Eksoda 24:18 - Xitsonga (Bibele)

¹⁸ Kutani Muxe a nghena epapeni, a khandziya entshaveni a tshama kona hi masiku ya mune wa makume, nhlekanhi ni vusiku.

BIBELE Mahungu Lamanene

¹⁸ Kutani Muxe a nghena epapeni, a tlhandlukela entshaveni. Muxe ú tshamile entshaveni masiku ya 40 ni vusiku bya kona.

Eksoda 24:18 Referans Kwoze

Duteronoma 9:9

Kuteloko ndzi khandziyile entshaveni, ku ya teka maribye, ma nga maribye ya ntwanano lowu Yehovha a nga wu endla na n'wina, ndzi tshamile entshaveni masiku ya 40, ni vusiku bya 40, ndzi nga dyi vuswa, ndzi nga nwi mati;

Duteronoma 10:10

“Loko ndzi ri mina, ndzi xwe entshaveni masiku ya 40, ni vusiku bya 40, kukotisa eku sunguleni. Yehovha u ndzi yingisile kambe enkarhini lowo, Yehovha a nga rhandzangi ku ku heta.

Eksoda 34:28

Muxe a tshama na Yehovha hi masiku ya mune wa makume, ni vusiku bya mune wa makume, a nga dyi vuswa, a nga nwi mati; kutani Yehovha a tsala emaribyeni marito ya ntwanano, ma nge marito ya khume.

Duteronoma 9:25

Kutani ndzi khinsamile emahlweni ka Yehovha hi masiku ya 40, ni vusiku bya 40, ndzi tshama ehansi, hikuva Yehovha a a vurile leswaku a ta mi heta.

Duteronoma 9:18

Kutani ndzi tiwisa ehansi emahlweni ka Yehovha, kukotisa leswo sungula, hi masiku ya 40, ni vusiku bya 40; ndzi nga dyi vuswa, ndzi nga nwi mati, hikwalaho ka xidyoho lexikulu lexi mi dyoheke ha xona loko mi endla leswo biha emahlweni ka Yehovha, ku n'wi karihisa.

Luka 4:2

Kutani a ringiwa kona hi Diyavulosi hi masiku ya mune wa makume, a nga dyi nchumu hi masiku walawo; kambe, eku heleni ka wona, a twa ndlala.

Marka 1:13

a ya tshama emananga hi masiku ya mune wa makume, a ri karhi a ringiwa i Satana, a ri exikarhi ka swivandzana, tintsumi a ti n'wi tirhela.

Matewu 4:2

Kutani a tshama a nga dyi nchumu hi masiku ya mune wa makume, ni vusiku bya mune wa makume, a kondza a twa ndlala.

1 TIHOSI 19:8

A pfuka, a dya, a nwa, kutani hi matimba lawa a ma kumeke eswakudyeni leswi, a famba masiku ya mune wa makume, vusiku ni nhlekanhi, a ya fika eHorebe, entshaveni ya Xikwembu.

Eksoda 24:17

Kutani xikombiso xa ku kwetsima ka Yehovha enhlohlorhini ya ntshava emahlweni ya vana va Israele a xi fana ni ndzilo lowu dlayaka.

Eksoda 19:20

Sweswo Yehovha a rhelele entshaveni ya Sinayi, enhlohlorhini ya ntshava; kutani Yehovha a vitana Muxe enhlohlorhini ya ntshava, kutani Muxe a khandziyela kona.

Eksoda 9:33

Kutani Muxe a suka eka Faro, a huma emutini, kuteloko a tlakuse mavoko ya yena eka Yehovha, ku pfuma ni xihangu swi hela, ni mpfula yi xa emisaveni.

Eksoda 9:29

Muxe a ku eka yena: “Kutakuloko ndzi huma emutini, ndzi ta tlakusa mavoko ya mina eka Yehovha, kutani ku pfuma ku ta miyela, xihangu na xona xi ta hela, u ta tiva leswaku misava i ya Yehovha.

Swivuriso 28:1

Lowo biha u tsutsuma hambi a nga landziwi, Kambe lowo lulama u tsakile kukota xinghalana.

Eksoda 25:1

Yehovha a vulavula na Muxe, a ku:

Eksoda 32:1

Kakuloko tiko ri vona leswaku Muxe a hlwela ku xika entshaveni, ri hlengeletana eka Aroni, ri ku eka yena: “Tana, u hi endlela swikwembu leswi hi rhangelaka emahlweni, hikuva loko a ri Muxe, wanuna loyi a hi humeseke etikweni ra Egipta, a hi tivi lexi n'wi humeleleke.”

1 TIHOSI 19:11

Yehovha a ku eka yena: “Huma u yima entshaveni emahlweni ka Yehovha.” Kutani maswivo, Yehovha a hundza; moya wa xidzedze wu handzula tintshava, wu faya maribye emahlweni ka Yehovha. Kambe Yehovha a a nga ri kona exidzedzeni. Endzhaku ka xidzedze ku va ni ku tsekatseka ka misava. Kambe Yehovha a a nga ri kona eku tsekatsekeni ka misava.

Duteronoma 5:31

kambe wena, tshama kwala na mina, ndzi ta ku byela milawu hinkwayo ni timhaka ni ku lerisa; u ta va dyondzisa swona leswaku va swi landza etikweni leri ndzi va nyikaka rona ku ri fuwa.’