Eksoda 28:12 - Xitsonga (Bibele)

¹² Maribye mambirhi u ta ma veka emakatleni ya efodi leswaku ma va maribye ya xitsundzuxo xa vana va Israele; Aroni u ta rhwala mavito ya vana va Israele emahlweni ka Yehovha emakatleni ya yena, xi va xitsundzuxo.

BIBELE Mahungu Lamanene

¹² kutani mi ta bohelela maribye ya kona etingotini ta efodi ta le makatleni, leswaku ma ta va xikombiso xa tinyimba ta Israele; naswona Aroni ú ta rhwala mavito lawa emakatleni ya yena loko a ta emahlweni ka mina HOSI Xikwembu, ma ta ndzi tsundzuxa tinyimba leti.

Eksoda 28:12 Referans Kwoze

Eksoda 28:29

Kutakuloko Aroni a nghena exikwetsimisweni, u ta rhwala mavito ya vana va Israele exifuveni xa yena hi nguvu ya xifuva ya ku avanyisa, leswaku xi va xitsundzuxo lexi nga heriki emahlweni ka Yehovha.

Yoxuwa 4:7

Mi ta ku eka vona: Mati ya Yordani ma avanile emahlweni ka areka ya ntwanano wa Yehovha; loko yi pela Yordani, mati ya Yordani ma avanile, kutani maribye lawa, i xitsundzuxo eka vana va Israele hilaha ku nga heriki.”

Tinhlayo 31:54

Kavaloko Muxe na Eliyazara, muprista, va teka nsuku wa tindhuna ta makume ya madzana ni ta madzana, kutani va wu tisa etabernakeleni ya nhlengeletano, swi va xitsundzuxo xa vana va Israele emahlweni ka Yehovha.

Tinhlayo 16:40

leswaku ku nga tshuki ku va na munhu ni un'we la nga riki wa rixaka ra Aroni la tshinelaka ku humesa mirhi ya risuna emahlweni ka Yehovha, a nga tshuki a kotisa Kora ni vandla ra yena, hilaha Yehovha a n'wi byeleke hakona ha Muxe.

Levhitika 24:7

U ta veka ehenhla ka rixaxa rin'wana ni rin'wana murhi wa risuna, xi va xitsundzuxo ehenhla ka swinkwa, yi nga nyiko leyi hisiwaka emahlweni ka Yehovha.

Timhaka 10:4

Yena loko a yi langutile, a tshuka hi ku chava, a ku: “Ku ni yini, Hosi?” Yi ku eka yena: “Mikhongelo ni ku hanana ka wena swi tlhandlukele emahlweni ka Xikwembu swi va switsundzuko eka xona.

Luka 1:72

leswaku a hi tsetselela swin'we ni vatata wa hina, ni ku anakanya ntwanano wa yena lowo kwetsima,

Luka 1:54

U londzovotile Israele, nandza wa yena, a ta anakanya tintswalo ta yena hilaha a byeleke vatata wa hina,

Esaya 62:6

Erirhangwini ra wena, Yerusalema, ndzi vekile valanguteri; va nga ka va nga miyeri ni siku ni rin'we, nhlekanhi ni vusiku O! N'wina lava mi tsundzuxaka Yehovha, mi nga tshuki mi wisa!

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Pisalema 89:19

Khale u vurile enorhweni eka Muhlawuriwa wa wena U ku: “Ndzi pfunile nhenha, Ndzi wundlile jaha exikarhi ka tiko.

Eksoda 28:7

Emakun'wini ya yona ku ta va tingubyanyana timbirhi leti hlanganisaka makatla, yi ta hlanganisiwa sweswo.

Eksoda 13:9

Xi ta va xikombiso evokweni ra wena, ni xitsundzuxo exikarhi ka mahlo ya wena. Nawu wa Yehovha wu ta va enon'wini wa wena, hikuva Yehovha a ku humesile eEgipta hi voko ra matimba.

Eksoda 12:14

Siku lero xi ta va xitsundzuxo xa n'wina; mi ta ri hlawula wu va nkhuvo wa Yehovha etinxakeni ta tinxaka: ku ve ku lerisa loku nga heriki.

1 Vakorinto 11:24

kuteloko a khensile, a phema a ku: “Tekani mi dya; wona i miri wanga, lowu phemeriweke n'wina; endlisani sweswo mi ndzi anakanya ha swona.”

Eksoda 28:11

U ta tsala mavito ya vana va Israele emaribyeni mambirhi hi mukhuva wa lava tsalaka emaribyeni hi ku vatla, kukota mfungho; ma ta khomiwa hi swovetana swa nsuku.

Duteronoma 33:12

Eka Benjamini, a ku: “I murhandziwa wa Yehovha, U ta aka hi ku tshemba kusuhi na yena; Yehovha u ta n'wi funengeta hi masiku, U ta tshama emakatleni ya yena.”

Ntirho 31:36

A ndzi ta yi rhwala ekhatleni ra mina, Kumbe ndzi yi boha emombyeni kukota musingasoro;