Eksoda 28:11 - Xitsonga (Bibele)

¹¹ U ta tsala mavito ya vana va Israele emaribyeni mambirhi hi mukhuva wa lava tsalaka emaribyeni hi ku vatla, kukota mfungho; ma ta khomiwa hi swovetana swa nsuku.

BIBELE Mahungu Lamanene

¹¹ Mi ta kevetla mavito ya vana va Yakobo emaribyeni lawa mambirhi, tanihi munhu loyi a kevetlelaka maribye ya nkoka a endla mimfungho; kutani mi ta vekela maribye lawa eka swiangarhelo swa nsuku,

Eksoda 28:11 Referans Kwoze

Nhlavutelo 7:2

Kutani ndzi vona ntsumi yin'wana yi huma evuxeni, yi tamele mfungho wa Xikwembu lexi hanyaka; kutani yi tlakusa rito, yi huwelela eka tintsumi ta mune leti nyikiweke matimba ya ku onha misava ni lwandle,

2 Timotiya 2:19

Hambiswiritano, masungulo ya ku tiya ya Xikwembu ma yimile swinene, ma nga ni mfungho wolowo, wu nge: “Hosi yi tiva lava nga va yona,” na kona: “Un'wana ni un'wana la vulaka vito ra Kriste, a a avane ni leswo homboloka.”

Vaefesa 4:30

Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

Vaefesa 1:13

yeloyi, na n'wina mi nga ka yena, n'wina lava yingiseke rito leri tiyeke, yi nga Evhangeli ya ku hlayiseka ka n'wina, yeloyi kambe, siku mi pfumeleke ka yena, mi funghiweke hi Moya lowo Kwetsima lowu tshembisiweke vanhu;

Zakariya 3:9

Hikuva vona, loko ri ri ribye leri ndzi nga ri veka emahlweni ka Yoxuwa, ehenhla ka ribye leri ntsena, ku ni mahlo ya ntlhanu na mambirhi; ndza ri vatla, ku vula Yehovha wa tinyimpi, kutani ndzi ta hlangula ku homboloka ka misava leyi hi siku rin'we.

Yeremiya 22:24

“Ndza hanya, ku vula Yehovha, loko wa ngi Yekoniya, n'wana Yoyakimi, hosi ya Yuda, a kotisile xingwavila lexi tiyisiweke evokweni ra mina ra xinene, a ndzi ta n'wi chuputa kona!

Eksoda 39:18

Va khweketa emakun'wini mambirhi ya tiketana swovetana swimbirhi, swi ve makatleni ya efodi, tlhelo ra le mahlweni.

Eksoda 39:13

erixaxeni ra vumune: krisolita, ni onikisi, ni yaspere. Maribye lawa a ma namekiwile ensukwini, etifukweni ta wona.

Eksoda 39:6

Kutani va teka maribye ya onikisi, va ma nameka etifukweni ta nsuku, va tsala eka wona mavito ya vana va Israele, hi mukhuva wa lava tsalaka emaribyeni.

Eksoda 28:36

“Kutani u ta fula xiphepherhele xa nsuku lowo saseka, u tsala eka wona, hi mukhuva lowu va tsalaka mifungho mhaka leyi nge: Ku kwetsima ka Yehovha.

Eksoda 28:25

Kutani u ta khweketa emakun'wini mambirhi ya tiketana swovetana swimbirhi; kutani swi ta vekiwa emakatleni ya efodi, tlhelo ra le mahlweni.

Eksoda 28:21

“Maribye ma ta vekiwa hi ku tlhandlamana ka mavito ya vana va Israele va khume na mambirhi; ma ta va khume na mambirhi hi ku hlaya ka mavito ya vona, rin'wana ni rin'wana ri ta va ni vito ra rixaka rin'we ra Israele, mavito ma ta tsariwa hi mukhuva wa mfungho.

Eksoda 28:10

mavito ya ntlhanu na rin'we ma tswariwa eribyeni rin'wana, mavito man'wana ya ntlhanu na rin'we eribyeni rin'wana, hi ku ya hi tinxaka ta vona.

Eksoda 28:12

Maribye mambirhi u ta ma veka emakatleni ya efodi leswaku ma va maribye ya xitsundzuxo xa vana va Israele; Aroni u ta rhwala mavito ya vana va Israele emahlweni ka Yehovha emakatleni ya yena, xi va xitsundzuxo.

Ntirho 19:24

A ma tsariwe hi chizele ya nsimbhi ni hi nhumbu eribyeni, Hilaha ku nga heriki!