Eksoda 24:7 - Xitsonga (Bibele)

⁷ A teka ni buku ya ntwanano, a hlaya emahlweni ka tiko; kutani tiko ri ku: “Hinkwaswo leswi Yehovha a swi vuleke hi ta swi yingisa, hi va hi swi endla.”

BIBELE Mahungu Lamanene

⁷ Kutani a teka buku ya Ntwanano, a yi hlayela Vaisraele, kutani va ku: “Hinkwaswo leswi HOSI Xikwembu xi nga swi vula, hi ta swi endla; naswona hi ta yingisa.”

Eksoda 24:7 Referans Kwoze

1 Vatesalonika 5:27

Ndza mi khongela hi Hosi leswaku epistola leyi, yi hlayeriwa vamakwerhu hinkwavo.

Vakolosa 4:16

Kutakuloko epistola leyi, yi hlayiwile eka rikwenu, mi ta vona leswaku yi hlayiwa ni le kerekeni ya Lawodikiya, kambe na n'wina mi hlaya leyi nga ta ta hi le Lawodikiya.

Timhaka 13:15

Kuteloko ku hlayiwile mapapila ya nawu ni ya vaprofeta, tihosana ta sinagoga ti rhuma eka vona ti ku: “Vavanuna varikwerhu, loko ri ri kona eka n'wina rito ra ku khongotela vanhu, mi nga vulavula.”

Eksoda 19:8

Kutani tiko hinkwaro ri hlamula swin'we ri ku: “Hinkwaswo leswi Yehovha a swi vuleke, hi ta swi endla.” Kutani Muxe a yisa marito hinkwawo ya tiko eka Yehovha.

Yoxuwa 24:24

Loko swi ri tano: “Susani swikwembu swa matiko man'wana, swa valuveri lava luveleke exikarhi ka n'wina, mi hundzuka hi timbilu ta n'wina eka Yehovha, Xikwembu xa Israele.” Kavaloko tiko ri ku eka Yoxuwa: “Hi ta tirhela Yehovha, Xikwembu xa hina, hi ta yingisa rito ra xona.”

1 TIHOSI 8:9

A ku nga ri na nchumu earekeni, loko ma nga ri maribye mambirhi ya swimphampha lawa Muxe a ma vekeke kona eHorebe, loko Yehovha a endla ntwanano ni vana va Israele loko va huma etikweni ra Egipta.

Pisalema 50:5

Ndzi hlengeleteleni lava ndzi rhandzaka, Lava endleke ntwanano na mina hi magandzelo.

Pisalema 78:36

Kambe a va xi kanganyisa hi milomu ya vona, Va xi hembela hi tindzimi ta vona;

Yeremiya 34:13

“Ku vula Yehovha Xikwembu xa Israele: A ndzi endlile ntwanano ni vatata wa n'wina, hi nkarhi lowu ndzi va humeseke etikweni ra Egipta, endlwini ya vukhumbi, ndzi ku:

Yeremiya 42:6

Hambi swi ri swo saseka, hambi swi bihile; hi ta yingisa rito ra Yehovha, Xikwembu xa hina, lexi hi ku rhumeleke eka xona, xi ta hi katekisa loko hi va hi yingisile rito ra Yehovha, Xikwembu xa hina.”

Ezekiele 16:8

Ndzi hundza ekusuhi na wena, ndzi ku vona; nkarhi wa wena a wu fikile, nkarhi wa rirhandzu, kutani ndzi tshandzavuta nkumba wa mina ehenhla ka wena, ndzi funengeta vusweti bya wena, ndzi ku hlambanyela, ndzi endla ntwanano na wena, ku vula Hosi Yehovha, kutani u va wa mina.

Malakiya 2:10

Xana a hi velekiwanga hinkwerhu hi tatana un'we? Xana a hi vumbiwanga hi Xikwembu xin'we xana? Hikwalaho ka yini hi kanganyisana un'wana ni un'wana ni makwavo, hi onhela yini ntwanano wa vatata wa hina xana?

2 TIKRONIKA 15:14

Kutani va tiboha eka Yehovha hi ku hlambanya hi rito lerikulu, ni ku huwelela ka ku tsaka, ni ku pfuma ka tinanga ni ka timhalamhala.