ti khandziyeke va ri ni swisirhelelo leswi fanaka ni ndzilo, ni yakinta, ni xivavula; tinhloko ta tihanci a ti fana ni tinhloko ta tinghala; ku huma emilon'wini ya tona ndzilo, ni musi, ni xivavula.

Vaefesa 6:14

Tiyani hikwalaho, mi ri karhi mi titsimbile swifungha hi vamba ra ntiyiso, mi ambele exifuveni xisirhelelo xa leswo lulama;

1 Vatesalonika 5:8

Kambe hina hi nga va nhlekanhi, a hi tihlayiseni, kutani hi ambala xisirhelelo xa xifuva, ku nga ku pfumela ni rirhandzu, hi havaxela ni xihuku xa ku tshemba ku hlayiseka.

Esaya 59:17

Wa ambala ku lulama kukota xisirhelelo, kutani u veka enhlokweni e xihuku xa ku hlayiseka; u ambala tinguvu ta ku tirihisela, kutani u tifunengeta hi rilondzo kukota nkhancu.

Esaya 11:5

Ku lulama ku ta va vamba ra xisuti xa yena, ku tshembeka ku ta va vamba ra matsheve ya yena.

2 SAMIELE 6:14

kutani Davhida a cina hi matimba hinkwawo ya yena emahlweni ka Yehovha, kambe Davhida a a ambarile efodi ya ntsembyana.

1 SAMIELE 30:7

Davhida a ku eka Abiyatara, muprista, n'wana Ahimeleke: “Wa nga ndzi tisela efodi.” Kavaloko Abiyatara a tisa efodi eka Davhida.

1 SAMIELE 23:6

Kakuloko Abiyatara, n'wana Ahimeleke, a balekela eka Davhida eKeyila, efodi a yi ri evokweni ra yena.

1 SAMIELE 22:18

Kutani hosi yi ku eka Dowege: “Wena, hundzuka, u dlaya vaprista.” Kutani Dowege, wa Edomu, a hundzuka a dlaya vaprista. A dlaya siku lero vanhu va 85 lava ambaleke efodi ya ntsembyana.

1 SAMIELE 2:18

Samiele a tshama a tirha ntirho emahlweni ka Yehovha, a ri wandzisanyana la ambaleke efodi ya ntsembyana.

Eksoda 39:28

ni swihuku swa ntsembyana lowo saseka, ni swihuku swo bomba swa ntsembyana ni maburuku ya ntsembyana lowo saseka, leyi swuriweke,

Eksoda 25:7

ni maribye ya onikisi, ni maribye lama nga ta nghenisiwa engubyeni ya efodi ni ya nguvu ya xifuva.

Eksoda 29:6

U n'wi vehela ni xihuku enhlokweni, u boha ka xona xiphepherhele xo kwetsima.

Hosiya 3:4

Hikuva hi masiku lamanyingi, vana va Israele va ta tshama va nga ri na hosi ni tihosana, va nga ri na magandzelo ni xifaniso, va nga ri na efodi na “titerafi”.