Eksoda 24:17 - Xitsonga (Bibele)

¹⁷ Kutani xikombiso xa ku kwetsima ka Yehovha enhlohlorhini ya ntshava emahlweni ya vana va Israele a xi fana ni ndzilo lowu dlayaka.

BIBELE Mahungu Lamanene

¹⁷ Vaisraele a va vona ku vonakala ka HOSI Xikwembu, ehenhla ka ntshava, ku fana ni ndzilo lowu pfurhaka.

Eksoda 24:17 Referans Kwoze

Vaheveru 12:29

Hikuva Xikwembu xa hina, na xona, i ndzilo lowu hisaka.

Vaheveru 12:18

Hikuva a mi tshinelelangi ntshava leyi khumbiwaka hi voko, hambi wu ri ndzilo lowu hisaka, hambi wu ri munyama, hambi xi ri xidzedze,

Duteronoma 4:36

Xi ku twisile rito ra xona xi ri etilweni ku ku dyondzisa; kambe la emisaveni, ku vonisile ndzilo wa xona lowukulu, kutani u yingisile marito ya xona endzilweni.

Eksoda 3:2

Ntsumi ya Yehovha yi humelela eka yena emalangavini ya ndzilo, exikarhi ka xihlahla; kuteloko Muxe a langutile, a vona xihlahla xi pfurha hi ndzilo, kambe xihlahla xi nga heli.

Duteronoma 4:24

Hikuva Yehovha, Xikwembu xa wena, i ndzilo lowu pfurhaka, i Xikwembu lexi nga ni rilondzo.

Eksoda 19:18

Kutani ntshava ya Sinayi a yi mbuluka musi hi matlhelo hinkwawo, hikuva Yehovha a a xikile ka yona a ri endzilweni; musi wa yona wu mbulukele henhla kukota musi wa xitiko; kutani ntshava hinkwayo a yi tsekatseka ngopfu.

Ezekiele 1:27

Kutani ndzi vona xilo lexi fanaka ni koporo loko yi vila, ku sukela eka lexi nga fana ni xisuti xa yena ku ya ehenhla, ni ku sukela kona ku ya ehansi, ndzi vona xilo lexi fanaka ni ndzilo, ni ku vonakala lokukulu ematlhelo hinkwawo.

Nahume 1:6

Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Duteronoma 9:3

Tiva namuntlha leswaku Yehovha, Xikwembu xa wena, u ta hundza a ri yena emahlweni ka wena, a kotisa ndzilo lowu pfurhaka, hi yena la nga ta va heta; a va tsongahata emahlweni ka wena; kutani u ta teka swa vona, u va heta kan'we hilaha Yehovha a ku byeleke hakona.

Ezekiele 1:28

Tanihi ku saseka ka nkwangulatilo emapepeni hi siku ra mpfula, a ku sasekisile xisweswo ematlhelweni hinkwawo hi ku vonakala loku: A ku ri hlavutelo ya ku kwetsima ka Yehovha. Kuteloko ndzi swi vonile, ndzi wa hi mombo wa mina, ndzi ri karhi ndzi twa rito ra un'wana la vulavulaka.

Eksoda 19:11

va tilunghisela siku ra vunharhu; hikuva hi siku ra vunharhu Yehovha u ta xikela entshaveni ya Sinayi emahlweni ka tiko hinkwaro.

2 SAMIELE 22:9

Ku tlhandluka musi, wu huma etinhompfini ta yena, Ni ndzilo lowu lovisaka emilon'wini ya yena; Ku huma eka yona ni makala lama vavamelaka,

2 SAMIELE 22:13

Eku vonakaleni loku n'wi rhangelaka emahlweni, Ku huma makala lama vavamelaka.